Ŋwà’ne Jâŋ 21:23 - Nouveau Testament en Ngienboum

²³ Yěsô gɔɔn yɔɔn nò ná wɛ̌ *ngàŋa kwò we pá’ɔɔn, mé gÿo ńcʉ́’ ńgwɔ́ tsetsɛ̀ɛ pʉ̀a pé, éshwóŋte shwoŋté ngie wɛ̌ *ngàŋa kwò we tě ńdá’a ńkwé wɔ́. Tá, mbà Yěsô kaa gɔɔn ngie à tě ńdá’a ńkwé wɔ́ wɔ́. Mbà à gɔ̌ɔn pɔ́ ngie, à lɔɔn ńkwoŋ ngie wɛ̌ nyìŋ gwɔ́ pɔ́ wó tà à lá’ ńgíŋ ńtó, mbà à ye Piɛ áa mǒ ńgwɔ́ kɔ́ wɔ́.

Ŋwà’ne Jâŋ 21:23 Referans Kwoze

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Megàŋ ntúm 6:3

Pú’u lá, mbà mefɛ́ mefɛ̀, pi gʉa tsetsɛ̀ɛ pi, éfa’ pʉ̀a sɔɔn mbʉ́a pá’ pɔ́ ge ně fa’a yɛ̌ fà’. Pi cʉ́’ʉ letsɔ́’, ńdíe pʉ̀a pie tsẅé yɔ́b poŋ. Epʉ̀a pie Zẅìge Ssé léen ńjÿó letʉ́m sɔ́b. Pɔ́ piŋ ńgẅiin zsé nò. Peg cʉ́me fà’a shúm léjÿó mbwo pɔ́b,

Megàŋ ntúm 28:14

ńkúu wó, ńgyá tsɔ́ mefɛ́ mefɛ́. Pɔ́ tóŋo wég ngie peg laa pɔ̌ ńnéŋe mbʉ̀a pɔ́b tà’ ngàba lá’. Wɔɔn aa pá’ peg la gÿo tá ńkúu tÿǒsoŋo *Roma.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

1 Korento 11:26

Pi zsé ngie ngwòŋ fʉ̀’ ntsèm gie pi pfɛ̌ yɔɔn mbelég, ńgíŋe ńnú yɔɔn ntú’, pi lɔgɔ pú’u ésá’a ngie Cʉ̀apʉ̀a la kwé, é ké lá’a sá’a pɔ́ pú’u, tà lá’ kú lyɛ̌’ gie à ge lá’ gíŋe tó.

Ŋwà’ne Jâg 5:7

Mefɛ́ pɔ́ɔn, pú’u la pi lɔgɔ kwɔ́gɔ nnɛ́ ńzẅí’te tà ńkú fʉ̀’ gie Cʉ̀apʉ̀a ge tó. Pi gyá pá’ njʉ’ ngwóŋ kě ńdá’ ńdɔg pɔ́ kwɔ́gɔ nnɛ́ ńzẅí’te ngie tsetsá’ zém shúm mbòŋo, é zém, à káb ntwó, ńzẅí’te tà ńtáa ńgíŋe ńkáb nzèm.

Ŋwà’ne Ngyà jʉ’ 2:25

Mèŋ n ne ńzɛ́te pɔ́ ndà’ ngie, ammó gie pi gẅiin, pi nyɛte ńkú’te mboŋó tà ńkú fʉ̀’ gie mèŋ n ge gÿo tó.