Ŋwà’ne Jâŋ 2:11 - Nouveau Testament en Ngienboum

¹¹ Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Ŋwà’ne Jâŋ 2:11 Referans Kwoze

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 6:2

Alá’ ne ńcʉ́me nzèm yé tɛ’, á nue pʉ̀a la ne ńgyá menò mmɔɔn mmɔɔn mie à la ne ńgÿo nà megàŋa guɔ.

Ŋwà’ne Jâŋ 6:30

Pɔ́ pʉŋe ngie: Anò mmɔɔn mmɔɔn gie ɔ̀ ge gÿo, à fóo mbwo Ssé tá peg gyá ńzáb ntʉ́m ná gù áa kɔ́? Ammó gie ɔ̀ ge gÿo áa kɔ́?

Ŋwà’ne Jâŋ 6:26

Yěsô tsɔ́’ɔ mbwo pɔ́b ngie: Tà mèŋ shwóŋó gẅí, kwà’ nénʉ́, pi tě séen fa’a wɔ̀ɔn, pɔ́ mélà’mie pi ka gyá menò mmɔɔn mmɔɔn mie mèŋ n ka gÿo, é nyɛɛ metʉ̀ Ssé wɔ́, pi fa’a wɔ̀ɔn ńtí pɔ́ pá’ pi ka pfɛ́ mbelég tà ńzẅɛ́.

Ŋwà’ne Jâŋ 6:14

Alá’ gyá nò mmɔɔn mmɔɔn gie Yěsô gÿǒ, ńgɔɔn ngie: Nyìŋ wɔɔn aa kwà’ *ntsẅì nkʉ̀ Ssé gẅie mé ka ne ńzẅí’te ngie à tóo tsɛ̀ɛ njÿó.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Ŋwà’ne Jâŋ 14:13

Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

Ŋwà’ne Jâŋ 12:41

Esǎya gɔɔn nò jʉ’ɔɔn ná Yěsô, á nue à la tʉ́ njÿó ńgyá legú’ Yěsô.

Ŋwà’ne Jâŋ 12:37

Yěsô la tsɛ ńgÿo menò mmɔɔn tɛ’ mvfò pʉ̀a tá’, pɔ́ ké tè záb ntʉ́m ná yé wɔ́.

Ŋwà’ne Jâŋ 2:23

Yěsô nyé ńgwɔ́ pɔ́ Yerósalem, mé ne ńjÿó línɔ́ɔn *páskà, alá’ gyá menò mmɔɔn mmɔɔn mie à ne ńgÿo, pʉ̀a tà ńgyɔ́ɔn záb ntʉ́m ná yé.

Ŋwà’ne Jâŋ 1:50

Yěsô tsɔ́’ɔ mbwo yé ngie: Ɔ̀ zẅíŋe fʉ̀’ɔɔn, mélà’mie mèŋ n gɔ̌ɔn ngie n ně ńgyá pá’ ɔ̀ ńnéŋe le tsìŋe mbÿě ngem. Ɔ̀ ge gìŋe gyá menò mie é fáŋ ńtɔ́g mɛ̌.

1 Jâŋ 5:13

Mèŋ n ŋwe’e mɔɔn menò ńdɔgɔ shwóŋó gẅi pie pi záb ntʉ́m ná Míŋ Ssé ngie: Pi gẅiin le gwɔ́ tèmì.

Ŋwà’ne Jâŋ 4:46

Á piŋ tà ńkúu Kána pɔ́ Galilea, á gwɔ́ tÿǒsoŋ gie à ka sele ntse wó ńdɔg ńgÿo melù’ la. Tsɔ̌ nyìŋ ndÿò ná fà’a ngúmnɔɔn gwɔ́ tÿǒsoŋo Kapernawúm, míŋ we ne ńguɔ.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

2 Korento 3:18

Pege metsèm tè gíŋe ńgẅiin tsɔ̌ nkǔɔ ná shÿó wégè wɔ́, shʉ́shÿɔ́g Cʉ̀apʉ̀a ne ńtéme ná pege ḿbiŋe nzèm pá’ kyɛ̀’ gie á téme ná gyá shÿó la. Cʉ̀apʉ̀a gẅie à gwɔ́ pɔ́ Zẅìge, à ne ńgÿo pege kúbe ntí, ńgÿo pege sẅé yé, shʉ́shÿɔ́g gẅie aa ná pege, piŋ ne ńkẅi’i kẅi’i.

Ŋwà’ne Jâŋ 11:15

Á pǐŋ ḿboŋo wɔ̀ɔn tɛ’ pá’ à gwǎ kwé, n tè ssé wɔ́. E Ssé zɔ gÿǒ ngie à gwɔ́ pú’u, ńtí gẅí, ńzsé ngie pi ge fó mǒ, é nyɛte záb ntʉ́m ná mèŋ. Tá pege gʉa fʉ̀’ɔɔn tà ńkúu jʉ’ó.

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 1:43

Njÿó gÿo ńdʉ́a, Yěsô záb ngie à ge gʉa tsɛ̀ɛ pàga ngwòŋ Galilea, ńne ńgee, ḿbumte Filib, ńgɔɔn né yé ngie cʉ́me nzèm mèŋ.

Ŋwà’ne Jâŋ 2:1

É cʉa lyɛ̌’ pʉ́a, atsɔ́ lɔ́ɔn ndá gwɔ́ tÿǒsoŋo Kána, á tsɛ̀ɛ pàga ngwòŋ Galilea, má pà Yěsô gwɔ́ wó.

Ŋwà’ne Jâŋ 4:3

Yěsô zsé ngie pà *farisay jǔ’, éfó tsɛ̀ɛ pàga ngwòŋ Jẅidea ńcʉ́me mánzsè lépiŋe tsɛ̀ɛ pàga ngwòŋ Galilea.

Ŋwà’ne Jâŋ 4:54

Yěsô gÿo yɔɔn nò mmɔɔn mmɔɔn, á fʉ̀’ gie à fǒ Jẅidea ḿbiŋe Galilea pá’ɔɔn, á lɔ́gɔ ńgwɔ́ nò mmɔɔn mmɔɔn mbɔ́ɔntè yépʉ́a gie à gÿǒ Kana.

Ŋwà’ne Jâŋ 7:31

Lelÿò pʉ̀a tsɛ̀ɛ nùɔ lá’ ké ne ńzába ntʉ́m ná yé zǎb, ńne ńgɔɔn ngie, tà *Nzà’nkÿo ge gÿo tó gíŋe gÿo tsɔ́ menò mmɔɔn mmɔɔn tà e tɔ́g mie nyìŋ wɛ̂ ne ńgÿo la?

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Ŋwà’ne Jâŋ 10:41

Pʉ̀a tà ńgyɔ́ɔn tóo lejʉ́ŋ yé, ńne ńgɔɔn ngie: Jâŋ la tè gÿo tsɔ̌ ndàa gyá wɔ́, tá’ akɔ́ɔkɔ́ɔ gie à la gɔɔn nà mbàŋa wɔɔn laa nò nénʉ́.

Ŋwà’ne Jâŋ 11:47

Mentándá pànuŋe pwɔ́’, pâ pà *farisay leen ńtóŋo cú’tè lÿò, ńtóo tsoló ngie: Pege ge gÿo lêkɔ́? Nyìŋ wɔɔn né ńgÿo menò mmɔɔn mmɔɔn tɛ’.

Ŋwà’ne Jâŋ 12:18

Áa mmó gie á la gÿo tá lá’ kẅɛ, ńgʉa ńzá’a Yěsô, mélà’mie pɔ́ la jú’ pá’ à gÿǒ yɔɔn nò mmɔɔn mmɔɔn.

Ŋwà’ne Jâŋ 16:27

Á nue kwà’ yé Tá wɔ̀ɔn kwoŋo gẅí. À kwoŋo gẅí, mélà’mie pi ka kwoŋo wɔ̀ɔn, ḿbiŋe ne ńzẅíŋe ngie yé zɔ la túmo wɔ̀ɔn.

Ŋwà’ne Jâŋ 16:30

Peg zsě fʉ̀’ɔɔn ngie ɔ̀ zsé kɔ̀ɔkɔ́ɔ tà ḿvɔg ńzsé mmó gie peg fa’a lézɛ́te gú. Áa mmó gie á gÿǒ peg zẅíŋ ngie ɔ̀ fóo mbwo Ssé.