Ŋwà’ne Jâŋ 17:9 - Nouveau Testament en Ngienboum

⁹ Mèŋ n gee pá’ɔɔn ésẅíŋte gú nà twó sɔ́b, mèŋ n těen sẅíŋte gú nà twó pʉ̀a tsɛ̀ɛ njÿó wɔ́, mèŋ sẅíŋte gú pɔ́ nà twó pʉ̀a pie ɔ̀ la náa mbwo mèŋ, pɔ́ ée kwà’ pʉ̀a pú.

Ŋwà’ne Jâŋ 17:9 Referans Kwoze

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Ŋwà’ne Jâŋ 17:20

Mèŋ n tě sẅíŋte gú pɔ́ ndà’ nà twó sɔ́b wɔ́, mèŋ sẅíŋte gú mbɔɔ nà twó pʉ̀a pie pɔ́ ge gÿo cʉa nà shwóŋè yɔ́b, é záb ntʉ́m ná mèŋ.

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

Ŋwà’ne Jâŋ 14:16

Mèŋ n dêen ńké sẅíŋte Tá wɔ̀ɔn, à náa wetsɔ̌ Ntàg Nzèm né pi, á gẅie pi lâ pɔ̌ zɔ ge cʉ́’ʉ gwɔ́ fʉ̀’ ntsèm.

Ŋwà’ne Ngyà jʉ’ 20:15

Wɔ̌wɔ́ɔ gẅie mé la tè gyá lezíŋ sé tsɛ̀ɛ ŋwà’ne gie mezíŋ pʉ̀a pie pɔ́ gẅiin le gwɔ́ tèmì ée tsoló wɔ́, mé ma’a yé tsɛ̀ɛ lepÿé mmɔ̌g.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Lukase 8:34

Epʉ̀a pie pɔ́ la ne ḿbyɛ́bɛ mekúnɔ́ɔn gyá pú’u, ńtága ńkÿo, ńgʉa ńdɔgɔ yɔɔn nò saa jʉ’ tsɛ̀ɛ tÿǒsoŋ mbɔɔ tsɛ̀ɛ melá’.

Lukase 23:34

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Ŋwà’ne Jâŋ 6:39

Ammó gie nyìŋ gẅie à la túmo wɔ̀ɔn ne ńkwoŋo, á gwɔ́ pɔ́ ngie tà mèŋ n cʉ́’ tà tsɔ̌ tà’ nà pʉ̀a pie à la náa mbwo mèŋ pyé. À lyɛ’ɛ́ lá’ nzsò nzèm lá’ ńgwɔ́, mèŋ n zíme wɔ́b nà legwé.