Ŋwà’ne Jâŋ 3:36 - Nouveau Testament en Ngienboum

³⁶ Nyìŋ lɔɔn ńzáb ntʉ́m we ná Míŋ Ssé, mbà ngàŋ ge gẅiin le gwɔ́ tèmì. Nyìŋ gẅie à kě kaa záb ntʉ́m wé ná Míŋ Ssé wɔ́, á le lá’ ńgẅiin kwà’ le gwɔ́ wɔ́. E Ssé ké ńnyé ńkẅi’i ńgyáŋa lóŋ ná yé gyáŋ.

Ŋwà’ne Jâŋ 3:36 Referans Kwoze

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

Ŋwà’ne Jâŋ 1:12

Tá’, etsɔ́ pʉ̀a kúe yé, ńzáb ntʉ́m ná yé, á leen ńké ńnáa wɔ́b tʉ̀ lécʉ́’ púɔ Ssé.

1 Tesalonika 5:9

E Ssé la zɔɔn tè tsɔ́’ɔ wégè pɔ́ légyáŋa lóŋ ná pege, pege gyá ngɔ́’ wɔ́, à la tsɔ́’ɔ wégè pɔ́ légÿo pege cʉa nzèm Cʉ̀apʉ̀a wege Yěsô Kristo ńgẅiin letsẅɛ́.

Efeso 5:6

Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

Roma 5:9

Áa nà fʉ̀’ɔɔn, mbà metse mé kéen ńgÿo e Ssé cʉ́’ʉ ńdíe wégè pege gwɔ́ ndʉŋ ndʉŋ mvfò yé, ńgwɔ́ kɔ́ piŋ ńgÿo tà Kristo lá’ ńnyé té gÿo pege tsẅɛ ngɔ́’ gie e ge lá’ fó nà pá’ e Ssé ne ńgyáŋa lóŋ?

Ŋwà’ne Jâŋ 8:51

Tà mèŋ shwóŋó gẅí, kwà’ nénʉ́, nyìŋ lɔɔn ńgiŋe nà shwóŋè gie mèŋ n gɔ̌ɔn, mbà ngàŋ tě ńdá’a ńkwé wɔ́.

Ŋwà’ne Jâŋ 10:28

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

Galatia 3:10

E Ssé zɔɔn néŋ pɔ́ ndòon twó pʉ̀a pie pɔ́ lɔgɔ légɔɔn ngie pɔ́ kú’te *lepʉ̌ ńdɔg ńgÿo yɔ́b kɔ̀ɔkɔ́ɔ, á nue ŋwà’ne Ssé gɔɔn ngie: Nyìŋ lɔɔn tè kú’te *lepʉ̌ pɔ́ ntsèm, ńgwɔ́ ngwòŋ fʉ̀’ ntsèm ńně ńgÿo pɔ́ mmó gie áa tsɛ̀ɛ ŋwà’ne *lepʉ̌ wɔ́, mbà ngàŋ kǎ ndòon.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Lukase 3:6

Tá à cʉa pú’u, pʉ̀a metsèm gyá pá’ Ssé ge gÿo pege tsẅɛ́».

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

Roma 4:15

*Lepʉ̌ zɔɔn ńgÿo lóŋ Ssé gyáŋ gyáŋ á nue pʉ̀a té ne ńkú’te wɔ́. Á la gwé’e pé’è *lepʉ̌ té wó wɔ́, mbà pʉ̀a té fʉa *lepʉ̌ pá’ɔɔn wɔ́.

Lukase 2:30

Oon n dɔ̌g nÿɔ́g mɔ́ɔn ńgyá pá’ ɔ̀ ge gÿo pʉ̀a mesoŋ tsẅɛ́.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Malékuse 16:16

Nyìŋ gẅie à zẅǐŋ la, mé nu’u yé ntse, e Ssé gÿo à tsẅɛ́. Nyìŋ gẅie à lʉ’ʉ́ lézẅíŋ lá, à ge lá’ gwe ntsàŋ.

Ŋwà’ne Jâŋ 4:36

Nyìŋ gẅie à laga shúm, à ne ńkẅé ntsɔ’ɔ́ fà’ wé, é gwɔ́ pá’ à ne ńcú’te mmó ńnéŋe tsɛ̀ɛ le gwɔ́ tèmì. Légwɔ́ gie ambyè mmó pɔ́ ndàga ge pú kág.

Ŋwà’ne Jâŋ 6:58

Wɔɔn aa pá’ shúm léjÿó sie é fóo tÿǒ lepwó é gwɔ́, é té pá’ sie metá pí la pfɛ́ ńké ńgíŋe nkwé kwé wɔ́. Nyìŋ lɔɔn ńjÿó sɔɔn shúm léjyó, mbà ngàŋ ge lá’a gwɔ́ pɔ́ wó.

Megàŋ ntúm 14:2

Tá’ petsɔ́ pà Yuda lʉ’ʉ lézẅíŋ, ḿbímte pʉ̀a pie é té pà Yuda wɔ́, pɔ́ zye lélíe mefɛ́ mefɛ́ tepòŋ.

Heber 3:18

Á piŋ ńkʉa nà nò pà wɔ̌ ńgɔɔn ngie pɔ́ téen ńdá’a ńkúu tsɛ̀ɛ sẅétè gie à la ka’a mbwo pɔ́b wɔ́? Á laa ná nò pʉ̀a pie pɔ́ la tʉʉ twó mbwo yé.

Heber 3:19

Pege lɔgɔ ńgyá ngie pɔ́ la tè kúu tsɛ̀ɛ sẅétè gie e Ssé la ka’a mbwo pɔ́b wɔ́, mélà’mie pɔ́ la tè jú’u nò gie à gɔ̌ɔn, ńzẅíŋ wɔ́.