Ŋwà’ne Jâŋ 6:42 - Nouveau Testament en Ngienboum

⁴² Pɔ́ gíŋe ne ńgɔɔn ngie nyìŋ wɛ̂ à tè Yěsô míŋ Yesyɛ̂b wɔ́ le! Pege tě ne ńzsé tá we pɔ́ má we wɔ́ le? Á ge gÿo lêkɔ́ tá à shwóŋó wégè fʉ̀’ɔɔn ngie à ka fó tÿǒ lepwó sẅɛ́’?

Ŋwà’ne Jâŋ 6:42 Referans Kwoze

Lukase 4:22

Pɔ́ jú’u shwóŋè gie á kẅɛɛ ncwò yé, á gwɔ poŋo wɔ́b, ńgíŋe ne ńkʉ’ʉ wɔ́b, pɔ́ zye lézẅɛ́te, ńgɔɔn ngie: Wɛ̂ te míŋ Yesyɛ̂b wɔ́ le?

Malékuse 6:3

À tè kápíndɔ́ɔn, ńgwɔ́ míŋ Malîɛ wâ? Ńgwɔ́ fɛ́ pà Jâg, ńgÿo Joses, ńgÿo Jẅide mbɔɔ Símo wâ? Mefɛ́ pé pe pànzwě té gwɔ́ pɔ́ lá’ pege wɔɔn wɔ́ le? Pɔ́ gɔɔn pá’ɔɔn, ńdʉ’ʉ lé jú’u nò yé.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

1 Korento 15:47

E Ssé la cʉ́’ʉ lépwóon ndùŋ mvfò nyìŋ mesoŋ, ńdɔgɔ tsetsá’ ḿbwóon yé. Wɛ̌ nyìŋ lɔgɔ pú’u, éfóo ndùmo ssé tsetsá’, tá’ nyìŋ mbɔ́ɔntè yépʉ́a á fóo pɔ́ tÿǒ lepwó.

Ŋwà’ne Jâŋ 6:62

Tà pi lɔɔn ńgwɔ gyá *Míŋ Nyìŋ gíŋe ńkwɔ́’ ńgʉa né jʉ’ gie à la zɔɔn ńgwɔ́ wó, pi gÿo pɔ́ lêkɔ́?

Ŋwà’ne Jâŋ 6:38

Á nue mèŋ n da tè fó tÿǒ lepwó ńtó pɔ́ légÿo yɔ́ɔn mmó gie mèŋ n kwǒŋ wɔ́, n da tó légÿo mmó gie nyìŋ gẅie à la túmo wɔ̀ɔn à ne ńkwoŋo.

Roma 9:5

Pà mangʉa njʉ’ pɔ́b la kẅɛɛ nà ngẅɛ̀ Ábalam. Kristo gẅie aa Ssé, la gÿo ńkẅɛ yé nà yɛ̌ ngẅɛ̀, á fʉ̀’ gie mé la zyé yé á gwɔ́ nyìŋ mesoŋ. À pǔ ńcʉa kɔ̀ɔkɔ́ɔ. Mbʉ́lè gwɔ́ ná yé mengù’u mengù’. *Amen.

Ŋwà’ne Jâŋ 1:45

Filib gʉa ńgyá Natanayɛl, ńgɔɔn né yé ngie: Peg gyǎ nyìŋ gẅie mé la ŋwe’e nò ná yé tsɛ̀ɛ ŋwà’ne mbʉ̌ Mǒsê, mbɔɔ tsɛ̀ɛ meŋwà’ne pà *ntsẅì nkʉ̀ Ssé. Peg gyǎ yé, á gwɔ́ Yěsô, mìŋ Yesyɛ̂b, á mûɔ Nǎzarɛd.

Ŋwà’ne Jâŋ 3:13

Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.

Ŋwà’ne Jâŋ 6:43

Yěsô tsɔ́’ɔ mbwo pɔ́b ngie: Tà pi gíŋe ńzẅɛ́te!