Ŋwà’ne Jâŋ 17:7 - Nouveau Testament en Ngienboum

⁷ Pɔ́ ée fʉ̀’ɔɔn ńne ńzsé ngie, à kɔ̀ɔkɔ́ɔ gie ɔ̀ la náa mbwo mèŋ wɔ́, fóo mbwo gù.

Ŋwà’ne Jâŋ 17:7 Referans Kwoze

Ŋwà’ne Jâŋ 16:15

Akɔ́ɔkɔ́ɔ gie áa mbwo Tá wɔ̀ɔn áa yɔ́ɔn. Áa mmó gie á gÿǒ, tá mèŋ n gɔɔn ngie: Zẅìge Ndʉalʉ̌a ge gÿo jú’u shwóŋè yɔ́ɔn, é tó shwóŋó gẅí.

Ŋwà’ne Jâŋ 17:10

Akɔ́ɔkɔ́ɔ gie áa mbwo mèŋ áa jú. Ndʉŋ ndʉŋ pá’ akɔ́ɔkɔ́ɔ gie áa mbwo gù áa yɔ́ɔn. Pɔ́b pɔɔn zɔ̌ ne ńgÿo mé gyá wɔ̀ɔn legú’.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

Ŋwà’ne Jâŋ 14:20

À gwɔ́ lyɛ̌’ó, pi zsé ngie peg Tá wɔ̀ɔn pǔ ńgwɔ́ pɔ́ tà’a mmó, é gíŋe zsé ngie pi ee nê mèŋ, mèŋ n gwɔ́ ntʉ́m pi.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.