Ŋwà’ne Jâŋ 3:21 - Nouveau Testament en Ngienboum

²¹ Tá’, nyìŋ gẅie à ne ńgiŋe nà mánzsè nò nénʉ́, à tóo jʉ’ gie kyɛ̀’ áa wó, ńzsé ngie mé ge gyá ngie ngÿǒ menò mé fóo pɔ́ ná pá’ à ne ńjú’u ncwò Ssé.

Ŋwà’ne Jâŋ 3:21 Referans Kwoze

1 Jâŋ 1:6

Pege lɔɔn ńgɔɔn ngie pega pɔ̌ temté, tá ḿbiŋe ne ńgiŋe tsɛ̀ɛ nzěm, mbà pege cÿɔɔ nò, ńdɔgɔ tě ńgÿo mmó gie à ne ńkwoŋo wɔ́.

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,

Efeso 5:9

Mèŋ n gɔɔn pú’u, mélà’mie, apì légwɔ́ jʉ’e fɔ̌g aa legÿo menò mbòŋo, ńgÿo menò mie ée mvfò Ssé ńgwɔ́ ndʉŋ ndʉŋ, ńnéŋe tsɛ̀ɛ nò nénʉ́.

Filipo 2:13

E Ssé zɔɔn ne fa’a tsɛ̀ɛ ntʉ́m pi légwɔ́ gie pi ge kwoŋ shúm sie é poŋo yé, mbɔɔ légwɔ́ gie pi ge gíŋ gÿo sɛ̌ shúm.

Galatia 6:8

À lɔɔn ḿbye shúm sie é póŋ mbùm nnɛ́ ye, mbà shúm mbùm nnɛ́ ŋwɛ́ ge lá’ gÿo à kwé ḿbyé. Tá ńgwɔ́ gie à lɔɔn ḿbye shúm sie é póŋo Zẅìge Ndʉalʉ̌a, mbà Zẅìge Ndʉalʉ̌a ge lá’ gÿo à gẅiin le gwɔ́ tèmì.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Kolosia 1:29

Pi jú’u mmó gie mèŋ n kwé mǒ. Mèŋ n kě ńdɔgɔ pɔ́ metʉ̀ mie é fóo mbwo Kristo tá fa’a yɔɔn fà’. Mɛ̌ metʉ̀ kwa’ ńgwɔ́ soŋ nnɛ́ mèŋ ńne fa’a.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

Ŋwà’ne Ngyà jʉ’ 3:15

Mèŋ n ne ńzsé mefà’ mí. Pi tè sẅé, ńké tè tween. Pi gɔ̌ɔn ngie pi ge fó sẅé sẅé à gaa, éfó tween tween à gaa.

Ŋwà’ne Jâŋ 3:20

Ngÿǒ menò nyìŋ lɔɔn ńzɔɔn tè ne ḿboŋo wɔ́, mbà ngàŋ ge pʉa kyɛ̀’ pʉa, á le kwoŋo légiŋe jʉ’ gie kyɛ̀’ áa wó wɔ́, ḿbɔ́gɔ nue ngÿǒ menò mé ge kẅɛɛ mángyɛ̌.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.