Ŋwà’ne Jâŋ 16:17 - Nouveau Testament en Ngienboum

¹⁷ Etsɔ́ ntá’ *ngàŋa kwò Yěsô leen ńké ńgɔɔn tsetsɛ̀ɛ pɔ́b ngie, à lɔgɔ ńgɔɔn ngie kɔ́? À gɔɔn ngie: á cʉ́’ʉ méjʉ’ pege le gíŋe ńgyá yé wɔ́, à gíŋe ńcʉa méjʉ’ pege gíŋe ńgyá yé, ńgíŋe ngie, à gee né lejʉ́ŋ Tá we.

Ŋwà’ne Jâŋ 16:17 Referans Kwoze

Ŋwà’ne Jâŋ 16:16

Á cʉ́’ʉ mejʉ’ pi le gíŋe ńgyá wɔ̀ɔn mɔ́, à piŋ ńké ńgwaa láte pi gíŋe ńgyá wɔ̀ɔn.

Ŋwà’ne Jâŋ 16:5

Mèŋ n gee fʉ̀’ɔɔn pá’ɔɔn, ńgee né lejʉ́ŋ Nyìŋ gẅie à la túmo wɔ̀ɔn. Mèŋ ne ńgee, atsɔ̌ nyìŋ gẅi kě kaa zɛ́te wɔ̀ɔn ngie: Ɔ̀ gee pɔ́ nê nzɔ̌ wɔ́ wɔ́?

Malékuse 9:32

Á gɔɔn pú’u, *ngàŋa kwò yé ké tè jú’ mboŋó wɔ́, tá ḿbiŋ ne ḿbɔ́gɔ lé zɛ́te yé nò mǒ.

Ŋwà’ne Jâŋ 16:19

Yěsô gyá pá’ pɔ́ ně fa’a lézɛ́te yé nò, ńgɔɔn né pɔ́b ngie: Mèŋ shwóŋó gẅi ngie: Á cʉ́’ʉ méjʉ’ pi le gíŋe ńgyá wɔ̀ɔn mɔ́, à piŋ ńké ńgwaa láte, pi gíŋe ńgyá wɔ̀ɔn. Yɛ̌ zɔ̌ gÿo tá pi fa’a lézɛ́te wɔ̀ɔn nò keen?

Ŋwà’ne Jâŋ 14:5

Tomáse gɔɔn né yé ngie: Andè, peg tè ne ńzsé jʉ’ gie ɔ̀ gee né wó wɔ́. Peg ge gǎ tá zsé mánzsè?

Ŋwà’ne Jâŋ 12:16

*Ngàŋa kwò Yěsô gyá yɔɔn nò, pɔ́ té gwóon ńdwo ńjú’ wɔ́. Yěsô gÿo ńgwɔ́ tà ńkúu tsɛ̀ɛ legú’ we á tÿǒ lepwó, tá pɔ́ leen ńké ńkímte ngie mé la tʉ́ njÿó ńŋwe’e yɛ̌ nò ńtí yé, ńgíŋ ńkímte ngie alá’ la gÿo ná yé pɔ́ pá’ mé la ŋwe’e.

Lukase 18:34

Tá’, Yěsô gɔɔn pá’ɔɔn, *ngàŋa kwò yé pú tè jú’u tsɔ́ mmó nà nò gie à gɔ̌ɔn wɔ́, ashwóŋè yé ké ńtebe wɔ́b tebe, pɔ́ té jú’u nò gie à lɔgɔ ńgɔɔn mboŋó wɔ́.

Malékuse 9:10

Pɔ́ zẅíŋ pá’ à gɔ̌ɔn pú’u, ńké ńne ńzɛ́te tsetsɛ̀ɛ pɔ́b pɔ́ ngie: À gɔɔn ngie ńzíme nà legwé, ńzíme nà legwé ńdɔgɔ ńgɔɔn ngie kɔ́?

Ŋwà’ne Jâŋ 16:1

Mèŋ shwóŋó gẅi mɔɔn menò légwɔ́ gie pi tè cʉ́’ nzèm gwá’a lézáb ntʉ́m ná mèŋ wɔ́.

Ŋwà’ne Jâŋ 14:22

Jẅide, mé ké tě ńgɔɔn Iskariod wɔ́, gɔɔn né Yěsô ngie: Andè, á ge gwɔ́ lêkɔ́ tá ɔ̀ gÿo peg ndà’ zɔ gyá gú, epʉ̀a metsèm le gyá gú wɔ́?

Lukase 9:45

Tá *ngàŋa kwò yé té cwoŋo ńjú’u yɔɔn nò mboŋó wɔ́, mbà tsɔ́ mmó jÿɔ̌’ legyè sɔ́b légwɔ́ gie pɔ́ té jú’ wɔ́. Atsɔ̌ nyìŋ wɔb ké tè shÿɔg tà ńzɛ́te yé ngie ɔ̀ fa’a légɔɔn ngie kɔ́ wɔ́, mélà’mie pɔ́ la cʉ́’ʉ ḿbɔ́gɔ pɔ̌g.

Ŋwà’ne Jâŋ 16:18

Wɔɔn méjʉ’ méjʉ’ gẅie à gɔɔn lɔgɔ ńgɔɔn ngie kɔ́? Pege tè ne ńjú’u mmó gie à fa’a légɔɔn wɔ́.