Ŋwà’ne Jâŋ 3:26 - Nouveau Testament en Ngienboum

²⁶ *Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Ŋwà’ne Jâŋ 3:26 Referans Kwoze

Ŋwà’ne Jâŋ 1:7

Á tó ńgwɔ́ njÿò ńgyá, á léshwóŋó mmó gie à zsě ńtí kyɛ̀’ ŋwɛ́, légwɔ́ gie wɔ̌wɔ́ɔ ge záb ntʉ́m we ná kyɛ̀’ ŋwɛ́.

Ŋwà’ne Jâŋ 12:19

Pà *farisay gyá pú’u, ńgɔɔn tsetsɛ̀ɛ pɔ́b ngie: pi kaa gyá ka. Atsɔ́ mmó gie à lɔɔn ńgwɔ́ pege gÿo á té wó wɔ́. Alá’ cʉ́’ ńgwɔ́ pɔ́ nzèm ye.

Ŋwà’ne Jâŋ 11:48

Pege lɔɔn ńnyé yé á lɔg ńgʉa mvfò, mbà mânyìŋ ntsèm ge záb ntʉ́m ná ye. Pà *Roma tó ńgwɔ́ tɔ’, ńtága *jʉ’ʉ Ssé Yerósalem, mbɔɔ ngwòŋ wégè.

Ŋwà’ne Jâŋ 1:15

Jâŋ gÿo ńgɔɔn mmó gie à zsě nà nyìŋ ŋwɛ́, ńdɔg ngyè tetʉ́ʉ ngie: Wɛ̂ áa nyìŋ gẅie n kɔ̌ɔn shwóŋó gẅi la, pá’ mèŋ n kɔ̌ɔn ńgɔɔn ngie: Nyìŋ aa nzèm mèŋ ńne ńtóo, à cʉa wɔ̀ɔn, mélà’mie mé la gwaa zyé wɔ̀ɔn, á gwɔ́ pɔ́ wó.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 1:9

Yé shwóŋè ŋwɛ́ láa kwà’ kyɛ̀’ gie á tóo tsɛ̀ɛ njÿó lékyɛ’ɛ mânyìŋ ntsèm.

Matio 23:7

Pɔ́ kwoŋ ngie mé tyé mangǐɛ, ńtsyɛ’te wɔ́b lê mekù’, epʉ̀a piŋ ńnéŋe ńtóŋo wɔ́b lê tsítsà.

Matio 23:8

Tá ńgʉa ná pi, tà pi gÿo ngie mé tóŋo gẅi ngie tsítsà, á nue pi gwɔ́ pɔ́ mefɛ́ mefɛ́, ḿbiŋ ńgẅiin pɔ́ tà’ tsítsà wémɔ’ɔ́.

Ŋwà’ne Jâŋ 4:1

Pa *farisay jú’ mé ne ńgɔɔn ngie nzẅìŋ pʉ̀a pie é ne ńcʉ́me nzèm Yěsô cʉa pe Jâŋ, á gíŋe ńne ńnu’u pʉ̀a ntse é gyɔ́ɔn ńcʉa pe Jâŋ.

Ŋwà’ne Jâŋ 4:2

Ńzɔɔn ńké ńgwaa gɔɔn pú’u, kwà’ Yěsô zɔ tě ńnu’u pʉ̀a ntse wɔ́, *ngàŋa kwò yé zɔ̌ ne ńnu’u wɔ́b.

Ŋwà’ne Jâŋ 4:31

Ńgwɔ tó pú’u, *ngàŋa kwò yé ne ńtsíŋe yé ńgɔɔn ngie: Rabbi, pfɛ́ɛ mémmó la.

Ŋwà’ne Jâŋ 5:33

Pi la tè túm pʉ̀a mbwo Jâŋ wɔ́ le? À la gɔɔn nò gie à zsě nà nò gie áa nénʉ́.