Ŋwà’ne Jâŋ 6:41 - Nouveau Testament en Ngienboum

⁴¹ Pàsá’a lá’ leen ńké ńzye lézẅɛ́te nzèm Yěsô, mélà’mie à gɔ̌ɔn ngie aa mmó léjÿó gie à fóo tÿǒ lepwó.

Ŋwà’ne Jâŋ 6:41 Referans Kwoze

Ŋwà’ne Jâŋ 6:48

Ammó léjÿó gie á gÿo mé gwɔ́ wó à gwɔ́ pɔ́ mèŋ.

Ŋwà’ne Jâŋ 6:33

Á nue shúm léjÿó sie é fóo mbwó Ssé, aa nyìŋ gẅie à fǒ tÿǒ lepwó ésẅɛ́’, ńgÿo pʉ̀a mesoŋ tsɛ̀ɛ njÿó gwɔ́ wó.

Ŋwà’ne Jâŋ 7:12

Alá’ ne shwóŋè mencwò mencwò ńtí Yěsô. Petsɔ́ pʉ̀a ne ńgɔɔn ngie aa kwà’ nyìŋ. Petsɔ́ ne ńgɔɔn ngie à fʉte pʉ̀a fʉte.

Ŋwà’ne Jâŋ 6:66

Á fó fʉ’ó, lelÿò *ngàŋa kwò Yěsô kÿo, pâ pɔ̌ té gíŋe ńgiŋ wɔ́.

Ŋwà’ne Jâŋ 6:60

*Ngàŋa kwò Yěsô jú’u shwóŋè yé, lelÿò zye légɔɔn ngie: Ashwóŋe yɛ̂ á tʉ̌ tà ńcʉa! À lɔɔn ńgwɔ́ à wɔ̌ zẅí’te?

Jẅide 1:16

Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

Ŋwà’ne Jâŋ 6:58

Wɔɔn aa pá’ shúm léjÿó sie é fóo tÿǒ lepwó é gwɔ́, é té pá’ sie metá pí la pfɛ́ ńké ńgíŋe nkwé kwé wɔ́. Nyìŋ lɔɔn ńjÿó sɔɔn shúm léjyó, mbà ngàŋ ge lá’a gwɔ́ pɔ́ wó.

Ŋwà’ne Jâŋ 6:43

Yěsô tsɔ́’ɔ mbwo pɔ́b ngie: Tà pi gíŋe ńzẅɛ́te!

Lukase 19:7

Alá’ la gyá pá’ pɔ́ ye gee, ńzẅɛ́te ngie: A gẅie à gee ndá nyìŋ tepòŋ ńda’a lɛ.

Lukase 15:2

Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Lukase 5:30

Tsɔ́ pà *farisay lâ tsɔ́ *pàkyàgte lepʉ̌ Mǒsê gyá pú’u, ńne ńzẅɛ́te, ńzɛ́te megàŋa nkwò Yěsô ngie: Mélà’a kɔ́ pi lâ pàkẅé ncùb lâ petsɔ́ pʉ̀a tepòŋ teme shúm ńjÿó?

1 Korento 10:10

Tà pi zẅɛ́te ná Cʉ̀apʉ̀a. Á piŋ ńgwɔ́ pá’ tsɔ́ pʉ̀a tsetsɛ̀ɛ pɔ́b la gÿo. Á cʉa pú’u, *cÿɔ́’ Ssé gẅie aa ńzẅéte pʉ̀a tó ńzẅéte wɔ́b.

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?