Ŋwà’ne Jâŋ 20:1 - Nouveau Testament en Ngienboum

¹ Á gÿo ńgwɔ́ ndùŋ mvfò lyɛ’ɛ́ lá’ nà ngàba lá’, tà ńnyé ńgwɔ́ pɔ́ leme léme, ejʉ’ nyé té fɔ́g, Malîɛ Magdala gʉa jʉ’e lesyè, ńkúu wó, ńgyá mbà mé ně fó ncwò lesyè, ésẅɛ’te tóon.

Ŋwà’ne Jâŋ 20:1 Referans Kwoze

Malékuse 16:9

Yěsô la zíme na legwé, á mba’ámba’ mvɔ́g mvfò lyɛ̌’ nà ngàba lá’, ḿvɔg ńnyɛ mbùm ye mbwo Malîɛ Magdala wá gẅie *messé tepòŋ sɔɔn mbʉ́a la gwoon yé, ńne ḿbue yé tá Yěsô kẅé yé mbwo pɔ́b la.

Matio 27:60

ńkaa yé ńdɔg ńgʉa ńnéŋe tsɛ̀ɛ lesyè sie à ka nyě shʉ’ʉ ná tóon, é gwɔ́ sé Yesyɛ̂b. Á ńnéŋe Yěsô tsɛ̀ɛ wó, ńtsóte máamáa tóon ńdɔg ńjÿɔ́’ ncwò ńgʉa.

Malékuse 15:46

Yesyɛ̂b gʉa ńjúu pwó nzsó, ńgʉa nà tÿǒ nkǐ, ésẅí’i pfó Yěsô ńdɔg nzsǒ ŋwɛ́, ńzémte, ńkáa ńdɔg ńgʉa, ńnéŋe tsɛ̀ɛ lesyè sie mé la shʉ’ʉ ná máa tóon, ńgíŋe ńtsóte tsɔ̌ tóon ńdɔg ńjÿɔ́’ ncwò.

Ŋwà’ne Jâŋ 20:26

É lêen ńké ńgÿo ńcʉa lyɛ̌’ lefɔ̌ɔn, *ngàŋa kwò Yěsô gíŋe ńcú’te ssé, Tomáse gwɔ́ yé nùɔ pɔ́b, á gwaa gwɔ́, mbà pɔ́ pǔ ńjÿɔ́’ mencwò ndá, Yěsô kẅɛ ńtyé tsetsɛ̀ɛ pɔ́b ńgɔɔn né pɔ́b ngie: Mbʉ́lè gwɔ́ né pi.

Ŋwà’ne Jâŋ 19:25

Má pà Yěsô pɔ́ mémá má we we manzwě, ńgÿo Malîɛ nzwě Kelopàs, mbɔɔ Malîɛ Magdala la tyé ngʉ̀ŋe tÿǒ nkǐ Yěsô.

Ŋwà’ne Ngyà jʉ’ 1:10

Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,

Matio 27:64

Áa pú’u, tá peg ne ńzɛ́te ngie ɔ̀ tsẅi pàlÿɔ́’ ncù pyɛ́b lesyè tà kúu na ḿbɔ́ɔnte lyɛ̌’ tá. Tà á té pú’u wɔ́, mbà ńgwɔ́ ngáŋa kwò yé tó ńjʉʉ pfó yé, ńdeen ńké ńgʉa shwóŋó lá’ ngie à zimé nà legwé! Wɛ̌ cÿɔ̌ nò e mege ḿbÿɔ́g tà ńcʉa we mvfò.

1 Korento 16:2

Á poŋ ngie à ńnéŋe ńgwɔ́ wɛ̌ sóondi, wɛ̌ nyìŋ gẅi wɔ́ à gee ná mmó gie à gẅǐin, ńdʉŋte ḿbí tsɔ́ nzẅìŋ nkáb mǒ, ńde’e ndá ye, ńzsé ngie mé té ge zẅí’te tà mèŋ n tó tá mé ma’ ncùb wɔ́.

Megàŋ ntúm 20:7

Á gwɔ́ ndùŋ mvfò lyɛ’ɛ́ lá’ nà ngàba lá’, peg cú’te léjÿó shúm léjÿó Cʉ̀apʉ̀a. Njÿó ne ńgee lʉ́a Pɔl gʉa. Á ne shwóŋó nò Ssé mbwo mefɛ́ mefɛ́, ńké shwóŋó wɔ́b shwóŋ tà ńkú tsɛ̀ɛ tsẅɛ́’.

Matio 27:56

Á laa tsetsɛ̀ɛ pɔ́b, wɔɔn gwɔ́ Malîɛ Magdala, ńgÿo Malîɛ má pà Jâg pɔ́ Yesyɛ̂b, ńgíŋ ńgÿo má pà gubé Zebede.

Matio 27:66

Pɔ́ gʉa ńdɔgɔ tsɔ́ mmó ńcÿɔ’ɔ liŋé ná tóon gẅie mé ně ńdɔg ńjÿɔ́’ lesyè, ńcÿɔ’ɔ pú’u, ńdɔgɔ ńgɔɔn ngie lesyè ée se njÿɔ̌’, ńdeen ńtÿɔ́g pàlÿɔ́’ ncù, pɔ́ ne ḿbyɛ́bɛ, ḿbɔ́gɔ mmó légÿo ná lesyè.

Matio 28:1

Àlyɛ’ɛ́ nzse pa Yuda gÿo ńtɔ́g, á gwɔ́ mba’ámba’ ná ndùŋ mvfò lyɛ̌’ nà ngàba lá’, Malîɛ Magdala pɔ́ wetsɔ̌ Malîɛ gʉa légyá lesyè,

Matio 28:2

ńdeen ńkúu wó ńjú’ tsetsá’ pú ńcʉ’ʉ tɛ’. *Cÿɔ́’ Cʉ̀apʉ̀a fó tÿǒ lepwó sẅɛ́’, ńtó ńkite tóon gẅie mé ka lɔg ńjÿɔ́’ ncwò lesyè, ńkwɔ́’ ńnéŋe ná tóon ŋwɛ́.

Ŋwà’ne Jâŋ 11:38

Yěsô gíŋe ńzẅi, ńgʉa jʉ’e lesyè, é gwɔ́ tsɔ̌ mvwɔ́’ɔ jʉ’, mbà mé la lɔgɔ tóon ńjÿɔ́’ ncwò.

Ŋwà’ne Jâŋ 11:41

Mé gwɔ́ tà sẅɛ’te tóon, Yěsô pʉ’ʉ twó yé, ńdíe tÿǒ, ńgɔɔn ngie: Tá wɔ̀ɔn, mèŋ n nǎ ndǎg pá’ mèŋ sẅíŋte gú, ɔ̀ jú’.