Ŋwà’ne Jâŋ 4:28 - Nouveau Testament en Ngienboum

²⁸ Manzwě ŋwɛ́ nyé tÿóon ntse yé jʉ’ó, ḿbiŋe tÿǒsoŋ, ńgɔɔn né lá’ ngie:

Ŋwà’ne Jâŋ 4:28 Referans Kwoze

Ŋwà’ne Jâŋ 4:7

Atsɔ̌ manzwě we Samalîɛ tó létú’ ntse, Yěsô gɔɔn né yé ngie: Ná ntse mèŋ n nú.

Lukase 24:33

Pɔ́ lu ssé pɔ́ fʉ̀’ó, ńcʉ́me mánzsè, ńgíŋ ḿbiŋe Yerósalem, ńkẅɛ́te *ngàŋa kwò Yěsô ntsɔ̀b yémɔ’ɔ́ nê legém, mbà pâ petsɔ́ pʉ̀a Yěsô cu’té.

Lukase 24:9

éfó jʉ’ó, ńgʉa ḿbú ḿbíte menò ntsèm mie é cʉ̌a, éshwóŋ *ngàŋa kwò yé ntsɔ̀b yémmɔ’ɔ́ nê legém mbɔɔ mbwo petsɔ́ pʉ̀a nà nùɔ yɔ́b.

Matio 28:8

Pànzwě gwóon fó ngʉ̀ŋe lesyè ńgʉa létsẅii yɔɔn nò mbwó *ngàŋa kwò Yěsô. Ecÿɔ’ nyé ńgwɔ́ pɔ́ ná pɔ́b, tá pɔ́ ne ńkága kǎg,

Ŋwà’ne Jâŋ 4:27

Yěsô ne ńgɔɔn pú’u, *ngàŋa kwò yé tó, ńgyá pɔ́ manzwě ně shwóŋe, á pú ńkʉ’ʉ wɔ́b tɛ̀’. Tá’, tsɔ́ wɔb ké tè ku’u lézɛ́te yé ngie áa nò kɔ́ wɔ́ wɔ́, ka légɔɔn ngie pɔ́ yé shwóŋó kɔ́ wɔ́ wɔ́.

Ŋwà’ne Jâŋ 4:29

Pi tó ńgyá tsɔ̌ nyìŋ gẅie à shwoŋó wɔ̀ɔn menò ntsèm mie n da gÿǒ. Tà à tè gwɔ́ pɔ́ *Nzà’nkÿo wɔ́?