Ŋwà’ne Jâŋ 4:45 - Nouveau Testament en Ngienboum

⁴⁵ Tá ńgʉa tà ńkúu Galilea, pà Galilea kúe yé mboŋó. Á nue pɔ́ ka gʉa línɔ́ɔn Yerósalem, ńkúu wó, ńgyá kɔ̀ɔkɔ́ɔ gie à ne ńgÿo.

Ŋwà’ne Jâŋ 4:45 Referans Kwoze

Ŋwà’ne Jâŋ 2:23

Yěsô nyé ńgwɔ́ pɔ́ Yerósalem, mé ne ńjÿó línɔ́ɔn *páskà, alá’ gyá menò mmɔɔn mmɔɔn mie à ne ńgÿo, pʉ̀a tà ńgyɔ́ɔn záb ntʉ́m ná yé.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Lukase 9:53

Pàlá’ ŋwɛ́ jú’ ngie Yěsô cʉa ńgee ne Yerósalem, ńdʉ’ʉ lé náa jʉ’ mbwo ye.

Lukase 8:40

Yěsô piŋ nzèm tà ńkúu nà yetsɔ̌ nzǐŋ, alá’ gwɔ́ wó, mbà á ně ńdá’ ńzye lézẅí’te yé, pɔ́ gyá yé ḿbú ńkág tɛ’.

Lukase 13:1

Á gwɔ́ fʉ̀’ áyɛ̌, etsɔ́ pʉ̀a tó ne ḿbíte menò mie é lǎ cʉa shwóŋó Yěsô, éshwóŋó yé pá’ *Pilato la gÿo mé zẅéte pʉ̀a Galilea, á fʉ̀’ gie pɔ́ la ne ńnáa shúm pwɔ́’ mbwo Ssé.

Ŋwà’ne Jâŋ 4:54

Yěsô gÿo yɔɔn nò mmɔɔn mmɔɔn, á fʉ̀’ gie à fǒ Jẅidea ḿbiŋe Galilea pá’ɔɔn, á lɔ́gɔ ńgwɔ́ nò mmɔɔn mmɔɔn mbɔ́ɔntè yépʉ́a gie à gÿǒ Kana.