Ŋwà’ne Jâŋ 5:34 - Nouveau Testament en Ngienboum

³⁴ Á gʉa ná mèŋ, mbà mèŋ n tè ne ńtsɔ́ɔn ngie nyìŋ mesoŋ zɔ gɔɔn nò gie à zsě ná mèŋ wɔ́. Tá’, mèŋ n gɔɔn yɔɔn nò légwɔ́ gie pi ge cʉa mǒ tsẅɛ́.

Ŋwà’ne Jâŋ 5:34 Referans Kwoze

1 Jâŋ 5:9

Epʉ̀a mesoŋ gɔɔn mmó gie pɔ́ zsé nà nò, pege jú’ ńzẅíŋ ńgie áa nò. Ammó gie e Ssé gɔɔn nà nò á piŋ ńcʉa gie pʉ̀a mesoŋ gɔɔn. À lɔg menò méntá mɛ̌, ńgɔɔn nò ná nò Míŋ we.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

1 Timote 4:16

Laga twó jú nà gù leńnéŋe mbɔɔ ná mmó gie ɔ̀ zí’i pʉ̀a. Tè lɔgɔ tsɔ́ twó ḿma’a kwaŋ. Ɔ̀ ge gÿo pú’u, e Ssé fó mǒ ńgÿo, ɔ̀ zẅɛ́’, ńgwɔ tsẅɛ́ ntsaŋ, epʉ̀a pie é zẅí’te nò gie ɔ̀ gɔɔn gíŋe ńtsẅɛ́ yɔ́b.

1 Korento 9:22

Mèŋ n gee fʉ̀’ gie mèŋ n ne fa’a tsetsɛ̀ɛ pʉ̀a pie pɔ́ nyé ḿbÿɛ́ɛ pÿɛ̌ nà lezǎb ntʉ́m ná Kristo, mèŋ n ńnéŋe pɔ́ pá’ nyìŋ gẅie à nyě ḿbÿɛ́ɛ yé pÿɛ̌ la, ńzsé ngie n ge lɔg pú’u, é gÿo pɔ́ cʉ́’ kwà’ pʉ̀a Kristo. Nyìŋ lɔɔn ńgwɔ́ pɔ́ lêkɔ́ wɔ́, á gwɔ́ pɔ́ lêkɔ́ wɔ́, n cʉ́’ pá’ yé, ńzsé ngie n ge lɔg pú’u, é gÿo ná ntí gie ńgwɔ́ á tsẅɛ́.

Roma 10:1

Mefɛ́ pɔ́ɔn, ammó gie m bǔ ne ńtsɔ́ɔn nê ngwòŋ ntʉ́m wɔ̀ɔn ntsèm, ḿbiŋ ńne ńdúɔ mbwo Ssé ńtí pà Yuda, á gwɔ́ ngie à gÿo pɔ́ tsẅɛ́.

Roma 3:3

Á piŋ ńgʉa nà pá’ etsɔ́ pà Yuda la nyé yɛ̌ shwóŋè pé’è, á ge cʉa pú’u, e Ssé nyé menò mie à la ka’a mbwo pɔ́b keen?

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

Ŋwà’ne Jâŋ 5:41

Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Roma 12:21

Tà nyìŋ cʉ́’ nò gie nyìŋ gÿǒ ná yé tsóte yé, á gÿo nò tepòŋ, tà ńcʉ́’ pú’u, á lɔgɔ légÿo nò mbòŋo, ḿbyága nò tepòŋ.

Roma 10:21

Tá ńgʉa nà pà Israel, e Ssé gɔɔn ngie: Mèŋ n zɔgɔ lyɛ̌’ ntsèm pɔ́ létsíŋe pwó ńdɔgɔ ńtóŋo wɔ́b, pɔ́ tʉʉ twó tʉ, ésa shÿó nò gie n gɔ̌ɔn sa.

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

Lukase 13:34

Afʉ̀’ ku’, á mɔɔn ngie: Pà Yerósalem, pà Yerósalem, pi pie pi ee ńzẅé *pàntsẅì nkʉ̀ Ssé zẅé, ńdɔgɔ metóon ńtémte pʉ̀a pie Ssé tumó mbwo pi ńzẅéte, ée ngʉa shÿɔ́’ɔ pá’ mèŋ fa’á lécú’te púɔ pí, pá’ mêngáb cú’tè púɔ pé lepàb ye, pi ké ńdʉ’ lʉ’?

Ŋwà’ne Jâŋ 5:32

Nyìŋ ndyɛ̀’ɛ zɔ gɔɔn nò gie à zsé ná mèŋ, mèŋ m biŋ ne ńzsé ngie nò gie à gɔɔn ná mèŋ áa nénʉ́.