Ŋwà’ne Jâŋ 4:26 - Nouveau Testament en Ngienboum

²⁶ Yěsô gɔɔn né yé ngie: Mèŋ gẅie pɔgɔ shwóŋe lɔɔn, mèŋ n gee yé.

Ŋwà’ne Jâŋ 4:26 Referans Kwoze

Ŋwà’ne Jâŋ 8:24

Áa mmó gie á ně ńgÿo tá mèŋ n gɔɔn né pi ngie: Pi ge gÿo kwé tsɛ̀ɛ menò tepòŋ mí. Á nue pi lɔɔn tè zẅíŋ ngie nyìŋ gẅie mé tóŋo yé lê N gee gwɔ́ à gwɔ́ pɔ́ mèŋ wɔ́, mbà pi ge kwé tsɛ̀ɛ menò tepòŋ mí.

Lukase 13:30

Pi zsé ngie tsɔ́ pà gwɔ́ mvfò fʉ̀’ɔɔn ge lá’ cʉ́’ pà gwɔ́ nzèm, etsɔ́ pà gwɔ́ nzèm fʉ̀’ɔɔn lá’ ńgwɔ́ pà gwɔ́ mvfò.

Matio 20:15

Mèŋ n gẅiin lélɔg nkáb yɔ̀ɔn ńgÿo mmó gie mèŋ n kwǒŋ, á té pú’u, wɔ́ ka? Ka ɔ̀ gyáŋa lóŋ ńtí pɔ́ nò gie ɔ̀ gyǎ n gwɔ́ ngàŋa pòŋo ntʉ́m?

Matio 16:20

Yěsô gɔɔn pú’u, ńdeen ńké ńtsẅiŋe *ngàŋa kwò yé ngie, tà pɔ́ kím tà nyìŋ ndyɛ̀’ɛ zsé ngie aa *Nzà’nkÿo.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

Ŋwà’ne Jâŋ 13:19

Mèŋ n tʉʉ njÿó shwóŋó gẅi fʉ̀’ɔɔn tà mɔɔn menò gÿo ńtó, pi zẅíŋ ngie mèŋ n gee N gee gwɔ́.