Ŋwà’ne Jâŋ 5:38 - Nouveau Testament en Ngienboum

³⁸ Ashwóŋè yé té ntʉ́m pi wɔ́, mélà’mie pi kaa záb ntʉ́m ná nyìŋ gẅie à la túmo yé wɔ́.

Ŋwà’ne Jâŋ 5:38 Referans Kwoze

1 Jâŋ 2:14

Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 8:37

Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Ŋwà’ne Jâŋ 1:11

À la tóo kwà’ lá’ pɔ́b, epʉ̀a lá’ pé té yé kúe.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.