Ŋwà’ne Jâŋ 18:10 - Nouveau Testament en Ngienboum

¹⁰ Símo Piɛ gẅie à la gẅiin nně ncù leen ńké soŋ nně mbʉ́a, ńdɔg ńcúa ngàŋa fà’ tándá pànuŋe pwɔ́’, ńjúa letuŋó sé se pwó tʉ̀. Lezíŋ nyìŋ áwɛ̌ laa le Malkus.

Ŋwà’ne Jâŋ 18:10 Referans Kwoze

Malékuse 14:47

Atsɔ̌ tà’ ná pʉ̀a pie pâ Yěsô ke ńgwɔ́, á soŋ nně ncù mbʉ́a, ḿma’ lélɔg ńkɔ́’ɔ ngàŋa fà’ *tándá pànùŋe pwɔ́’, é kẅɛ́te letuŋó sé, ńjúa.

Ŋwà’ne Jâŋ 18:26

Atsɔ̌ tà’ ngàŋa fà’ *Nùŋe pwɔ́’ we lÿò, ńgwɔ́ fɛ́ nyìŋ wá gẅie Piɛ ka júa letuŋó sé la, á gɔɔn né Piɛ ngie: Mèŋ n ka tè gyá gẅi lâ pɔ̌ tsɛ̀ɛ nká’ wáa?

Lukase 22:33

Piɛ gɔɔn ngie: Andè, á lɔɔn ńgwɔ́ pɔ́ lekǔ tsǎŋ, mbà aa pɔgɔ, ńtó fó ńgwɔ́ pɔ́ legwé, mbà aa pɔgɔ.

Malékuse 14:30

Yěsô tsɔ́’ɔ mbwo yé ngie: Tà mèŋ n ké shwóŋó gú, kwà’ nénʉ́, mênkɔ́’ ge gÿo gwaa ye à toŋo tǒŋ lêtsẅɛ́’ lyɛ̌’ɔɔn ngʉ̀a mbʉ́a, mbà ɔ̀ moŋé wɔ̀ɔn ngʉ̀a ntá.