Ŋwà’ne Jâŋ 3:25 - Nouveau Testament en Ngienboum

²⁵ Atsɔ̌ nyìŋ pà Yuda pâ tsɔ̌ ngàŋa nkwò Jâŋ ńnéŋe tà ńzye lézoŋo nò ná nò lésɔgɔ pʉ̀ tá ńgu’te Ssé.

Ŋwà’ne Jâŋ 3:25 Referans Kwoze

Ŋwà’ne Jâŋ 2:6

Etsɔ́ mekʉŋ tóon gwɔ́ jʉ’ó ntɔgɔ́. Pà Yuda kúu ntse tsoló ńdɔgɔ sɔgɔ pʉ̀ tá ńgú’te Ssé pá’ *lepʉ̌ lá’ sɔ́b la ne ńzɛ́te. É la gwɔ́ tà ńgwaa ńgwɔ́ mé néŋ ntse tsoon lítà nkÿo tsɛ̀ɛ tà’.

Heber 6:2

pá’ lezi’í nò nà mekẅé ntse, pá’ lezi’í nò ná lezǎb mbwó twó pʉ̀a, pá’ lezi’í nò ná *lezimé nà legwé mbɔɔ ná pá’ e Ssé ge lá’ tsɔ́’te mentsaŋ é lɔg zsote.

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

Heber 9:23

Á lɔɔn ńgwɔ́ gie à la ne ńzɛ́te ngie me lɔg ntí gie mé la’te la, ńkẅile *lɔ̌’ ná shúm sie mé kǐm, é gwɔ́ sie mé lɔ́ɔn ńdɔgɔ fʉ’te sie ée tÿǒ lepwó fʉ’te, mbà á gʉa ná kwà’ sɛ̌ shúm sie ée tÿǒ lepwó, á zɛ́te ngie mé nuŋe pwɔ́’ gẅie é poŋ ńcʉa wɛ̌.

Heber 9:10

Yɛ̌ ntí legu’te Ssé ee ntí gie e lǐe pɔ́ mbùm nyìŋ, á gwɔ́ nò ńdíe shúm léjÿó, ńdíe melù’, ńdíe lésɔg *melɔ̌’. Metʉ̀ mɛ̌ mbʉ̌ la gẅiin légwɔ́ wó tà ńdá’ ńkú pɔ́ fʉ̀’ gie e Ssé lɔ̌ɔn ńge gíŋe gÿo kɔ̀ɔkɔ́ɔ pɔ́ sẅe sẅé.

Malékuse 7:8

Yěsô leen ńké ńgɔɔn mbwo pɔ́b ngie: À yɛ̂ gie pi pe’e *lepʉ̌ Ssé ńnáa nzèm, ńcʉ́’ʉ ńkú’te pɔ́ se pʉ̀a mesoŋ lɛ.