Ŋwà’ne Jâŋ 19:40 - Nouveau Testament en Ngienboum

⁴⁰ Pɔ́ Yesyɛ̂b lêen ńké ńkaa pfó Yěsô, ńne ńkemte laméndɔ́ɔn mǒ, ńdɔgɔ shúm nzsǒ ńzémte, pá’ pà Yuda lɔ́ɔn ńgwɔ le’e pfó nyìŋ, ńgÿo pú’u.

Ŋwà’ne Jâŋ 19:40 Referans Kwoze

Ŋwà’ne Jâŋ 11:44

Ampfó kẅɛ. Mbà mé ka lɔg shúm nzsǒ ńzém mekwò mé mbàa mbwó mé, lâ shÿó wé. Yěsô gɔɔn né pɔ́b ngie: Pi kyɛ́’te yé, ńkyɛɛ yé ńnyé à gʉa.

Megàŋ ntúm 5:6

Á gwaa gwɔ́, mbà á ně ńkwé pú’u, pûɔ ngwàshùm tó ńdɔgɔ pwó nzsǒ ńzémte pfó yé, ńkaa yé ńgʉa ńtúŋ,

Lukase 24:12

Tá’, Piɛ lu ssé, ńkÿote tà ńkúu jʉ’ ye lesyè, ńŋwe’e ssé, ńgyá pɔ́ ndà’ shúm nzsǒ sie mé la lɔg ńzémte pfó Yěsô, ńgwɔ piŋ, á giŋe ńkʉ’ʉ yé, à tè ne ńzsé mmó gie á cʉ̌a wɔ́.

Matio 26:12

Manzwě wɔɔn lɔgɔ yɔɔn làméndɔ́ɔn ńzɔ́’ɔ mbùm yɔ̀ɔn, ńdɔgɔ ńtʉ́ʉ njÿó ńzɔ́’ɔ wɔ̀ɔn tá mé taa ńnéŋe wɔ̀ɔn lesyè.

Malékuse 14:8

Manzwě wɔɔn gÿǒ yé mmó gie à ku’u légÿo, ńtʉ́ʉ njÿó ńdɔgɔ laméndɔ́ɔn ńzɔ́’ɔ wɔ̀ɔn, tá mé táa ńnéŋe wɔ̀ɔn tsɛ̀ɛ lesyè.

Ŋwà’ne Jâŋ 12:7

Yěsô leen ńké ńgɔɔn ngie: Nyé manzwě wɛ̂ pɛ́’ɛ̀, nyé yé, à tʉ́ njÿó ńzɔ́’ɔ pfó yɔ́ɔn, tá mé gÿo ńnéŋe wɔ̀ɔn tsɛ̀ɛ lesyè.