Ŋwà’ne Jâŋ 19:14 - Nouveau Testament en Ngienboum

¹⁴ Á gwɔ́ lyɛ̌’ gie mé cwoŋte línɔ́ɔn *Páskà, ńgwɔ́ mmó tsɛ̀ɛ zsǒ. *Pilato gɔɔn né pà Yuda ngie: Afùɔ gẅi wɛ.

Ŋwà’ne Jâŋ 19:14 Referans Kwoze

Matio 27:62

Njÿó gÿo ńdʉ́a, á gwɔ́ lyɛ’ɛ́ nzsè Ssé gie mé kaa yetsɔ́ lyɛ̌’ ne ńnyɛte la. *Metándá pànùŋe pwɔ́’ lâ pà *farisay pú ńcú’te mbʉ̀a *Pilato,

Ŋwà’ne Jâŋ 19:5

Yěsô leen ńké ńgwaa kẅɛ, ńtɔ’ɔ cÿɔ́’ɔ menzóŋ, ḿma’a paŋ nzsǒ. *Pilato gɔɔn né mekěm pà Yuda ngie: Nyìŋ ŋwɛ́ wɛ̂.

Ŋwà’ne Jâŋ 19:42

Pá’ pà Yuda la ne ńnyɛte mbùm yɔb ńtí lyɛ’ɛ́ nzsè yɔ́b la, zà’ ne ńcʉa, mé kaa pfó Yěsô ńdɔg ńgʉa ńnéŋe tsɛ̀ɛ lesyè ŋwɛ́. Á nue é la gwɔ́ pɔ́ ngʉ̀ŋe jʉ’ó.

Malékuse 15:25

Pɔ́ lɔ́ɔn ńkime yé nà tÿǒ nkǐ pú’u, ná nèm lepfwɔ’ɔ́ mba’ámba’.

Ŋwà’ne Jâŋ 19:3

Ńne sẅɛ́’te nnɛ́ ńtóo lejʉ́ŋ yé, ésíe yé ngie: Mé tsyɛ’té fùɔ pà Yuda! Ńtéme mbwó metuŋó yé.

Lukase 23:54

À lɔ̌ɔn ńnéŋe pú’u mbÿɛ̀ njÿó Faladé, mé ne ńtaŋte nnɛ́ pá’ lyɛ’ɛ́ nzsè yɔ́b ne ńgee nzyě.

Malékuse 15:42

Á gÿo ńgwɔ́ ncwò nzém, atsɔ̌ ndÿò tó. Lezíŋ sé gwɔ́ le Yesyɛ̂b. Á gwɔ́ nyìŋ Arimaté. À laa yé nyìŋ nà nùɔ pàsá’a lá’, ńgwɔ́ nyìŋ mé gÿo mekù’ mé tɛ’. Á ńnéŋe yé ńne ḿbyɛ́bɛ fʉ̀’ gie Ssé yé máŋwɛ́ zɔ ge cʉ́’ʉ sá’a njÿó. Pá’ á la gwaa gwɔ́ mé ne ńtáŋte nnɛ́ tá *lyɛ’ɛ́ nzsè pà Yuda zye mbÿɛ̀ njÿó ŋwɛ́ la, Yesyɛ̂b ŋwɛ́ shÿɔg, ńgʉa ńgyá *Pilato, ńdúɔ pfó Yěsô légʉa ńde’e.

Matio 27:45

Tsɛ̀ɛ zsǒ la gwɔ́ tà ńku’, ejʉ’ ntsèm tsɛ̀ɛ ngwòŋ pú síŋ, tà ńdá’ ńkúu ná nèm tá mbÿɛ̀ njÿó.

Lukase 23:44

Tsɛ̀ɛ zsǒ gÿo ńku’, nèm pyé, nzěm pú síŋe tsɛ̀ɛ ngwòŋ ntsèm tà ńkúu ná nèm tá mbÿɛ njÿó.