Ŋwà’ne Jâŋ 4:24 - Nouveau Testament en Ngienboum

²⁴ E Ssé gwɔ̌ pɔ́ zẅìge, á ne ńzɛ́te ngie pʉ̀a pie pɔ́ gu’te yé gwɔ́ gu’te yé, ńzẅí’te ncwò Zẅìge yé tá ńgu’te yé nà ntí gie á ne ńzɛ́te.

Ŋwà’ne Jâŋ 4:24 Referans Kwoze

2 Korento 3:17

á nue Cʉ̀apʉ̀a gwɔ́ pɔ́ Zẅìge, ajʉ’ gie Zẅìge Cʉ̀apʉ̀a piŋ ńgwɔ́ wó la, atsɔ́ mmó gie ńgwɔ́ á táte nyìŋ, á té gíŋe ńgwɔ́ jʉ’ó wɔ́.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

Ŋwà’ne Jâŋ 4:23

Tá’, afʉ̀’ ne ńku’u, tà á fǒ ńzɔɔn ńku’ ku’, pá’ kwà’ pàgu’te Ssé ge gwɔ gu’te yé Ssé Tá, é zẅí’te ncwò Zẅìge yé, tá gu’te yé nà ntí gie á ne ńzɛ́te.