Ŋwà’ne Jâŋ 3:11 - Nouveau Testament en Ngienboum

¹¹ Tà mèŋ shwóŋó gú, kwà’ nénʉ́, peg gɔɔn nò nà mmó gie pèg ne ńzsé, ńgɔɔn gie peg ne ńzsé nà mmó gie peg la gyá, tá’ pi ké tè zẅíŋe nò gie peg gɔɔn wɔ́.

Ŋwà’ne Jâŋ 3:11 Referans Kwoze

Ŋwà’ne Jâŋ 8:38

Mèŋ n kě ńgɔɔn pɔ́ mmó gie n dà gyá mbwo Tá wɔ̀ɔn, tá pi piŋe ńgÿo gí pɔ́ mmó gie pi la jú’u mbwo tá gẅi.

Ŋwà’ne Jâŋ 14:24

Nyìŋ lɔɔn tè wɔ̀ɔn kwoŋ, mbà à tè kú’te shwóŋè yɔ́ɔn mɔ́. Ashwóŋè ŋwɛ́ zɔɔn tě fóo pɔ́ mbwo mèŋ wɔ́. Á fóo pɔ́ mbwo Tá wɔ̀ɔn gẅie à ka túmo wɔ̀ɔn.

Ŋwà’ne Jâŋ 12:49

Á nue n da tè gɔɔn pɔ́ nò gie á fóo né mèŋ wɔ́, n da gɔɔn pɔ́ nò gie Tá wɔ̀ɔn mie à la túmo wɔ̀ɔn la tsẅi ngie mèŋ n gɔɔn, mbɔɔ nò gie mèŋ n ge gɔɔn nò mǒ.

Ŋwà’ne Jâŋ 8:14

Yěsô tsɔ́’ɔ mbwo pɔ́b ngie: Mèŋ n tsɛ ne ńgɔɔn nò gie mèŋ n zsé nà twó mbùm yɔ́ɔn tá’, anò gie mèŋ n gɔɔn ké ńgwɔ́ nénʉ́, á nue mèŋ n ne ńzsé jʉ’ gie mèŋ n ka fó wó, ńgíŋe ńne ńzsé jʉ’ gie mèŋ n gee nê wó. Tá’ ńgʉa ná pi, mbà pi tě ne ńzsé jʉ’ gie mèŋ fóo nê wó wɔ́, ḿbiŋ ńké tě ne ńzsé jʉ’ gie mèŋ n gee né wó wɔ́.

Ŋwà’ne Jâŋ 7:16

Yěsô tsɔ́’ɔ mbwo pɔ́b ngie: Ammó gie mèŋ n zí’i pʉ̀a té fóo mbwo mèŋ wɔ́, á fóo pɔ́ mbwo nyìŋ gẅie à ka tumó wɔ̀ɔn.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Ŋwà’ne Jâŋ 1:11

À la tóo kwà’ lá’ pɔ́b, epʉ̀a lá’ pé té yé kúe.

Lukase 10:22

Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Megàŋ ntúm 22:18

Mèŋ n gyá yé, á gɔɔn né mèŋ ngie: Sẅɛte fó Yerósalem wɔɔn ńgʉa, mélà’mie pʉ̀a pie é tsẅe wó té ge zẅíŋe nò gie ɔ̀ ge shwóŋó wɔ́b é tí wɔ̀ɔn mɔ́.

Ŋwà’ne Jâŋ 5:43

Mèŋ n ka lɔg lezíŋ Tá wɔ̀ɔn ńtó, pi lʉ’ʉ lézẅíŋe yɔ́ɔn nò. Tá ńgwɔ́ gie tsɔ̌ nyìŋ ndyɛ̀’ɛ lɔɔn ńtó fʉ̀’ɔɔn pɔ́ nà sé lezíŋ, mbà pi ge zẅíŋe yé nó.

Ŋwà’ne Jâŋ 3:13

Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Matio 23:37

Àfʉ̀’ ku’ Yěsô gɔɔn ngie: Pà Yerósalem, pà Yerósalem, pi pie pii ńzẅé pà *ntsẅì nkʉ̀ Ssé zẅé, ńdɔgɔ metóon ńtéme pʉ̀a pie Ssé túmo wɔ́b mbwó pí ńzẅéte, ée ngʉ̀a shÿɔ́’ɔ pá’ mèŋ fa’á lécú’te gẅí, pá’ mêngáb cú’te púɔ pé lepàb yé, pi ké ńdʉ’ʉ lʉ’?

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Ŋwà’ne Ngyà jʉ’ 3:14

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Laodisé. Ŋwe’e ngie: Nyìŋ gẅie lezíŋ sé ée lê *Amen, á gwɔ́ njÿò ńgyá we tè kubé shwóŋè, gẅie à gɔɔn nò gie áa nénʉ́, gẅie yé zɔ nzyeté nà kɔ̀ɔkɔ́ɔ gie e Ssé la nyɛte, à ne ńgɔɔn ngie:

Ŋwà’ne Jâŋ 3:12

Mèŋ shwoŋó gẅi nò ná shúm sie é cʉaté ndùmo ssé tsetsá’, pi tè zẅíŋ. N dɔɔn shwóŋó gẅi nò fʉ̀’ɔɔn ná shúm sie é cʉaté tÿǒ lepwó, mbà pi ge gÿo lêkɔ́ tá zẅíŋ?

Ŋwà’ne Jâŋ 8:26

Mèŋ n gẅiin menò mie mèŋ n ge gɔɔn né pi tà é gyɔ́ɔn gyɔ̌ɔn, mbɔɔ mie mèŋ n ge ŋaga gẅi mǒ. Tá’ n gɔɔn mbwo pʉ̀a tsɛ̀ɛ njÿó pɔ́ mmó gie n da jú’u mbwo nyìŋ gẅie à la túmo wɔ̀ɔn. Àa ńké shwóŋó yé pɔ́ nò nénʉ́.