Ŋwà’ne Jâŋ 19:42 - Nouveau Testament en Ngienboum

⁴² Pá’ pà Yuda la ne ńnyɛte mbùm yɔb ńtí lyɛ’ɛ́ nzsè yɔ́b la, zà’ ne ńcʉa, mé kaa pfó Yěsô ńdɔg ńgʉa ńnéŋe tsɛ̀ɛ lesyè ŋwɛ́. Á nue é la gwɔ́ pɔ́ ngʉ̀ŋe jʉ’ó.

Ŋwà’ne Jâŋ 19:42 Referans Kwoze

Ŋwà’ne Jâŋ 19:31

Mé laa lyɛ’ó ńne ńcwoŋte *lyɛ’ɛ́ nzsè pà Yuda, á piŋ tè poŋ ngie à gwɔ́ lyɛ’ɛ́ nzsè, mepfó pʉ̀a gwɔ́ nà metÿǒ nkǐ wɔ́, yɛ̌ ge zɔɔn gwɔ́ lyɛ’ɛ́ nzsè lÿò tɛ’. Mekěm pà Yuda gʉa ńgyá *Pilato, ésẅíŋte yé ngie à gÿo mé pwɔ́’te mekwò pʉ̀a pie ée nà metÿǒ nkǐ, pɔ́ kwéte, mé fó nà metÿǒ nkǐ ésẅí’i wɔ́b.

Ŋwà’ne Jâŋ 19:14

Á gwɔ́ lyɛ̌’ gie mé cwoŋte línɔ́ɔn *Páskà, ńgwɔ́ mmó tsɛ̀ɛ zsǒ. *Pilato gɔɔn né pà Yuda ngie: Afùɔ gẅi wɛ.

Ŋwà’ne Jâŋ 19:41

Etsɔ́ nká’ laa ngʉ̀ŋe jʉ’ gie mé la kime Yěsô ná tÿǒ nkǐ wó. Etsɔ́ lesyè se sẅé gwɔ́ tsɛ̀ɛ nká’ áwɛ̌, mbà mé laa zɔɔn ńnéŋe nyìŋ tsoló wɔ́.

Kolosia 2:12

Á laa fʉ̀’ gie mé la nu’u gẅi tsɛ̀ɛ ntse, mé laa pú’u, ńdɔgɔ ḿbúte gẅia Kristo ńnéŋe tsɛ̀ɛ lesyè, pia pɔ́ gíŋe ḿbúte ńzíme nà legwé, á nue pi zẅǐŋ ngie e Ssé gẅie à la zíme Yěsô ná legwé, à gẅiin tʉ̀ lélɔg ńgÿo pi zím gí nà legwé.

1 Korento 15:4

Mé la ńnéŋe yé tsɛ̀ɛ lesyè, á gwaa gwɔ́ lyɛ̌’ sétá á zíme nà legwé, pá’ ŋwà’ne Ssé la tʉ́ njÿó ńgɔɔn.

Megàŋ ntúm 13:29

Pɔ́ kéen ńgwɔ́ tà ḿbú ńgÿo kɔ̀ɔkɔ́ɔ gie mé la ŋwe’e tsɛ̀ɛ ŋwà’ne Ssé ńtí yé Yěsô, pɔ́ gÿo mé fó nà tÿǒ nkǐ ésẅé’e yé, ńnéŋe tsɛ̀ɛ lesyè.

Ŋwà’ne Jâŋ 19:20

Ajʉ’ gie mé la kime Yěsô wó laa ngʉ̀ŋe tÿǒsoŋo Yerósalem. Pà Yuda tà ńgyɔ́ɔn ne ńcʉa jʉ’ó ńtóŋo mmó gie mé ŋwe’é. Á gwɔ́ ná shwóŋè pà Heber, ńgwɔ́ ná shwóŋè pà *Roma mbɔɔ ná shwóŋè pà Gelekia.

Matio 12:40

Ndʉŋ ndʉŋ pá’ Jonase la ńnéŋe tsɛ̀ɛ lepfòm máamáa ssó é lyɛ̌’ tá la; *Míŋ Nyìŋ ge lá’ gÿo yé lyɛ̌’ tá tsɛ̀ɛ tsetsá’.