Ŋwà’ne Jâŋ 20:15 - Nouveau Testament en Ngienboum

¹⁵ Yěsô gɔɔn né yé ngie: Mɔ̌ɔn, ɔ̀ lʉa kɔ́? Ɔ̀ fa’a wɔ́? Tá á kwaŋ ngie kà à gwɔ́ pɔ́ nyìŋ gẅie à pyɛ́bɛ nká’a ngale wɔ́, ńgɔɔn né yé ngie: Andè, à lɔɔn ńgwɔ́ gie gù zɔ ně ńkaa pfó Yěsô, ɔ̀ la’te wɔ̀ɔn jʉ’ gie ɔ̀ ně ńnuŋe wó, n gʉa, ńkaa.

Ŋwà’ne Jâŋ 20:15 Referans Kwoze

Ŋwà’ne Jâŋ 20:13

Pɔ́ gɔɔn né yé ngie: Mɔ̌ɔn ɔ̀ lʉa kɔ́? Á tsɔ́’ɔ mbwo pɔ́b ngie: Mé ně ńkaa pfó Cʉ̀apʉ̀a wɔ̀ɔn, m biŋ tè ne ńzsé jʉ’ gie mé ně ńzába wó wɔ́.

Ŋwà’ne Jâŋ 18:7

Yěsô gíŋe ńzɛ́te wɔ́b ngie: Pi fa’a wɔ́? Pɔ́ gɔɔn ngie: Á Yěsô ye Nǎzarɛd.

Ŋwà’ne Jâŋ 1:38

Yěsô sele nnɛ́, ńgyá pá’ pɔ́ ée nzèm yé, ńzɛ́te wɔ́b ngie: Pi fa’a kɔ́? Pɔ́ tsɔ́’ɔ mbwo yé ngie: Rabbi (ńdɔgɔ ngie tsítsà), ɔ̀ tsẅé nzɔ̌?

Malékuse 16:6

Tá’, á gɔɔn né pɔ́b ngie: Tà pi pɔ́g, pi fa’a Yěsô mûɔ Nǎzarɛd gẅie mé kà kime yé nà tÿǒ nkǐ la? À zimé nà legwé, à tè nyé jʉ’ɔɔn wɔ́. Pi gyá, yɔɔn áa jʉ’ gie mé kà nuŋe pfó yé wó.

Matio 28:5

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la.

Ŋwà’ne Jâŋ 18:4

Yěsô zsé nò gie á ne ńtóo ná yé, ésẅɛ’te nnɛ́ né mvfò pɔ́b ńgɔɔn ngie: Pi fa’a wɔ́?

Lukase 24:5

Pɔ́ cÿɔ’ tà ńcʉ́’ ńdíe pɔ́ ssé, tá pʉ̀a ŋwɛ́ zɛ́te wɔ́b ngie: Pi tóo tsetsɛ̀ɛ mepfó ssé, éfa’a nyìŋ gẅie aa ntentʉ́ mélà’a kɔ́?

Matio 12:34

Ngẅɛ̀ mennú, ńgwɔ́ pi gwɔ́ pʉ̀a tepòŋ pɛ́’ɛ, ńgɔɔn nò mbòŋo lêkɔ́? Nyìŋ gɔɔn pɔ́ nò gie áa tsɛ̀ɛ ntʉ́m yé.

Lukase 2:44

Pɔ́ la ne ńkwaŋa pɔ́ ngie aa tsɛ̀ɛ nùɔ yɔ́b, tà ńgiŋe tà’a lyɛ̌’, ńdíe yé tsetsɛ̀ɛ pʉ̀a ngẅɛ̀ ndá yɔb pâ pʉ̀a pɔ́b,