Ŋwà’ne Jâŋ 15:7 - Nouveau Testament en Ngienboum

⁷ Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 15:7 Referans Kwoze

1 Jâŋ 5:14

Ammó gie á gÿo pege tyé mvfò Ssé ntʉ́m wégè té vɛ, á gwɔ́ pɔ́ ngie: Pege ne ńzsé ngie, pege lɔɔn ńdúɔ mmó mbwo yé, á gwɔ́ gie à ne ńkwoŋo, mbà à ge jú’.

Ŋwà’ne Jâŋ 14:13

Pi gÿo ńdɔg lezíŋ sɔ́ɔn ńdúɔ kɔ́ mbwo Ssé wɔ́, mbà mèŋ n ge gÿo. Á cʉa pú’u, mèŋ múɔ n da’te legú’ Tá wɔ̀ɔn.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Matio 7:7

Pi lúɔ, e Ssé ge náa mbwó pi. Pi fa’, e Ssé ge gÿo pi gyá. Pi kwá’te ncwò ndá, à ge tsɔ́’ ńná né pi.

Ŋwà’ne Jâŋ 16:23

Áa gÿo gwɔ́ lyɛ’ó, pi le gíŋe ńgẅiin tsɔ́ nò gie pi ge zɛ́te wɔ̀ɔn mɔ́. Tà mèŋ shwóŋó gẅí, kwà’ nénʉ́, pi lɔɔn ńdɔg lezíŋ sɔ́ɔn ńdúɔ mmó mbwo Tá wɔ̀ɔn, mbà à ge ná.

Galatia 5:16

N ge gɔɔn né pi ngie: Pi zẅíŋ Zẅìge Ssé zɔ tsyeen gẅi nà gẅi le gwɔ́, pú’u pi é légÿo menò tepòŋ mie mbùm gí tsóte gẅi ngie pi gÿo wɔ́.

1 Jâŋ 2:27

ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.

1 Jâŋ 2:14

Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Ŋwà’ne Jâŋ 8:37

Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Galatia 4:2

À lɔɔn ńnyé ńgwɔ́ pɔ́ múɔ mé múɔ, mbà à gẅiin lé jú’ ncwò pʉ̀a pie é tóonte yé mbɔɔ we pʉ̀a pie é líe shúm sé tà lá’ kú ngù’ gie tá we la záb.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.