Ŋwà’ne Jâŋ 5:18 - Nouveau Testament en Ngienboum

¹⁸ Á fó fʉ’ó, pà Yuda mege ńgá’a léfa’a mmó gie pɔ́ ge fó mǒ zẅé Yěsô, ńtí nue à la tè fʉa pɔ́ *lepʉ̌ lyɛ’ɛ́ nzsè yɔ́b ndà’ wɔ́, à ka giŋé ńne ńgɔɔn ngie e Ssé aa kwà’ Tá we, ńdɔgɔ pú’u, ńgɔɔn ngie pɔ́ Ssé gwɔ́ pɔ́ ndʉŋ ndʉŋ.

Ŋwà’ne Jâŋ 5:18 Referans Kwoze

Ŋwà’ne Jâŋ 10:33

Pà Yuda tsɔ́’ɔ mbwo yé ngie: Peg tě fa’a lélɔg metóon ńtémte gú ńzẅé, ńtí pɔ́ tsɔ́ fà’a mbòŋo wɔ́, á gwɔ́ pɔ́ nue ɔ̀ zoonté Ssé. Gù gẅie ɔ́ gwɔ́ pɔ́ nyìŋ mesoŋ, ɔ̀ cʉ’ʉ́ ńgɔɔn pé ngie ɔ́ɔ Ssé.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 19:7

Mekěm tsɔ́’ɔ mbwo yé ngie: À fʉ̌a *lepʉ̌ ség. Mé ge zẅé yé ńtí *lepʉ̌ sie à fʉ̌a. À gɔ̌ɔn ngie aa Míŋ Ssé.

Ŋwà’ne Jâŋ 8:58

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, Ábalam la gwaa gwɔ́ wó, ńgwɔ́ N gee gwɔ́.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Filipo 2:6

À la tè lɔg pá’ à gwɔ́ pɔ́ Ssé tà ḿmag, ńcʉŋe nà légwɔ́ gie pɔ́ Ssé ge ké ńnéŋe pɔ́ tà’a jʉ’ wɔ́.

Ŋwà’ne Ngyà jʉ’ 22:3

Etsɔ̌ ndòon tè gÿo gíŋe gwɔ́ wó wɔ́. Alʉŋe *lefùɔ Ssé pɔ́ Mûɔ *Njʉ̀njÿò ge gÿo gwɔ́ tsɛ̀ɛ tÿǒsoŋ. Pafa’a fà’ Ssé é ne ńgu’te yé.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Ŋwà’ne Jâŋ 8:54

Yěsô tsɔ́’ɔ mbwo pɔ́b ngie: Mèŋ n zɔ tè fa’a wɔ̀ɔn legú’ wɔ́, mèŋ n dɔɔn ńgÿo pú’u, awɔ̀ɔn legú’ le tsɔ́ nò wɔ́. Nyìŋ gẅie à náa legú’ wɔ̀ɔn aa Tá wɔ̀ɔn. Pi ne ńgɔɔn gí ngie aa Ssé gi.

Ŋwà’ne Jâŋ 7:19

Mǒsê zɔ la tè ná meŋwà’ne né pi wɔ́ le? Tà wɔ̌ ná pi mɔ̌ɔn ńne ńgiŋe mǒ? Pi piŋe fa’a lézẅé wɔ̀ɔn mélà’a kɔ́?

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Ŋwà’ne Jâŋ 5:16

Pɔ́ jú’ pú’u, ńzye lépʉa Yěsô, mélà’mie à ně ńgÿo yɔɔn nò, á lyɛ’ɛ́ nzsè yɔ́b.

Ŋwà’ne Jâŋ 14:9

Yěsô gɔɔn né yé ngie: Filib, pege neŋé nzẅìŋ wɔɔn, ɔ̀ nyé pɔ́ tè zsě wɔ̀ɔn la? Nyìŋ gẅie à gyǎ wɔ̀ɔn la, à gyǎ Tá wɔ̀ɔn. Ɔ̀ gǎ tá ngie nyɛɛ wég Tá gù ŋwɛ́?

Matio 12:5

Ka pi laa fó ńtóŋo tsɛ̀ɛ ŋwà’ne Mǒsê, ngie aa lyɛ’ɛ́ nzse pa Yuda, *pànùŋe pwɔ́’ pie pɔ́ gẅiin fà’ *jʉ’ʉ Ssé ké tè zẅɛte, tá á téen ńdɔgɔ ńgwɔ́ ngie pɔ́ fʉa *lepʉ̌ wɔ́.

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 5:15

Nyìŋ wá gʉa shwóŋ pàsá’a lá’ ngie nyìŋ gẅie à la zoŋo yé la, à laa Yěsô.

Ŋwà’ne Jâŋ 5:17

Yěsô tsɔ́’ɔ mbwo pɔ́b ngie: Tá wɔ̀ɔn nyě fa’a pɔ́ fà’ tà ńkú fʉ̀’ɔɔn, mbɔɔ mèŋ yɔ́ɔn mèŋ n giŋé ne fa’a pɔ́ fà’.