Ŋwà’ne Jâŋ 21:16 - Nouveau Testament en Ngienboum

¹⁶ Ńgíŋe ńzɛ́te yé nà mbɔ́ɔntè yépʉ́a ngie: Símo, míŋ Jâŋ, tà ɔ̀ kwoŋo wɔ̀ɔn? Á tsɔ́’ ngie oon, mbà Cʉ̀apʉ̀a, ɔ̀ zsě ngie mèŋ n kwoŋo gú. Yěsô gɔɔn ngie: Pyɛ́b *menjʉ̀njÿò mɔ́ɔn.

Ŋwà’ne Jâŋ 21:16 Referans Kwoze

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

1 Piɛ 5:2

Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

Heber 13:20

E Ssé gẅie e mbʉ́lè fóo mbwo ye, à la gÿo Yěsô Cʉ̀apʉ̀a wege fó lá’ mepfó ńkwɔ́’. Yé Cʉ̀apʉ̀a wege la lɔg pá’ à pfɛté metse mé, e Ssé lɔg ńgwaa *kʉ̀a gie á té ńdá’a ḿmaga wɔ́, ńcʉ́’ʉ mbyɛ̀b mvfó we lÿò, pá’ à ge pyɛ́bɛ *njʉ̀njÿò yé.

Ŋwà’ne Jâŋ 18:25

Piɛ ké ńnyé ne ńzɔ́gɔ pɔ́ mmɔ̌g, mé gɔɔn né yé ngie: Gù jú, ɔ̀ tè tsɔ̌ tà’ *ngàŋa kwò nyìŋ wɛ̂ wɔ́ le? Piɛ moŋe, ńgɔɔn ngie mèŋ n tè *ngàŋa kwò we wɔ́.

Ŋwà’ne Jâŋ 18:17

Manzwě ŋwɛ́ gẅie à pyɛ́bɛ ncwò nɔ’ gɔɔn né Piɛ ngie: Ɔ̀ tè jú tsɔ̌ tà’ nà *ngàŋa kwò nyìŋ wɛ̂ wɔ́ le? Piɛ tsɔ́’ ngie: Mèŋ n tè *ngàŋa kwò we wɔ́.

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

Matio 26:72

Piɛ gíŋe ḿmoŋe, ńgɔɔn tà ńkʉa ngie: Mèŋ n te nyìŋ wɛ̂ zsé.

Matio 25:32

Melá’ ntsèm cú’te mvfò yé, à tyɛ́te pʉ̀a, éfag pá’ mbyɛ̀b mvfó faga *menjʉ̀njÿò á nà mvfó ntʉ̀ la,

Matio 2:6

«Á gʉa ná gù Mbetélehem, á tsɛ̀ɛ pàga ngwòŋ Jẅidea, ɔ̀ tè tsetsɛ̀ɛ metÿǒsoŋ pà Yuda ńdeen ńgwɔ́ pɔ́ nzsònzèm wɔ́, á nue àfùɔ gẅie à ge lá’ sá’ pʉ̀a pɔ́ɔn pà Israel ge lá’ kẅɛ pɔ́ tsetsɛ̀ɛ pi».

Ŋwà’ne Ngyà jʉ’ 7:17

Á nue mûɔ *Njʉ̀njÿò gẅie à tyé tsetsɛ̀ɛ lʉŋe lefùɔ ge gwɔ́ ngàŋa pyɛ́bɛ wɔ́b, é lɔgɔ wɔ́b é gʉa nà meti’í ntse, á jʉ’ gie ntse ge gÿo mé gwɔ́ wó. E Ssé gÿo ḿbú ńtsí’i ntse nÿɔ́g mɔ́b ntsèm.

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.