Ŋwà’ne Jâŋ 17:21 - Nouveau Testament en Ngienboum

²¹ Mèŋ sẅíŋte gú ngie ɔ̀ gÿo pɔ́b metsèm gwɔ́ tà’ nyìŋ, pá’ gù Tá wɔ̀ɔn ɔ̀ temte ná mèŋ, mèŋ n temte ná gù. Tsétsɔ’, gÿo peg lâ pɔ̌ pú ńgwɔ́ tà’. Tá pʉ̀a tsɛ̀ɛ njÿó zẅíŋ ngie ɔ̀ la túmo wɔ̀ɔn.

Ŋwà’ne Jâŋ 17:21 Referans Kwoze

1 Korento 12:12

Ndʉŋ ndʉŋ pá’ mbùm nnɛ́ e gwɔ́ pɔ́ tà’ la, tà mbɔɔ pá’ e gẅiin mekèm mbùm tà é gyɔ́ɔn gyɔ̌ɔn la, mekèm mbùm tsɛ ńgyɔ́ɔn tɛ’ tá’, ńké ńcú’te ńgwɔ́ pɔ́ tà’ mbùm nnɛ́ la, á gíŋe ńgwɔ́ pɔ́ pú’u, ná Kristo.

Ŋwà’ne Jâŋ 17:11

Áa nà fʉ̀’ɔɔn, á cʉ́’ʉ méjʉ’, ń de gíŋe ńgwɔ́ tsɛ̀ɛ njÿó wɔ́, á nue mèŋ n ge piŋ ne lejʉ́ŋ gù. Tá ńgʉa ná pɔ́b, mbà pɔ́ ké ńnyé ńgwɔ́ pɔ́ tsɛ̀ɛ njÿó. Tá wɔ̀ɔn ée ndà’ gú ńgwɔ́ Ssé, lɔg metʉ̀ mú, é metʉ̀ mie ɔ̀ la náa mbwo mèŋ la, ḿbyɛ́bɛ wɔ́b, ńzsé ngie pɔ́ ge gwɔ́ tà’ nyìŋ ndʉŋ ndʉŋ pá’ pɔgɔ ée tà’ nyìŋ la.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

Ŋwà’ne Jâŋ 13:35

Pi lɔɔn ńkwoŋe pi né pi, mbà mânyìŋ ntsèm ge zsé ngie pi ee *ngàŋa kwò yɔ́ɔn.

Megàŋ ntúm 4:32

Anùɔ pʉ̀a Yěsô lɔ́ɔn ńgẅiin pɔ́ tà’ ncwò, ńgẅiin pɔ́ tà’ ntʉ́m. Atsɔ̌ nyìŋ ná pɔ́b lɔ̌ɔn tě ńgẅiin mmó ngie á gwɔ́ pɔ́ yé wɔ́. Pɔ́ lɔ́ɔn ńteme shúm tem.

Ŋwà’ne Jâŋ 17:8

N kéen ńké ńtsẅi menò ntsèm mie ɔ̀ la cʉ́me mbwo mèŋ á mbwo pɔ́b, pɔ́ zẅíŋ, ńcwoŋe ńzsé ngie mèŋ fóo lejʉ́ŋ gù, ńgíŋe ńzsé ngie gù zɔ la túmo wɔ̀ɔn.

Ŋwà’ne Jâŋ 10:38

Tá ńgwɔ́ gie mèŋ n dɔɔn fa’, á fó ńgwɔ́ gie pi tè záb ntʉ́m ná mèŋ wɔ́, pi zẅíŋ mefà’ ŋwɛ́. À cʉa pú’u, pi leen ńké ńzsé mboŋó ngie Tá wɔ̀ɔn aa né mèŋ, mèŋ n gwɔ́ né yé.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

Roma 12:5

Á gíŋ ńgwɔ́ pɔ́ ndʉŋ ndʉŋ ná pá’ pege gwɔ̌ tà ńgyɔ́ɔn gyɔ́ɔn tá’, ńdɔg pá’ pege la nnɛ́ ná Kristo, ḿbú ńcú’te ńtsẅé’e ná tà’ nyìŋ, pá’ mekèm mbùm pú ńtemte, yɛ̌ wɔ́ ne ńtóonte yetsɔ́ la.

1 Jâŋ 5:7

é lɔgɔ ńgwɔ́ menò méntá mie é la’te wégè nò ná Yěsô.

Megàŋ ntúm 2:46

Á lɔ́ɔn ńgwɔ́ ngwòŋ lyɛ̌’ ntsèm, lelè’e wɔ́b gwɔ́ ngie pɔ́ cú’te *jʉ’ʉ Ssé. Pɔ́ kúu mendá ḿbute ḿpfɛ́ shúm, ńjyó shúm lejÿo pɔ́ nê lekág. Wɔ̌wɔɔ gẅiin pɔ́ ntʉ́m mbòŋo.

Ŋwà’ne Jâŋ 17:25

Tá wɔ̀ɔn, ɔ́ɔ nénʉ́, tá pʉ̀a tsɛ̀ɛ njÿó ka tè gú zsé, mèŋ n kě ńne ńzsé gú, pɔɔn pʉ̀a kéen ńzsé ngie gù zɔ la túmo wɔ̀ɔn.

Ŋwà’ne Jâŋ 10:16

N giŋé ńgẅiin tsɔ́ *menjʉ̀njÿò mie é té tsɛ̀ɛ nká’ wɔɔn wɔ́. Á ně ńzɛ́te ngie mèŋ n gʉa ńdɔgɔ wɔ́b ńtó. Pɔ́b yɔ́b ge gÿo jú’ ngyè yɔ̀ɔn, à cʉa pú’u, nùɔ njʉ̀njyò gwɔ́ yémɔ’ɔ́, ambyɛ̀bɛ gwɔ́ wémɔ’ɔ́.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 17:18

Pá’ ɔ̀ la túmo wɔ̀ɔn tsɛ̀ɛ njÿó la, mbɔɔ mèŋ yɔ́ɔn n túmo wɔ́b tsɛ̀ɛ njÿó.

Ŋwà’ne Jâŋ 11:42

Mèŋ n kɔ’ɔ́ ńne ńzsé ngie, n gɔɔn nò fʉ̀’e kɔ́ wɔ́, ɔ̀ jú’ ngyè yɔ̀ɔn. Tá’ mèŋ n gɔɔn pá’ɔɔn ńtí pɔ́ pʉ̀a pie pɔ́ tyéte lejʉ́ŋ mèŋ lɔɔn, ńgie pɔ́ zẅíŋ ngie gù zɔ la túmo wɔ̀ɔn.

Ŋwà’ne Jâŋ 17:20

Mèŋ n tě sẅíŋte gú pɔ́ ndà’ nà twó sɔ́b wɔ́, mèŋ sẅíŋte gú mbɔɔ nà twó pʉ̀a pie pɔ́ ge gÿo cʉa nà shwóŋè yɔ́b, é záb ntʉ́m ná mèŋ.

1 Korento 6:17

Tá’, nyìŋ gẅie à laa ye nɛ́ pɔ́ nà Cʉ̀apʉ̀a, pɔ́ yé cʉ́’ ńgẅiin pɔ́ tà’a Zẅìge.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

Malékuse 3:24

Epʉ̀a tà’a lá’ lɔɔn sele ńdÿɔ́’ ncù tsetsɛ̀ɛ pɔ́b, mbà yɛ̌ lá’ ge pyé.

Ŋwà’ne Jâŋ 13:32

Pá’ *Míŋ Nyìŋ ka nǎ legú’ mbwo Ssé la, E Ssé lê twó mbùm yé ge gÿo náa legú’ mbwo yé, tà á cʉ́’ pɔ́ méjʉ’ à ná.