Ŋwà’ne Jâŋ 5:5 - Nouveau Testament en Ngienboum

⁵ Atsɔ̌ nyìŋ gwɔ́ jʉ’ó, mbà à gǔɔ guɔ ngù’ ntsɔ̀b lefɔ̌ɔn né móm ntá.

Ŋwà’ne Jâŋ 5:5 Referans Kwoze

Megàŋ ntúm 3:2

Á gwɔ́ gwɔ́, mbà mé lɔ́ɔn ńkaa tsɔ̌ ngàŋa kwʉ́’te ńdɔgɔ ńtóo lyɛ̌’ ntsèm, ńnéŋe yé ncwò kɔ̀’ gẅie mé tóŋ le ncwò ndá meshùm. Pá’ à ge lúɔ shúm mbwo pʉ̀a pie pɔ́ cʉa jʉ’ó ńgee tsɛ̀ɛ jʉ’e Ssé. Wɛ̌ nyìŋ gwɔ́ gẅie mé la gwɔ́ zyé yé á gwɔ́ pɔ́ ngàŋa kwʉ́’te.

Lukase 8:43

Tsɔ̌ manzwě gwɔ́ yé nùɔ, ńgẅiin guɔ máshuɔ, mbà á gegé yé gege ngù’ ntsɔ̀b pʉ́a nê legém, ńké tè zá’a, mbà pàgÿo meffò léen ńzoŋ yɔ́b kékáŋ tà ńkʉ́a, á pú sẅiŋ sé shúm ntsèm ntsèm pɔ́ mǒ, ńké te zeŋe.

Malékuse 9:21

Yěsô zɛ́te tá múɔ ngie: Yɔɔn guɔ áa pá’ɔɔn ńgwɔ́ ná múɔ tà fó síŋe? Á gɔɔn ngie tà fó fʉ̀’ gie mé la zyé yé.

Megàŋ ntúm 14:8

Á laa tÿǒsoŋo Listele, tsɔ̌ ngàŋa kwʉ́’te gwɔ́ wó. Mbà mé la gwaa zyé yé á gwɔ́ pɔ́ nkÿǒon. Mbà à laa giŋe.

Lukase 13:16

Ńgʉa ná manzwě wɔɔn gẅie aa nà ngẅɛ̀ Ábalam, mbà Sátà la leen ńkwɛ́ɛ yé, tà ée fʉ̀’ɔɔn ńdɔgɔ ńgwɔ́ ngù’ ntsɔ̀b lefɔ̌ɔn nê legém, mèŋ n kɔ’ɔ́ le kyɛ́’ nkÿo ná yé lyɛ̌’ɔɔn wɔ́, mélà’mie yɔɔn lyɛ̌’ɛ́ nzsè lá!

Megàŋ ntúm 9:33

ńkúu wó, ńgyá tsɔ̌ nyìŋ, mé tóŋo yé le Enée. Mbà à nuŋé kǔ guɔ ngù’ lefɔ̌ɔn, ńgwɔ́ ngàŋa kwʉ́’te.

Ŋwà’ne Jâŋ 9:1

Yěsô gÿo ne ńcʉa tsɔ́ jʉ’, ńgyá tsɔ̌ fʉ̀ menÿɔ́g, mbà mé la zyé yé á gwɔ́ pɔ́ fʉ̀.

Ŋwà’ne Jâŋ 5:14

Yěsô gÿo ńgyá yé tsɛ̀ɛ *jʉ’ʉ Ssé, ńgɔɔn né yé ngie: Ɔ̀ kě ńzeŋe mboŋó, tè lá’ ńgíŋ ńgÿo nò tepòŋ ḿbɔ́gɔ tsɔ̌ ngɔ́’ légíŋe ńkúu gú, tà ńtɔ́g gie ɔ̀ kà zɔɔn ńgwɔ́ tsoló.

Megàŋ ntúm 4:22

Á gíŋ ńgwɔ́ gwɔ́ nyìŋ gẅie à la zeŋe nà ntí ye mmɔɔn mmɔɔn lɔɔn, la gwaa gwɔ́, mbà à tɔ̌g ngù’ móm lekúa.

Ŋwà’ne Jâŋ 9:21

Tá ńgʉa ná pá’ á ně ńgÿo tá á ne ńgyá jʉ’ fʉ̀’ɔɔn, mbà peg kaa nò mǒ zsé. Ka wɔ̌ ně ńgÿo menÿɔ́g mé nyɛ́’ɛ wɔ́, mbà peg giŋé tè ne ńzsé wɔ́. Pi zɛ́te yé, à tè nyé ńgwɔ́ pɔ́ múɔ légɔɔn nò gie áa ná yé wɔ́.

Ŋwà’ne Jâŋ 5:4

Á nue, atsɔ̌ *cÿɔ́’ Ssé lɔ̌ɔn ńnéŋe ńgwá sẅɛ́’ɛ ḿbʉe ntse, angùɔ gẅie à vɔ̌g ńkúu tsɛ̀ɛ ntse fʉ̀’ gie e cʉ’ʉ́, á zeŋe nà yé gùɔ tà pá’ á lɔɔn ńgwɔ́ pɔ́ yɛ̌ ntí wɔ́.]

Ŋwà’ne Jâŋ 5:6

Yěsô gyá pá’ à nuŋe, ńzsé ngie à tsẅě jʉ’ó tɛ’, ńzɛ́te yé ngie tà ɔ̀ ne ńkwoŋo lézeŋe?