Ŋwà’ne Jâŋ 4:3 - Nouveau Testament en Ngienboum

³ Yěsô zsé ngie pà *farisay jǔ’, éfó tsɛ̀ɛ pàga ngwòŋ Jẅidea ńcʉ́me mánzsè lépiŋe tsɛ̀ɛ pàga ngwòŋ Galilea.

Ŋwà’ne Jâŋ 4:3 Referans Kwoze

Matio 10:23

Mé lɔɔn ne ńkʉe gẅi a tsɛ̀ɛ yɔ̀ɔn tÿǒsoŋ, pi kÿo ńgee tsɛ̀ɛ yetsɔ́. Mèŋ n ge shwóŋó gẅí, kwà’ nénʉ́, pi tè lá’ kú metÿǒsoŋ Israel tà ḿmag té gwɔ́ gie *Míŋ Nyìŋ tǒ wɔ́.

Ŋwà’ne Jâŋ 11:54

Yěsô fó fʉ̀’ó à tè gíŋe shʉ̀ashʉ̀a ńcʉa tsetsɛ̀ɛ pà Yuda wɔ́. Á lɔg tsɔ́ shÿó lá’ gẅie ée lelyěen, á nkwòŋo tsẅɛ, ńgʉa tsɛ̀ɛ tsɔ́ tÿǒsoŋ gie mé tóŋo le Efalaim, pâ *ngàŋa kwò yé ńnéŋe jʉ’ó.

Ŋwà’ne Jâŋ 10:40

Yɛ̌ nò tɔ́g, Yěsô gíŋe ḿbiŋe nà yetsɔ̌ nzǐŋ ntse Jurdeŋ, á jʉ’ gie Jâŋ la zye lénu’ pʉ̀a ntse wó la, ńnéŋe wó.

Ŋwà’ne Jâŋ 3:22

Yɔɔn nò tɔ́g, Yěsô pâ *ngàŋa kwò yé gʉa ne tsɛ̀ɛ pàga ngwòŋ Jẅidea, pâ pɔ̌ ná’a ńzye ńnéŋe, à ne ńnu’u pʉ́a ntse.

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 1:43

Njÿó gÿo ńdʉ́a, Yěsô záb ngie à ge gʉa tsɛ̀ɛ pàga ngwòŋ Galilea, ńne ńgee, ḿbumte Filib, ńgɔɔn né yé ngie cʉ́me nzèm mèŋ.

Malékuse 3:7

Yěsô pâ *ngàŋa kwò yé gÿo ńgʉa lê ngʉ̀ŋe máamáa letʉ̀ŋ Galilea. Menùɔ lá’ tà ńgyɔ́ɔn cʉ́me nzèm yé, éfóo ngwòŋ Galilea mbɔɔ ngwòŋ Jẅidea,

Ŋwà’ne Jâŋ 3:32

À gɔɔn nò gie à zsé nà shúm sie à la gyá mbɔɔ sie à la jú’, tá nyìŋ tè zẅíŋ.

Lukase 17:11

Yěsô la nyé ńgwɔ́ pɔ́ mánzsé ńne ńgee Yerósalem, ńcʉa nà pàa lá’ pà Samalîɛ pâ pà Galilea.

Ŋwà’ne Jâŋ 4:47

Á jú’ ngie Yěsô fǒ Jẅidea ńtóo Galilea, ńgʉa ńgyá yé, ésẅíŋte yé ngie à cwóŋ ńtó, ńgÿo míŋ we gẅie à cʉ’ʉ́ ńkwé kwě zeŋe.

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.