Ŋwà’ne Jâŋ 5:10 - Nouveau Testament en Ngienboum

¹⁰ Pàsá’a lá’ pà Yuda leen ńké ńgɔɔn né nyìŋ gẅie à zeŋé ŋwɛ́ ngie: Ɔ̀ tè gẅiin lékaa mátà ńdɔg ńgiŋ pɛ́’ɛ̀ wɔ́. Á nue yɔɔn áa lyɛ’ɛ́ nzsè.

Ŋwà’ne Jâŋ 5:10 Referans Kwoze

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Lukase 6:2

Tsɔ́ pʉ̀a nà nùɔ pà *farisay zɛ́te wɔ́b ngie: Mélà’a kɔ́ pi gÿo mmó gie mé la pʉ́ légÿo á lyɛ̌’ɛ nzsé?

Lukase 13:14

Tá ndÿò tsɛ̀ɛ *ndá cú’tè pà Yuda gyá pú’u, anò gyáŋa yé, mélà’mie Yěsô gÿǒ nyìŋ zeŋe lyɛ’ɛ́ nzsè. Á gɔɔn mbwo lá’ ngie, melyɛ’ɛ́ fà’ ée pá’a ńgwɔ́ ntɔgɔ́, pi ńnéŋe ńdɔgɔ megùɔ mí ńtóo ná mɛ̌ melyɛ̌’ mé zoŋo gẅí, tà pi tó lyɛ’ɛ́ nzsè!

Malékuse 3:4

ńdeen ńké ńgɔɔn mbwo pʉ̀a ŋwɛ́ ngie: *Lepʉ̌ ségè ée pé’e ńtsẅi ngie mé gÿo kɔ́ lyɛ’ɛ́ nzsè? Ńgie mé gÿo nò mbòŋo kà nò tepòŋ? Ńgie mé gÿo nyìŋ tsẅɛ́ kà pɔ́ ngie mé zẅé yé? Tsoon nyìŋ wɔ́b tè tsɔ́b.

Malékuse 2:24

Tsɔ́ pà *farisay gyá, ńgɔɔn né Yěsô ngie: Líe jú tá ńgyá! *Ngàŋa kwò ɔ́ gÿo mmó gie *lepʉ̌ ségè tɔ’ɔ légÿo nà lyɛ’ɛ́ nzsè mélà’a kɔ́?

Ŋwà’ne Jâŋ 5:16

Pɔ́ jú’ pú’u, ńzye lépʉa Yěsô, mélà’mie à ně ńgÿo yɔɔn nò, á lyɛ’ɛ́ nzsè yɔ́b.

Ŋwà’ne Jâŋ 7:23

Tà á lɔɔn ńgwɔ́ gie à ńgwɔ́ pi pú’u múɔ lyɛ’ɛ́ nzsè, mbɔ́gɔ pá’ pi ge fʉa *lepʉ̌ Mǒsê, pi piŋe ńgyáŋa lóŋ ná mèŋ ngie mèŋ n gÿǒ nyìŋ zeŋe lyɛ’ɛ́ nzsè mélà’a kɔ́?

Lukase 23:56

ńdeen ńké ḿbiŋe tÿǒsoŋ, ńtáŋte laméndɔ́ɔn mbòŋo, mbɔɔ tsɔ́ mèvɛ lélɔg ńtáa ńzɔ́’ɔ pfó Yěsô. Alyɛ’ɛ́ nzsè zye, pɔ́ pʉ́le ńzẅɛte pá’ *lepʉ̌ la ne ńzɛ́te.

Matio 12:10

Àtsɔ̌ mámbàŋa gwɔ́ yé ndá ŋwɛ́, mbà pwó yé leen ńkwé. Pʉ̀a pie é laa ndá ne fa’a mmó gie pɔ́ ge fó mǒ lɔg sẅiŋe Yěsô, zɛ́te yé ngie: Áa nà *lepʉ̌ ségè pé’e ńgwaa we mé gÿo nyìŋ zeŋe lyɛ’ɛ́ nzse ka ngǎŋ?

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?

Ŋwà’ne Jâŋ 5:11

Á tsɔ́’ɔ mbwo pɔ́b ngie: Nyìŋ gẅie à gÿǒ mèŋ n zeŋe gɔ̌ɔn né mèŋ ngie: Píi mátà gù, ńgiŋ.

Ŋwà’ne Jâŋ 5:15

Nyìŋ wá gʉa shwóŋ pàsá’a lá’ ngie nyìŋ gẅie à la zoŋo yé la, à laa Yěsô.