Ŋwà’ne Jâŋ 2:24 - Nouveau Testament en Ngienboum

²⁴ Tá’ Yěsô tè gwá’ mbùm ye mbwo pɔ́b wɔ́, mélà’mie à né ńzsé pá’ pɔ́ gwɔ́ metsèm.

Ŋwà’ne Jâŋ 2:24 Referans Kwoze

Ŋwà’ne Jâŋ 6:64

Tà mbàa pú’u, etsɔ́ pʉ̀a tsetsɛ̀ɛ pi té ne ńzẅíŋe wɔ́. Á gwaa gwɔ́, mbà Yěsô la lá’ ńzsé pʉ̀a pie é té ne ńzába ntʉ́m ná yé wɔ́, ńgíŋe ńzsé nyìŋ gẅie à ge gÿo sẅiŋe yé.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.

Megàŋ ntúm 1:24

Mé leen ńké sẅíŋte Ssé ńgɔɔn ngie: Cʉ̀apʉ̀a, gù gẅie ɔ̀ zsé ntʉ́m mânyìŋ ntsèm lá, gʉa nà pʉ̀a pɔɔn mépʉ́a, ńnyɛɛ wég nyìŋ gẅie ɔ̀ tsɔ’ɔ́ yé.

Matio 9:4

Yěsô zsé mmó gie pɔ́ ne ńkwaŋa, ńgɔɔn né pɔ́b ngie: Pi gÿo lêkɔ́ ńgẅiin yɛ̀ ntí mekwaŋá tepòŋ tsɛ̀ɛ ntʉ́m gẅí?

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.

Ŋwà’ne Jâŋ 5:42

Tá’, mèŋ n zɔɔn ne ńzsé gẅí, pi ee ntʉ́m pi, pi tè Ssé kwoŋ.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Malékuse 2:8

Yěsô gwóon ńzsé mmó gie pɔ́ ne ńkwaŋa, ńzɛ́te wɔ́b ngie: Pi gǎ ńgẅiin yɛ̂ ntí nkwaŋá ntʉ́m pi?

Ŋwà’ne Jâŋ 6:15

Yěsô gyá shÿó gẅie pɔ́ ne fa’a légwoon yé ńdɔgɔ yé ńgÿo fùɔ, ńgíŋe ńnyé wɔ́b ńgʉa né ndùm lekwɔ’ɔ́ gílé yé.

Ŋwà’ne Jâŋ 1:42

Ńdɔgɔ Símo, ńgʉa lejʉ́ŋ Yěsô, Yěsô cwoŋo ńdíe Símo tà ńgɔɔn né ye ngie: Ɔ̀ɔ Símo míŋ Jâŋ. Mé ge gÿo tóŋo gú le Kéfas. Yěsô tóŋo le Kéfas pá’ɔɔn, á lɔgɔ ńgíŋe ńgɔɔn ngie Piɛ.

Megàŋ ntúm 15:8

E Ssé gẅie à zsé ntʉ́m mânyìŋ ntsèm, la nyɛ ngie à zẅǐŋ ngie pɔ́ ée pʉ̀a pé, ńtúmo Zẅìge yé mbwo pɔ́b yɔ́b. Pɔ́ ndʉŋ ndʉŋ pá’ à la túmo mbwó pege.

Ŋwà’ne Jâŋ 4:16

Yěsô tsɔ́’ɔ mbwo yé ngie: Gʉa ńtóŋo ndǔm ɔ̀ pi yé tó.