Ŋwà’ne Jâŋ 7:18 - Nouveau Testament en Ngienboum

¹⁸ Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Ŋwà’ne Jâŋ 7:18 Referans Kwoze

Ŋwà’ne Jâŋ 5:41

Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

Ŋwà’ne Jâŋ 12:28

Tá wɔ̀ɔn, gÿo mé gu’te lezíŋ shú. Ngyè nyìŋ leen ńké fó lepwó ńgɔɔn ngie: Mèŋ n gÿǒ pú’u. Mèŋ n ge gíŋe gÿo sẅé sẅé.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

Matio 6:9

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

Ŋwà’ne Jâŋ 11:4

Yěsô jú’ pú’u, ńgɔɔn ngie, yɔɔn guɔ té gie á ge lɔgɔ yé wɔ́. Á ge gÿo mé ná mekù’ mbwo Ssé, ḿbiŋ ńcʉa mǒ ńná mekù’ mbwo Míŋ Ssé.

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

Ŋwà’ne Jâŋ 12:43

Á laa pú’u, mélà’mie pɔ́ la kwoŋ mekù’ mie pʉ̀a mesoŋ náa mbwo pɔ́b, ńtɔ́g mie é fóo mbwó Ssé.

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.