Ŋwà’ne Jâŋ 18:28 - Nouveau Testament en Ngienboum

²⁸ Mé fóo nɔ’ɔ Kaifa, ńdɔgɔ Yěsô ńgʉa né mbʉ̀a ngúmnɔ́ɔn Pà *Roma. Á gwɔ́ mba’ámba’. Mekěm pie pɔ́ lɔgɔ́ Yěsô ńtó ké tè yɔ́b ndá ngúmnɔ́ɔn kú, ḿbɔ́gɔ lékaa *lɔ̌’, á tɔ’ɔ wɔ́b léjÿó línɔ́ɔn *Páskà.

Ŋwà’ne Jâŋ 18:28 Referans Kwoze

Ŋwà’ne Jâŋ 19:9

MÀbiŋe ndá, ńzɛ́te Yěsô ngie: Ɔ̀ɔ nyìŋ zsɔ̌? Tá Yěsô fó tè tsɔ́b.

Ŋwà’ne Jâŋ 18:33

*Pilato leen ńké ḿbiŋe ndá, ńgÿo Yěsô tó, á zɛ́te yé ngie: Ɔ̀ɔ fùɔ pà Yuda lá?

Ŋwà’ne Jâŋ 19:14

Á gwɔ́ lyɛ̌’ gie mé cwoŋte línɔ́ɔn *Páskà, ńgwɔ́ mmó tsɛ̀ɛ zsǒ. *Pilato gɔɔn né pà Yuda ngie: Afùɔ gẅi wɛ.

Matio 27:27

Pàlÿɔ́’ ncù pà *Roma leen ńké ńdɔgɔ Yěsô ńgʉa mbʉ̀a Ngúmnɔ́ɔn, pɔ́b metsèm cú’te ńkéle yé ńnéŋe soŋ,

Megàŋ ntúm 3:13

Á gwɔ́ pɔ́ ngie e Ssé Ábalam, ńgwɔ́ Ssé Esâg, mbɔɔ yé Yakwɔ́b, ńgwɔ́ Ssé pàmangʉa njʉ’ pégè, kéen náa legú’ á mbwo ngàŋa fà’ we Yěsô. Mbà pi ka sẅíŋe yé mbwo pàsá’a lá’, ḿmoŋe yé mvfò *Pilato. Tá, mbà à la ŋag ntsaŋ ye tà ńzáb ngie mé nyé yé.

Ŋwà’ne Jâŋ 11:55

Alínɔ́ɔn Páska pà Yuda la ne ńtóo, lelÿò pà Yuda ne fóo tsɛ̀ɛ lá’ ńtʉ́ʉ njÿó ḿvɔgɔ Yerósalem, á lésɔg *melɔ̌’ ná pɔ́b.

Megàŋ ntúm 11:3

Ɔ̀ ka kúu ndá pʉ̀a pie mé la té wɔ́b pú’ tà pia pɔ̌ fó ńjÿó mbɔɔ shúm léjÿó.

Megàŋ ntúm 10:28

Á gɔɔn né pɔ́b ngie: Pi ne ńzsé gí ngie *lepʉ̌ pà Yuda tɔ’ɔ nyìŋ wɔb légwɔ́ shǔ nyìŋ lá’a ndyɛ̀’ɛ. Tà ḿbʉ́ mbɔɔ yé lékúu ndá yé. Tá’, e Ssé ka nyɛɛ wɔ̀ɔn tsɔ́ mmó. À ka nyɛɛ wɔ̀ɔn ngie mèŋ n te gẅiin lékʉ́e tsɔ̌ nyìŋ ngie à gẅiin *lɔ̌’ tà á ne ńzɛ́te ngie mèŋ n dÿɔ́’te yé wɔ́.

Ŋwà’ne Jâŋ 18:39

Tá’, pá’ aa mà mbwo pege légwɔ́ fʉ̀’e línɔ́ɔn *páskà, ńtsɔ́’ɔ tà’ ngàŋa tsǎŋ la, pi kwǒŋ ngie mèŋ n tsɔ́’ɔ fùɔ pà Yuda ńná né pi?

Lukase 22:66

Njÿó gÿo ńgwɔ́ tà ńdʉ́a, melÿò tsɛ̀ɛ lá’ pâ *mentá ndá pànùŋe pwɔ́’, mbɔɔ *pàkyàgte lepʉ̌ Mǒsê cú’te, ńtsẅí mé lɔ́gɔ Yěsô ńtóo mvfò pɔ́b.

Malékuse 15:16

Palÿɔ́’ ncù lɔgɔ Yěsô ńgʉa ńkúu gyɛ̌, ḿbú ńcú’te yetsɔ́ ngàŋa nùɔ wɔ́b métsèm.

Ŋwà’ne Jâŋ 18:13

Pɔ́ kwɛ́ɛ Yěsô pú’u, ńdɔgɔ yé ḿvɔg ńgʉa nɔ’ɔ Ánnɔ́ɔn. Ánnɔ́ɔn gwɔ́ pú’u, ńgwɔ́ tákẅì’ Kaifa gẅie à laa ngù’ áyɛ̌, ńgwɔ́ tándá pànuŋe pwɔ́’.

Ŋwà’ne Jâŋ 18:15

Símo Piɛ pɔ́ tsɔ̌ *ngàŋa kwò Yěsô la zse nzèm Yěsô. Pá’ Tándá pànuŋe pwɔ́’ la ne ńzsé wɛ̌ *ngàŋa kwò Yěsô la, mé gwaa lɔgɔ Yěsô tɔ́g né tsɛ̀ɛ nɔ’ɔ tándá pànuŋe pwɔ́’, á gwɔ́ yé pɔ́ nzèm.

Ŋwà’ne Jâŋ 19:11

Yěsô tsɔ́’ɔ mbwo yé ngie: E Ssé lɔɔn ńnyé té ńná metʉ̀ mbwo gù, ɔ́ le ku’u légÿo tsɔ́ mmó ná mèŋ wɔ́. Áa mmó gie á ka gÿo tá nyìŋ gẅie à ka sẅiŋe wɔ̀ɔn mbwo gù, à yé nò tepòŋ cʉa jú.

Megàŋ ntúm 4:27

Áa kwà’ nò. *Herôd pɔ́ Ponte *Pilato kéen ńcú’te á tsɛ̀ɛ tÿǒsoŋ yɔɔn pâ pàtúm tà mbɔɔ tsɔ́ metsìŋe ndá Israel, ńcú’te pú’u, lélÿɔ́’ɔ Yěsô, á ngàŋa fà’ gù gẅie ɔ̀ la tsɔ́’, ńzɔ́’ɔ yé.

Megàŋ ntúm 10:32

Túm pʉ̀a, pɔ́ gʉa Jope, ńgÿo Símo gẅie mé gíŋe ńtóŋo yé lê Piɛ tó. À tsẅe ndá Símo gẅie yé fà’ aa lényɛte megùb menɔ̀ɔn, ndá ŋwɛ́ gwɔ́ ngʉ̀ŋe ntse té pàa.