Ŋwà’ne Jâŋ 2:18 - Nouveau Testament en Ngienboum

¹⁸ Pàsá’a lá’a pà Yuda leen ńké ńgɔɔn né Yěsô ngie: Gÿo ndàa gyá nò mvfò peg ńdɔg ńnyɛɛ wég ngie mé la náa gú tʉ̀ légÿo mmó gie ɔ̀ gÿo lɛ̂.

Ŋwà’ne Jâŋ 2:18 Referans Kwoze

Ŋwà’ne Jâŋ 6:30

Pɔ́ pʉŋe ngie: Anò mmɔɔn mmɔɔn gie ɔ̀ ge gÿo, à fóo mbwo Ssé tá peg gyá ńzáb ntʉ́m ná gù áa kɔ́? Ammó gie ɔ̀ ge gÿo áa kɔ́?

Megàŋ ntúm 5:28

Peg ka té tɔ’ɔ gẅi legíŋ ńzí’i nò nyìŋ ŋwɛ́ á mbwo pʉ̀a wɔ́ le? Pi pǐŋ ńdɔgɔ nò yé mbú saa Yerósalem ntsèm. Pi te pɛ́’ɛ̀ fa’a ngie mé yé peg zsé nò nà legwé wé wáa?

Megàŋ ntúm 4:7

Pɔ́ tsẅi, mé lɔ́gɔ Piɛ pɔ́ Jâŋ ńtóo mvfò pɔ́b. Pɔ́ zɛ́te wɔ́b ngie: Metʉ̀ ka fó nzɔ̌ pi lɔg ńgÿo mmó gie pi ka gÿo li? Pi kaa pe’e ńdɔg lezìŋ wɔ́ tá ńgÿo pú’u?

Ŋwà’ne Jâŋ 1:25

Pɔ́ gíŋe ńzɛ́te Jâŋ ngie, tà ɔ̀ tè *Nzà’nkÿo wɔ́, ńké tè *Elîɛ́ wɔ́, ńké tè *ntsẅì nkʉ̀ Ssé gẅie mé ne ńzẅí’te wɔ́, tà mélà’a kɔ́ ɔ̀ nu’u pʉ̀a ntse?

Lukase 11:29

Yěsô ne shwóŋó pú’u, alá’ ne ńkẅi’i ńkwɔ́’ɔ kwɔ̌’, á lêen ńké ńgɔɔn né pɔ́b ngie: Pʉ̀a pie ée tsɛ̀ɛ njÿó fʉ̀’ɔɔn é pú tepòŋ. Pɔ́ ně ńzɛ́te wɔ̀ɔn ngie n nyɛɛ liŋé, tá mé téen ńgee nyɛɛ wɔ́b tsɔ́ mmó wɔ́, tà ńdí’ ndà’ nò gie á la gÿo Jonase.

Malékuse 8:11

Epʉ̀a nà nùɔ pà *farisay tó ńne fa’a nò ná ye, ńtsóte yé ngie à gÿo nò mmɔɔn mmɔɔn gie á nyɛɛ ngie Ssé zɔ kà túmo yé, ńgie à nyɛɛ wɔ́b liŋé gie á la’te ngie Ssé zɔ tumó yé.

Matio 21:23

Yěsô gíŋe ḿbiŋe tsɛ̀ɛ *jʉ’ʉ Ssé tà ńzye lézí’i pʉ̀a nò Ssé, *metándá pànùŋe pwɔ́’ pâ melÿò tsɛ̀ɛ lá’ tó ńzɛ́te yé ngie: Ɔ̀ lɔgɔ lezíŋ wɔ́ ńgÿo mɔɔn menò? Kwà’ wɔ̌ zɔ túmo ɔ́ ngie ɔ̀ gÿo pú’u?

Ŋwà’ne Jâŋ 1:19

Jâŋ gÿo ńgɔɔn nò ńtí Yěsô. Á gwɔ́ tsɔ́ fʉ̀’, pàsá’a lá’ pà Yuda pie ée Yerósalem túm pànuŋe pwɔ́’ lâ pʉ̀a nà ngẅɛ̀ Lěvi, ńgie pɔ́ gʉa ńzɛ́te Jâŋ ngie: À gwɔ́ pɔ́ wɔ̌?