Ŋwà’ne Jâŋ 19:30 - Nouveau Testament en Ngienboum

³⁰ Á sẅíte ńgɔɔn ngie: Ayɔ́ɔn fà’ magá, ńdeen ńké ńcʉ́ŋe twó yé, ńkwé.

Ŋwà’ne Jâŋ 19:30 Referans Kwoze

Ŋwà’ne Jâŋ 17:4

N ka gÿo mé gyá legú’ gù ndùmo ssé tsetsá’. Mèŋ m magá fà’ gie ɔ̀ ka náa mbwo mèŋ.

Filipo 2:8

À la zẅíŋe lésẅí’i mbùm yé ńnáa ssé, ḿbiŋ ńzẅíŋe lé jú’ ncwò Ssé, tà mé kíme yé nà tÿǒ nkǐ, á kwé.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Ŋwà’ne Jâŋ 10:11

Mbyɛ̀b mvfó we mbòŋo à gwɔ́ pɔ́ mèŋ. Ambyɛ̀b mvfó we mbòŋo, à náa twó yé ńtí *njʉ̀njÿò yé.

Lukase 23:46

Yěsô ńnéŋe nà tÿǒ nkǐ, tà ńga’te lê ngyè tetʉ́ʉ, ńgɔɔn ngie: Tá wɔ̀ɔn, mèŋ n nyě zẅìge yɔ́ɔn, á nà mbwo mú, ńgɔɔn pú’u, ńdeen ńké ńcʉ́m.

Roma 10:4

Kristo la zɔɔn ńtó, nkẅɛ̌ ndá *lepʉ̌ lɔg ḿbumte. Pú’u, nyìŋ záb ntʉ́m ná Kristo tá e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Ŋwà’ne Jâŋ 19:28

Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Malékuse 15:37

Tá’, Yěsô ga’te ngyè tetʉ́ʉ, ńcʉ́m.

Ŋwà’ne Jâŋ 10:18

Atsɔ̌ nyìŋ zɔɔn tè ku’u lézẅé wɔ̀ɔn mɔ́, mèŋ n zɔ kwoŋo náa twó yɔ́ɔn. Mèŋ n ku’u léná, ḿbiŋ ńgíŋ ńkẅé. Áa mmó gie tá wɔ̀ɔn la tsẅi ngie mèŋ n gÿo.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Matio 27:50

Yěsô gíŋe ńga’te nê ngyè tetʉ̀ ndeen ńcʉ́m.

Heber 9:22

Mé lɔɔn ńdíe nà ntí ye *lepʉ̌ Mǒsê, mbà ńgwɔ́ mé gɔɔn ngie mé lɔg metse menɔ̀ɔn, ésɔgɔ *lɔ̌’ ná lelÿò shúm. Mé piŋ ńzsé ngie: Mé lɔɔn ńké tè pfɛte metse wɔ́, e Ssé ké le mefʉa pʉ̀a mesoŋ lege.

Roma 3:25

E Ssé ka lɔgɔ́ yé ńnuŋe pwɔ́’ pá’ metse mé ge sɔg menò tepòŋ pʉ̀a pie pɔ́ záb ntʉ́m ná yé Kristo. Pá’ nyìŋ la gẅiin lékwé ná menò tepòŋ pʉ̀a la, á lɔgɔ ńnyɛɛ ngie e Ssé gÿo menò mé ndʉŋ ndʉŋ. Á kaa tsɔ́ fʉ̀’, pʉ̀a mesoŋ ne ńgÿo nò tepòŋ, yé Ssé gÿo pɔ́ pá’ fʉ̀’ gie à tè ne ńgyá wɔ́ la.

Matio 3:15

Tá Yěsô tsɔ́’ɔ mbwo yé ngie: Zẅíŋ ngie á gwɔ́ pú’u, fʉ̀’ɔɔn, mélà’mie pɔ́gɔ lɔɔn ńgÿo pú’u, tá á lɔgɔ ńgwɔ́ mmó gie e Ssé né ńzɛ́te. Jâŋ leen ńké ńzẅíŋ,

1 Korento 5:7

Pi kẅile *mvòŋ nzẅìŋe mà tsetsɛ̀ɛ pi, ńzsé ngie pi ge gwɔ́ té *lɔ̌’. À fó pú’u, pi gwɔ́ feléwa ntsab gie á nyé pɔ́ ye sẅé, té tsɔ̌ *mvòŋ mǒ. Pi kéen ńzɔɔn ńdá’ ńgwɔ́ pú’u, á nue mé lá lɔgɔ Kristo ńnuŋe pwɔ́’, á gwɔ́ pá’ wege mûɔ *njʉ̀njÿò línɔ́ɔn *Páskà la.

Lukase 22:37

Mèŋ n gɔɔn pá’ɔɔn, anò gie mé la ŋwé’e ńtí wɔ̀ɔn ne ńgee mbumté. Mé la ŋwe’e ngie: Mé ge lá’ sáŋa yé nùɔ mefÿɛ́. Akɔ́ɔkɔ́ɔ ké ńgwɔ́ pá’ɔɔn ńzye zye lépumte.