Ŋwà’ne Jâŋ 7:30 - Nouveau Testament en Ngienboum

³⁰ Pɔ́ jú’u yɔɔn nò, éfa’a légwoon yé, tá nyìŋ ké tè pwó ná yé záb, mélà’mie à yé fʉ̀’ la nyé tè ku’.

Ŋwà’ne Jâŋ 7:30 Referans Kwoze

Ŋwà’ne Jâŋ 10:39

Pɔ́ leen ńké ńgíŋe fa’ shÿó légwoon yé, tá á tsẅíle nà mbwo mɔ́b.

Ŋwà’ne Jâŋ 8:20

Yěsô la gwaa gɔɔn mɔɔn menò pá’ɔɔn, ńgwɔ́ tsɛ̀ɛ *jʉ’ʉ Ssé, ńne ńzí’i pʉ̀a nò Ssé, ńgwɔ́ ngʉ̀ŋe jʉ’ gie mé ńnéŋe nkáb gie mé náa mbwo Ssé wó. Nyìŋ ké tè yé gwoon, mélà’mie á la gwaa gwɔ́, mbà yé fʉ̀’ kaa ku’u.

Ŋwà’ne Jâŋ 7:6

Yěsô tsɔ́’ɔ mbwo pɔ́b ngie: Ayɔ́ɔn fʉ̀’ nyé tè ku’, tá ńgʉa ná pi, mbà fʉ̀’ʉ kɔ́ wɔ́ áa mbwo pi ńgwɔ́ pɔ́ mbòŋ.

Ŋwà’ne Jâŋ 7:32

Pà *farisay jú’ pá’ alá’ ne shÿɔ́gɔ ncwò ssé ńkíme Yěsô, pɔ́ gʉa ńgyá mentándá pànuŋe pwɔ́’ pâ pɔ̌ túm pàpyɛ́bɛ *jʉ’ʉ Ssé ngie pɔ́ gʉa ńgwoon Yěsô.

Ŋwà’ne Jâŋ 11:57

Á la gwaa gwɔ́, mbà mentándá pànuŋe pwɔ́’, pâ pà *farisay ka gɔɔn ngie, nyìŋ lɔɔn ne ńzsé jʉ’ gie Yěsô aa wɔ́, á kem, mé gʉa ńgwoon yé.

Ŋwà’ne Jâŋ 9:4

Á ne ńzɛ́te ngie, njÿó lɔɔn ńnyé wó pá’ɔɔn, pege fà’ mefà’ nyìŋ gẅie à la túmo wɔ̀ɔn. Nzèm ge síŋ, atsɔ̌ nyìŋ le gíŋe ńku’u léfa’a fà’ wɔ́.

Ŋwà’ne Jâŋ 8:59

Pɔ́ jú’ pú’u, ńdag metóon lélɔg ńtémte Yěsô ńzẅé. Á sele nnɛ́ ḿbyé, éshú fó tsɛ̀ɛ *jʉ’ʉ Ssé ńkẅɛ.

Ŋwà’ne Jâŋ 8:37

Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Ŋwà’ne Jâŋ 7:19

Mǒsê zɔ la tè ná meŋwà’ne né pi wɔ́ le? Tà wɔ̌ ná pi mɔ̌ɔn ńne ńgiŋe mǒ? Pi piŋe fa’a lézẅé wɔ̀ɔn mélà’a kɔ́?

Ŋwà’ne Jâŋ 7:8

Pi zɔ pʉ ńgʉa jʉ’ʉ línɔ́ɔn. Á gʉa ná mèŋ, mbà mèŋ n tě ńgee nê wó wɔ́, ayɔ́ɔn fʉ̀’ kaa ku’u.

Lukase 22:53

Mbà mèŋ n kaa lyɛ̌’ ntsèm, ńké ńně ńgwɔ́ pɔ́ tsetsɛ̀ɛ pi tsɛ̀ɛ *jʉ’ʉ Ssé, pi ké tè fa’a légwoon wɔ̀ɔn mɔ́. Tá’, agí fʉ̀’ yɔɔn, mbà á léen ńké ńku’, ńgwɔ́ fʉ̀’ gie afùɔ menò nzěm tǒ tà ne sá’a lá’ yé.

Lukase 20:19

Pá’ *metándá pànùŋe pwɔ́’ lâ *pàkyàgte lepʉ̌ Mǒsê, la jú’ yɔɔn sagá nò, ńdiŋ ngie à gɔɔn pɔ́ ne pɔ́b la, pɔ́ fa’ shÿó légwoon yé, tá ḿbɔ́g nÿɔ́g lá’.

Malékuse 11:18

Metándá pànùŋo pwɔ́’ pâ *pàkyàgte lepʉ̌ Mǒsê gÿo ńjú’, ńzye léfa’ shÿó pá’ pɔ́ ge gÿo tá zẅé yé. Pɔ́ la ne ḿbɔ́gɔ ngie nò yé ge pú jÿó lá’, á nue alá’ ntsèm la ne ńgɔ’te mmó gie à lɔ̌ɔn ńzí’i pʉ̀a.

Matio 21:46

éfa’ shÿó légwoon yé, tá ḿbɔ́g nÿɔ́g lá’, á nue lá’ la ne ńzsé ngie Yěsô aa *ntsẅì nkʉ̀ Ssé.

Ŋwà’ne Jâŋ 10:31

Pà Yuda gíŋe ńdag metóon, lélɔg ńtémte Yěsô ńzẅé.

Matio 12:14

Á cʉa pà *farisay, pɔ́ fó *ndá cú’tè ńkẅɛ, ńcú’te fa’ shÿó pá’ pɔ́ ge gÿo tá zẅé Yěsô