Ŋwà’ne Jâŋ 19:28 - Nouveau Testament en Ngienboum

²⁸ Mɔɔn menò la tɔ́g, Yěsô zsé fʉ̀’ɔɔn ngie akɔ́ɔkɔ́ɔ kǔ’, ńgɔɔn ngie: Agág yɔ́ɔn shÿǒ, ńgɔɔn pá’ɔɔn légwɔ́ gie mmó gie mé la ŋwe’e tsɛ̀ɛ ŋwà’ne Ssé ge pumte.

Ŋwà’ne Jâŋ 19:28 Referans Kwoze

Ŋwà’ne Jâŋ 19:30

Á sẅíte ńgɔɔn ngie: Ayɔ́ɔn fà’ magá, ńdeen ńké ńcʉ́ŋe twó yé, ńkwé.

Lukase 22:37

Mèŋ n gɔɔn pá’ɔɔn, anò gie mé la ŋwé’e ńtí wɔ̀ɔn ne ńgee mbumté. Mé la ŋwe’e ngie: Mé ge lá’ sáŋa yé nùɔ mefÿɛ́. Akɔ́ɔkɔ́ɔ ké ńgwɔ́ pá’ɔɔn ńzye zye lépumte.

Ŋwà’ne Jâŋ 19:24

Palÿɔ́’ ncù gɔɔn tsetsɛ̀ɛ pɔ́b ngie: Tà pege shʉa yɔɔn. Pege tyéente, nyìŋ gẅie à jÿǒ, pege náa mbwo yé. Á lɔgɔ ḿbumte ná nò gie mé la ŋwe’e tsɛ̀ɛ ŋwà’ne Ssé ngie: «Pɔ́ ně ńgabte menzsǒ mɔ́ɔn tsetsɛ̀ɛ pɔ́b, ḿma’a tyèente nà nzsǒ yɔ̀ɔn ye lÿò». Yɔɔn áa mmó gie pàlÿɔ́’ ncù la gÿo.

Lukase 18:31

Yěsô fâg *ngàŋa kwò yé ntsɔ̀b pʉ́a nê legém, pâ pɔ̌ tyé, á gɔɔn né pɔ́b ngie: Pi jú’ mboŋó, pege ee mánzsè ńne ḿbʉʉ né Yerósalem pá’ɔɔn, é kúu wó, akɔ́ɔkɔ́ɔ gie *pàntsẅi nkʉ̀ Ssé la ŋwe’e ńtí *Míŋ Nyìŋ wɔ́ à pumte.

Ŋwà’ne Jâŋ 18:4

Yěsô zsé nò gie á ne ńtóo ná yé, ésẅɛ’te nnɛ́ né mvfò pɔ́b ńgɔɔn ngie: Pi fa’a wɔ́?

Ŋwà’ne Jâŋ 13:1

Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.

Megàŋ ntúm 13:29

Pɔ́ kéen ńgwɔ́ tà ḿbú ńgÿo kɔ̀ɔkɔ́ɔ gie mé la ŋwe’e tsɛ̀ɛ ŋwà’ne Ssé ńtí yé Yěsô, pɔ́ gÿo mé fó nà tÿǒ nkǐ ésẅé’e yé, ńnéŋe tsɛ̀ɛ lesyè.

Lukase 9:31

Mbà pɔ́ lɔgɔ́ shéshÿɔ́g Ssé ńtó, pâ Yěsô ne shwóŋó nò nà nzsè Yerósalem, pá’ à ge tóo wó kwé.

Lukase 12:50

Á ne ńzɛ́te ngie mé gÿo ńnu’u wɔ̀ɔn tsɛ̀ɛ ngɔ́’ pá’ mé nu’u nyìŋ ntse la. Yɛ̌ lyɛ̌’ lɔɔn ńdá’ ńnyé té tɔ́g, mèŋ n de mboŋó jú’!

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 17:4

N ka gÿo mé gyá legú’ gù ndùmo ssé tsetsá’. Mèŋ m magá fà’ gie ɔ̀ ka náa mbwo mèŋ.

Ŋwà’ne Jâŋ 19:36

Mɔɔn menò lɔ́ɔn ńcʉate pá’ɔɔn pá’ mmó gie mé la ŋwe’e tsɛ̀ɛ ŋwà’ne Ssé ge pumte. Mé la ŋwe’e ngie: «Mé la tè pwɔ́’ɔ tsɔ́ kẅǐ mbùm yé wɔ́».