Ŋwà’ne Jâŋ 4:38 - Nouveau Testament en Ngienboum

³⁸ Mèŋ n ka túmo gẅi ńdag shúm sie pi ka tè gyá tsɔ̌ ngɔ́’ mǒ ḿbye wɔ́, tsɔ́ pʉ̀a la gyá ngɔ́’, pi ka tó gí, ńcʉ́’ʉ ńzẅɛ́’ɛ fà’ yɔ́b zẅɛ̌’.

Ŋwà’ne Jâŋ 4:38 Referans Kwoze

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Megàŋ ntúm 6:7

Ashwóŋè Ssé la ne ńkẅi’i saa pɔ́ jʉ’. Anùɔ pàzáb ntʉ́m ná Yěsô ně ńkẅi’i ńgyɔ́ɔn Yerósalem. Pànuŋe pwɔ́’ tà ńgyɔ́ɔn záb ntʉ́m nà Yěsô.

Megàŋ ntúm 5:14

Mbàŋa tà ńgyɔ́ɔn lâ pànzwě la ne ńzába ntʉ́m nà Cʉ̀apʉ̀a tá ńkúu tsɛ̀ɛ nùɔ yɔ́b á kẅi’i.

Megàŋ ntúm 4:4

Á gwɔ́ gwɔ́, mbà á gʉ̌a ná pʉ̀a pie pɔ́ jú’u shwóŋó Piɛ pɔ́ Jâŋ, lelÿò zẅíŋ. Tà pɔ́ gwɔ́ fʉ̀’ó ńgwɔ́ mbàŋa mmó ntsá’ tʉ̀a.

Megàŋ ntúm 4:32

Anùɔ pʉ̀a Yěsô lɔ́ɔn ńgẅiin pɔ́ tà’ ncwò, ńgẅiin pɔ́ tà’ ntʉ́m. Atsɔ̌ nyìŋ ná pɔ́b lɔ̌ɔn tě ńgẅiin mmó ngie á gwɔ́ pɔ́ yé wɔ́. Pɔ́ lɔ́ɔn ńteme shúm tem.

Megàŋ ntúm 2:41

Pʉ̀a tà ńgyɔ́ɔn la jú’u nò gie Piɛ gɔ̌ɔn, ńzẅíŋ, mé nu’u wɔ́b ntse. Mé la nu’ pʉ̀a ntse lyɛ’ó tà ńgwaa ńgwɔ́ pɔ́ gwɔ́ ntsá’ tá. Pɔ́ kẅi’i nà nùɔ pʉ̀a Yěsô.

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Ŋwà’ne Jâŋ 4:37

Pú’u, esàga nò gie e gɔɔn ngie: Ambyè aa wó, andàga gwɔ́ wó lɔgɔ ńgwɔ́ nénʉ́.

Ŋwà’ne Jâŋ 4:39

Á la fó nà shwóŋè manzwě ŋwɛ́ gẅie à la ne ńgɔɔn ngie: À shwoŋó wɔ̀ɔn kɔ̀ɔkɔ́ɔ gie n dǎ gÿo. Pʉ̀a Samalîɛ tà ńgyɔ́ɔn pie é laa ná yɛ̌ tÿǒsoŋ záb ntʉ́m ná Yěsô,

Ŋwà’ne Jâŋ 17:18

Pá’ ɔ̀ la túmo wɔ̀ɔn tsɛ̀ɛ njÿó la, mbɔɔ mèŋ yɔ́ɔn n túmo wɔ́b tsɛ̀ɛ njÿó.

2 Korento 10:15

Peg tě ge ka’te tà zyá’ wég ndège fà’, é lɔgɔ fà’ pʉ̀a mendyɛ̀’ɛ é ka’te wɔ́. Pá’ pi ee nà wég ndège fà’ la, peg ne ńzẅí’te ngie à gẅì lézáb ntʉ́m nà Ssé kẅi’i ńgʉa pɔ́ lê mvfò. Anò gie peg ka gɔɔn à cʉŋ menŋàŋ tsetsɛ̀ɛ pi pá’ á ne ńzɛ́te.