Ŋwà’ne Jâŋ 15:9 - Nouveau Testament en Ngienboum

⁹ Pá’ Tá wɔ̀ɔn kwoŋo wɔ̀ɔn ma, mbɔɔ mèŋ yɔ́ɔn, n kwoŋo gẅí. Pi la nnɛ́ gi ná mèŋ nà ntí gie mèŋ n ge ké ne kwoŋo gẅi kwoŋ.

Ŋwà’ne Jâŋ 15:9 Referans Kwoze

Ŋwà’ne Jâŋ 17:26

Mèŋ n ka zí’i wɔ́b lézsé nyìŋ gẅie ɔ́ɔ wɛ̌, mèŋ n ge ké ne gÿo pɔ́ ne ńzsé gú zsě, ńkwoŋe pɔ́b nê pɔ́b pá’ ɔ̀ kwoŋo wɔ̀ɔn, mèŋ m biŋ ńgwɔ́ ntʉ́m pɔ́b. Gÿo pɔ́ zsé lezíŋ shú, mèŋ n ge gíŋe gÿo pɔ́ zsé gú. À cʉa pú’u, nkwòŋe gie ɔ̀ la lɔg ńkwoŋo wɔ̀ɔn, e gwɔ́ ná pɔ́b. Mèŋ n gwɔ́ yɔ́ɔn né pɔ́b.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Jâŋ 15:13

Atsɔ̌ nyìŋ tè gíŋe ńgẅiin nkwòŋe tà é tɔ́g ye nyìŋ gẅie à náa we le gwɔ́ nà twó pʉ̀a pie à kwoŋo wɔ́b gwɔ́.

Ŋwà’ne Jâŋ 15:11

Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Efeso 3:18

Á cʉa pú’u, pi ku’u légwɔ́ gie ńgwɔ́ pia pʉ̀a Ssé metsèm pú ńjú’ ntí gie nkwòŋe Kristo e fǎŋ pú’u, ésag pú’u, ńgʉa tÿó pú’u, ńkúu ssé pú’u.

Jẅide 1:20

Tá ńgʉa ná pi, mbà meshǔ pɔ́ɔn pe tʉ̀ nzẅìŋ, pi kẅi’i ńtʉte tʉte, ńne ńkú’te mmó gie pi la záb ntʉ́m gẅi mǒ. Yɛ̌ zɔ̌ cÿó gie gẅi leńnéŋe tyé mǒ. Pi tóŋo Zẅìge Ndʉalʉ̌a, à lɔg metʉ̀ mé ńkẅéte gẅí lésẅíŋte Ssé.

Ŋwà’ne Jâŋ 3:35

E Ssé Tá kwoŋo Míŋ we, mbà à léen ńnéŋ shúm ntsèm á nà lɔ̌ɔn pwó Míŋ we.