Ŋwà’ne Jâŋ 7:12 - Nouveau Testament en Ngienboum

¹² Alá’ ne shwóŋè mencwò mencwò ńtí Yěsô. Petsɔ́ pʉ̀a ne ńgɔɔn ngie aa kwà’ nyìŋ. Petsɔ́ ne ńgɔɔn ngie à fʉte pʉ̀a fʉte.

Ŋwà’ne Jâŋ 7:12 Referans Kwoze

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Ŋwà’ne Jâŋ 7:47

Pà *farisay leen ńké ńgɔɔn né pɔ́b ngie: Ńzsé ngie à selé twó gí gí wɔ́?

Ŋwà’ne Jâŋ 7:32

Pà *farisay jú’ pá’ alá’ ne shÿɔ́gɔ ncwò ssé ńkíme Yěsô, pɔ́ gʉa ńgyá mentándá pànuŋe pwɔ́’ pâ pɔ̌ túm pàpyɛ́bɛ *jʉ’ʉ Ssé ngie pɔ́ gʉa ńgwoon Yěsô.

Filipo 2:14

Pi gÿo kɔ̀ɔkɔ́ɔ té zẅɛ́te, té tsɔ̌ zòŋo nò tsetsɛ̀ɛ pi,

Roma 5:7

Á zɔɔn ńtʉ tɛ’ tá nyìŋ mésoŋ zẅíŋe lékwé nà twó wetsɔ̌, tà mbɔɔ pá’ wɛ̌ nyìŋ lɔɔn ńgwɔ́ pɔ́ nyìŋ gẅie à kú’te *lepʉ̌. Ndyɛ̀’ ńgwɔ́ nyìŋ zẅíŋe lékwé ńtí nyìŋ gẅie à gÿo menò mbòŋo.

Megàŋ ntúm 11:24

Panebâse ŋwɛ́ zɔɔn ńgwɔ́ nyìŋ ńgẅiin tsẅé mbòŋo. Mbà Zẅìge Ndʉalʉ̌a léen ńjÿó yé. Á piŋ ńzáb ntʉ́m wé ná Cʉ̀apʉ̀a tɛ’. Pʉ̀a tà ńgyɔ́ɔn fó mbɔɔ ná ye ntí, ńcʉ́’ pʉ̀a Cʉ̀apʉ̀a.

Ŋwà’ne Jâŋ 7:52

Tá petsɔ́ pʉ̀a tsɔ́’ɔ mbwo yé ngie: Ɔ̀ɔ jú nyìŋ Galilea ka? Ɔ̀ lɔɔn fa’ mboŋó, mbà ɔ̀ ge gyá ngie tsɔ̌ *ntsẅì nkʉ̀ Ssé laa kẅɛɛ Galilea wɔ́.

Ŋwà’ne Jâŋ 6:14

Alá’ gyá nò mmɔɔn mmɔɔn gie Yěsô gÿǒ, ńgɔɔn ngie: Nyìŋ wɔɔn aa kwà’ *ntsẅì nkʉ̀ Ssé gẅie mé ka ne ńzẅí’te ngie à tóo tsɛ̀ɛ njÿó.

Lukase 23:50

Atsɔ̌ nyìŋ gwɔ́ yé jʉ’ó, mé tóŋo yé le Yesyɛ̂b, mbà mé la zyé yé nà tsɔ́ tÿǒsoŋ pà Yuda gie mé tóŋo le Arimaté, ńgwɔ́ nyìŋ mbòŋo, ńkíbe *lepʉ̌ Ssé tɛ’, ḿbiŋ ńtsẅé ne ńzẅí’te fʉ̀’ gie Ssé ge sá’ njÿó. À laa mbɔɔ tsetsɛ̀ɛ melÿò pie pɔ́ lɔ́ɔn sá’a lá’. À la tè zẅíŋe nò gie petsɔ́ melÿò la záb ḿbiŋ ńgÿo nà Yěsô wɔ́.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.

Lukase 18:19

Yěsô tsɔ́’ ńzɛ́te yé ngie: Ɔ̀ tóŋo wɔ̀ɔn le nyìŋ mbòŋo mélà’a kɔ́? É té ndà’ Ssé wɔ́, mbà tsɔ́ nyìŋ mbòŋo tè wó wɔ́.

Lukase 7:16

Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Lukase 6:45

Pi zsé ngie nyìŋ lɔɔn ńgẅiin ntʉ́m mbòŋo, mbà à ge gẅiin ncwò mbòŋo, ńgẅiin ntʉ́m tepòŋ, mbà shwóŋè tepòŋ zɔ̌ ge kẅɛɛ ncwò yé, mélà’mie nyìŋ gɔɔn pɔ́ nò gie áa tsɛ̀ɛ ntʉ́m yé.

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Matio 21:46

éfa’ shÿó légwoon yé, tá ḿbɔ́g nÿɔ́g lá’, á nue lá’ la ne ńzsé ngie Yěsô aa *ntsẅì nkʉ̀ Ssé.

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.