Ŋwà’ne Jâŋ 16:1 - Nouveau Testament en Ngienboum

¹ Mèŋ shwóŋó gẅi mɔɔn menò légwɔ́ gie pi tè cʉ́’ nzèm gwá’a lézáb ntʉ́m ná mèŋ wɔ́.

Ŋwà’ne Jâŋ 16:1 Referans Kwoze

1 Piɛ 2:8

Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.

Matio 13:21

tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Ŋwà’ne Jâŋ 16:4

Tá’, n kě ḿvɔg shwóŋó gẅí, tá fʉ’ó gÿo ńgwɔ́, pi kímte ngie mèŋ n ka zɔɔn shwóŋó gẅí. N ka gwaa zye, mèŋ n tè shwóŋó gẅi yɔɔn nò wɔ́, mélà’mie n ka nyé tsetsɛ̀ɛ pi.

Matio 24:10

Á ge lá’ gwɔ́ gwɔ́ tà pʉ̀a tà ńgyɔ́ɔn tsetsɛ̀ɛ pi le gíŋe ńzáb ntʉ́m ná mèŋ wɔ́, pɔ́ sele sẅiŋ mennɛ́ mɔ́b, ésele ḿbʉa mennɛ́ mɔ́b.

Roma 14:21

Ammó gie áa mbòŋ, aa lélʉ’ʉ kɔ̀ɔkɔ́ɔ gie ńgwɔ́ fɛ́ gù kwɔɔnte mǒ ńgwe ssé, kà ńgwɔ́ á gwɔ́ pɔ́ lépfɛ́ mbab wɔ́, kà lénú melù’ wɔ́.

Matio 13:57

Pɔ́ gɔɔn pá’ɔɔn, ńdʉ’ʉ lé jú’u nò yé. Yěsô leen ńké ńgɔɔn né pɔ́b ngie: Mé ná mekù’ *ntsẅì nkʉ̀ Ssé jʉ’ ntsèm, tà é cʉ́’ ndà’ lá’ pɔ́b, ńgÿo pʉ̀a tsìŋe ndá yɔ́b

Matio 11:6

Àshÿó mbòŋo aa nyìŋ gẅie à tè kwɔɔnte ná *Míŋ Nyìŋ gwe ssé wɔ́!

Ŋwà’ne Jâŋ 15:11

Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Filipo 1:10

À cʉa pú’u, pi ku’u lépíi ye mbòŋo, éshwoŋo nò nénʉ́. À lá’a lyɛ̌’ gie Kristo ge lá’ gíŋ tó, pi gwɔ́ pà tèfʉa.