Ŋwà’ne Jâŋ 16:33 - Nouveau Testament en Ngienboum

³³ Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 16:33 Referans Kwoze

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

1 Jâŋ 5:4

Á nue wɔ̌wɔ́ɔ gẅie aa míŋ Ssé, à tʉ̌ ńcʉa kɔ̀ɔkɔ́ɔ gie á táte yé tsɛ̀ɛ njÿó. Ammó gie á gÿo pege tʉ ńcʉa njÿó, áa pá’ pege záb ntʉ́m ná Yěsô Kristo.

2 Tesalonika 3:16

Cʉ̀apʉ̀a gẅie à ńnéŋe sẅétè ntʉ́m pʉ̀a, yé lê twó yé zɔ ne ńnéŋe sẅétè ntʉ́m pi fʉ̀’ ntsèm, á nà meshÿó ntsèm. Cʉ̀apʉ̀a ne ńgwɔ́ né pi metsèm.

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

Filipo 4:7

Pi ge gÿo pú’u, e Ssé náa sẅétè gie nyìŋ mesoŋ tè zsé pá’ á gwɔ́ wɔ́ né pi. Yɛ̌ sẅétè pyɛ́bte mentʉ́m mí, nê nkwaŋá gẅí, ńgÿo é tyé pɔ́ ná Yěsô Kristo.

1 Piɛ 5:9

Pú’u la, pi záb ntʉ́m gẅi nà Ssé, ńkẅi’i ńtʉte, ńdʉ’ʉ Sátà, ńne ńzsé ngie mefɛ́ pi ée tsɛ̀ɛ njÿó ńne ńgyá pɔ́ ntí ngɔ́’ gie pi gyá.

Ŋwà’ne Jâŋ 14:1

Yěsô giŋe ńgɔɔn mbwo *ngàŋa kwò ye ngie: Tà ntʉ́m gẅi gíŋe ḿvɛ. Pi záb ntʉ́m gẅi nà Ssé, ńgíŋe ńzáb ntʉ́m gẅi ná mèŋ.

2 Timote 3:12

ńgwɔ́ nyìŋ zɔɔn le la nnɛ́ ná Yěso Kristo tà ńne ńkwoŋo légÿo mmó gie Ssé ne ńkwoŋo, mé nyé té kʉ́e yé kʉ́e wɔ́.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Heber 11:25

À la gyá yé, á gwɔ́ mbòŋ mbwo yé lékúu nùɔ pʉ̀a Ssé pâ pɔ̌ púte ńgyá ngɔ́’, ńtɔ́gɔ yé lé jú’ mboŋó ná mûɔ méfʉ̀’ tá ńké ńgwɔ́ tsɛ̀ɛ mefʉa.

Ŋwà’ne Ngyà jʉ’ 7:14

Mèŋ n tsɔ́’ ngie, a Ndè, gù zɔ ne ńzsé. Á gɔɔn ngie ée pʉ̀a pie éfóo tsɛ̀ɛ máamáa ngɔ́’ ya. Pɔ́ ka lɔg metse mûɔ *Njʉ̀njÿò, ésɔg menzsǒ mɔ́b tà é lʉ́a, ńcʉ́’ʉ féfɔ́gɔ.

1 Tesalonika 3:7

Mefɛ́ mefɛ́, peg jǔ’ pú’u, menò tsɛ ne sẅɛ́ɛ wég sẅɛ́, peg tsɛ ne ńgyá pɔ́ ngɔ́’ tá’, anò gí mbɔɔ gẅi lézáb ntʉ́m nà Ssé kẅiŋté wég kẅiŋte.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Kolosia 1:20

ńgíŋ ńkwoŋ ngie à ge fó pɔ́ ná yé, éshwoŋte kɔ̀ɔkɔ́ɔ, égíŋ ńnéŋe lejʉ́ŋ yé, kà á gwɔ́ pɔ́ mmó gie áa ndùmo ssé tsetsá’ wɔ́, kà tÿǒ lepwó wɔ́, é lɔg pá’ Míŋ we la pfɛte metse mé nà tÿǒ nkǐ, é mag mbù gẅie é laa tsetsɛ̀ɛ yé lâ pʉ̀a mesoŋ.

2 Korento 1:3

!Pege ná ndǎg mbwo Ssé, Tá pà Cʉ̀apʉ̀a wégè Yěsô Kristo, gẅie letsɔ̌ɔn mezìŋe pʉ̀a fóo pɔ́ ne yé, letoonté wɔ́b á fóo pɔ́ ne yé.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

1 Tesalonika 3:4

Pi kímte pá’ peg la nyé tsetsɛ̀ɛ pi, ḿvɔg shwóŋó gẅi ngie ngʉ̀ngʉ̀ ge tóo ná pege. E kéen ńtó tà pi né ńzsé gí.

Galatia 6:14

ńgʉa ná mèŋ, mbà mmó gie á lɔɔn ńgwɔ́ n dɔg ńŋá’te, á gwɔ́ pɔ́ pá’ Cʉ̀apʉ̀a wege Yěsô Kristo la kwé nà tÿǒ nkǐ la. Pá’à la kwé nà tÿǒ nkǐ lá, eshúm yɔɔn njÿó ée lejʉ́ŋ mèŋ ńcʉ́’ pɔ́ pfó shúm, á gʉa ná mèŋ n gwɔ́ mbwo pɔ́b, mbà mèŋ n déen ńkwé.

2 Korento 7:4

Mèŋ n déen ńtém nzèm yɔɔn ńná né pi, mèŋ n dɔg pɔ́ gẅi ńka’te tɛ’, mèŋ n nyě ńgẅiin pɔ́ shÿɔg tɛ’, lekág aa ntʉ́m mèŋ tɛ’ tà mbɔɔ pá’ peg ne ńgyá ngɔ́’ tɛ’.

Megàŋ ntúm 27:25

Meshǔ pɔ́ɔn, pi shÿɔg! Mèŋ n déen ńtém nzèm yɔɔn ńná né Ssé. Anò gie e Ssé ně ńgɔɔn mbwo mèŋ lɔɔn, á ge pumte pú’u.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Megàŋ ntúm 9:31

Á gwɔ́ fʉ̀’ó, à cú’tè pʉ̀a Kristo ńnéŋe tsɛ̀ɛ sẅéte. Mé té gíŋe ńgege wɔ́b nà pàga ngwòŋ Jẅidea wɔ́. Tà mbɔɔ tsɛ̀ɛ pàga ngwòŋ Galilea tà mbɔɔ Samalîɛ. Pɔ́b metsèm ne ńtóonte mennɛ́ mɔ́b, ńkẅi’i ńtʉte, ńne ńjú’u ncwò Cʉ̀apʉ̀a. A Zẅìge Ssé piŋ ně ńkẅéte wɔ́b, ḿbiŋe ńgÿo e nùɔ wɔ́b kẅi’i ńgyɔ́ɔn.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Megàŋ ntúm 27:22

Tá’, á ké ńgwɔ́ fʉ’ɔɔn pá’ɔɔn, mèŋ n ne ńzɛ́te gẅi ngie pi shÿɔg. Á nue atsɔ̌ nyìŋ gẅi těen ńge ńkwé wɔ́. Ammó gie á ge pyé gwɔ́ pɔ́ ndà’ *máamáa kanú’

Lukase 19:38

ńně ńgɔɔn ngie: Mbʉ́lè gwɔ́ ne fùɔ gẅie à tóo nà lezíŋ Cʉ̀apʉ̀a. e Ssé ee tÿǒ lepwo ńgwɔ́ ngàŋ mbʉ́lè, agù’te gwɔ́ mbwo yé gẅie aa tàa tÿǒ lepwó.

Megàŋ ntúm 23:11

Á gÿo ńgwɔ́ letsẅɛ́’, Cʉ̀apʉ̀a tó ńgɔɔn né Pɔl ngie: Kag pɔ́ tʉ̀. Ɔ̀ ka gɔɔn nyìŋ gẅie mèŋ n gee wɛ̌ Yerósalem wɔɔn. Á gíŋe ne ńzɛ́te ngie ɔ̀ gìŋ ńgɔɔn nyìŋ gẅie mèŋ n gee wɛ̌ á tÿǒsoŋo *Roma.

Heber 7:2

Á gabte shúm sie à lɔ̌g fóo ncù nzsè legém, ńnáa tà’ nzsè né yé. Lezíŋ Melekisedeg é zɔɔn ńdɔgɔ ńgɔɔn ngie: «Fùɔ nò gie á tyé ndʉŋ ndʉŋ», à gǐŋ ńgwɔ́ fùɔ pʉ̀a Salem pú’u, ńdɔgɔ ńgwɔ́ fùɔ mbʉ́lè.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

2 Korento 4:7

Tá peg pie yɔɔn fù’ áa ná peg, peg gwɔ̌ pɔ́ pá’ megwʉ̌ŋ tsa’á la. Á fó mǒ mé gyá mboŋó ngie mɛ̌ metʉ̀ mie efʉ̀’ yé tè wó wɔ́, éfóo pɔ́ mbwo Ssé, é té fóo mbwo peg wɔ́.

2 Korento 6:4

Tà ńcʉ́’ pú’u, peg tyé nà kɔ̀ɔkɔ́ɔ wɔ́, ńnyɛ ngie peg ee pafa’a fà’ Ssé, ńdɔgɔ pá’ peg ne shÿɔgɔ tɛ’, á ná fʉ̀’e ngɔ́’, á nà fʉ̀’ gie nò á cʉa wég, á nà fʉ̀’ gie peg ne ńcÿɔ’ɔ tɛ’,

1 Jâŋ 2:13

N ne shwóŋó gẅi melÿò ngie: Pi ee pɛ́’ɛ̀ ńne zsé Nyìŋ gẅie aa wó tà fó nzyeté, ńne shwóŋó gẅi pûɔ shum ngie pi kéen ńtʉ ńcʉa nyìŋ tepòŋ.