Ŋwà’ne Jâŋ 15:17 - Nouveau Testament en Ngienboum

¹⁷ Ammó gie n kě ńzɛ́te gẅí, á gwɔ́ pɔ́ ngie, pi gẅiin nkwòŋe pi né pi.

Ŋwà’ne Jâŋ 15:17 Referans Kwoze

Ŋwà’ne Jâŋ 15:12

*Lepʉ̌ sɔ́ɔn e sɔɔn: Pi kwoŋe pi né pi pá’ mèŋ n ka kwoŋo gẅi la.

1 Piɛ 2:17

Pi ná mekù’ mânyìŋ ntsèm, ńkwoŋ mefɛ́ pi pʉ̀a Kristo, ḿbɔ́g Ssé, ńná mekù’ fùɔ.

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

2 Jâŋ 1:5

Tʉ̀ nzẅìŋ Má penkʉ́, ammó gie mèŋ n ne ńzɛ́te mbwo gù fʉ̀’ɔɔn á gwɔ́ ngie pege gẅiin nkwòŋe tsetsɛ̀ɛ pege, sɔɔn ke tè gwɔ́ pɔ́ tsɔ́ *lepʉ̌ se sẅé sie mèŋ n ŋwe’e ńnáa mbwo gù wɔ́, ée *lepʉ̌ sie pege gẅiin tà fó nzyeté.