Ŋwà’ne Jâŋ 15:16 - Nouveau Testament en Ngienboum

¹⁶ Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 15:16 Referans Kwoze

Ŋwà’ne Jâŋ 15:19

Pi kěen ńgwɔ́ pé’e ńgwɔ́ pʉ̀a njÿó, mbà njÿó kwoŋo gẅi tɛ’, á nue njÿó kwoŋo mmó gie áa yé. Tá’ pi ké tè pʉ̀a njÿó wɔ́, mèŋ n zɔ ka tsɔ́’ɔ gẅí, éfaga gẅi nà pʉ̀a njÿó. Áa mmó gie á gÿo njÿó pʉa gẅí.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Lukase 6:13

Njÿó lʉ́a, á tóŋ *ngàŋa nkwò yé, ńgʉa tsetsɛ̀ɛ pɔ́b, ńtsɔ́’ pʉ̀a ntsɔ̀b pʉ́a nê legém, ńtsẅi lezíŋ sɔ́b lê ngàŋ ntúm wé.

Galatia 1:15

Ká’a mbà n da nyé pɔ́ lepfòm, e Ssé tsɔ́’ɔ wɔ̀ɔn, ńgÿo ńcÿó gʉm yɔ́ɔn, ńtóŋo wɔ̀ɔn ngie mèŋ n cʉ́’ ńgwɔ́ pɔ́ nà mé mbwo.

1 Jâŋ 4:19

Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.

Megàŋ ntúm 22:14

Á gíŋe ńgɔɔn ngie: E Ssé pàmagʉa njʉ’ pégè léen ntʉ́ njÿó ńtsɔ́’ɔ gú, á lé lɔgɔ gú ńgÿo nyìŋ gẅie à ge zsé mmó gie à la zába légÿo, mbɔɔ légÿo ɔ̀ gyá nyìŋ gẅie aa ndʉŋ ndʉŋ gílé yé, mbɔɔ lé jú’ ngyè wɛ̌ nyìŋ.

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

Ŋwà’ne Jâŋ 13:18

Mèŋ n kě tě ńgɔɔn yɔɔn nò mbwo pi metsèm wɔ́, mèŋ n ne ńzsé pʉ̀a pie mèŋ n da tsɔ́’ɔ wɔ́b. Tá á poŋ ngie ammó gie mé la ŋwe’e tsɛ̀ɛ ŋwà’ne Ssé à pumte. Mé la ŋwe’e ngie nyìŋ gẅie peg yé né ńteme shúm léjÿó ńjÿó kéen ńcʉ́’ʉ ngàŋ mbù wɔ̀ɔn.

Ŋwà’ne Jâŋ 6:70

Yěsô tsɔ́’ɔ mbwo pɔ́b ngie: Pi pɛ̂ ntsɔ̀b pʉ́a nê legém, mèŋ n zɔ ka tè tsɔ́’ɔ gẅi wâ? Tsɔ̌ nyìŋ kě ńgwɔ́ tsetsɛ̀ɛ pi, ńgwɔ́ nyìŋ Sátà.

1 Piɛ 3:15

Tá ńcʉ́’ pú’u, pi gwɔ́ tsɛ̀ɛ ntʉ́m gẅí, ńne ńnáa pɔ́ mekù’ Kristo ngie yé zɔɔ Ndè gẅi. Pi gwɔ́ fʉ̀’ ntsèm ńtyé pɔ́ pá’ nyìŋ zɛ́te gẅi ngie mélà’a kɔ́ pi tÿɔ́g nkwaŋá gẅi ná Kristo wɔ́, pi kyɛ́’te shwóŋó ngàŋ.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

Megàŋ ntúm 1:24

Mé leen ńké sẅíŋte Ssé ńgɔɔn ngie: Cʉ̀apʉ̀a, gù gẅie ɔ̀ zsé ntʉ́m mânyìŋ ntsèm lá, gʉa nà pʉ̀a pɔɔn mépʉ́a, ńnyɛɛ wég nyìŋ gẅie ɔ̀ tsɔ’ɔ́ yé.

1 Piɛ 3:2

Mbà pɔ́ gyǎ kwò legìŋ gí gie *lɔ̌’ té mǒ wɔ́, á piŋ ńgẅiin mekù’.

Roma 15:4

Á zɔɔn ńgwaa gwɔ́, mbà kɔ̀ɔkɔ́ɔ gie mé la lá’ ńtʉ́ njÿó ńŋwe’e tsɛ̀ɛ ŋwà’ne Ssé, mé lɔ́ɔn ńŋwe’e pɔ́ lélɔgɔ ńnéŋe ńzí’i wégè mmó, légwɔ́ gie á ge lɔg pá’ á ne ńkẅiŋte wégè, ḿbiŋ ne ńgÿo ngie tà pege kʉ́a, pege zsé ngie pege gẅiin mmó gie e Ssé la ka’a mbwo pege.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

2 Timote 1:11

E Ssé ka nǎ fà’a létsẅi wɔɔn nkʉ̀ mbòŋo á mbwo mèŋ, pá’ mèŋ n ge gwɔ́ ngàŋ ntúm we é piŋ ne la’te mmó mbwo pʉ̀a.

1 Korento 10:11

Mɔɔn menò la gÿo wɔ́b pá’ɔɔn ńdɔgɔ ńnyɛɛ fʉ̀’ʉ nò. Mé la piŋ ńŋwe’e pá’ pege pie pege cʉ̌’ ńgwɔ́ pɔ́ nà fʉ̀’ʉ nzsòté lɔɔn ge fó mǒ zsé nò.

Roma 9:21

Ambwòon tsǎ’a, à píi tsǎ’ ńdɔg ḿbwóon mmó nà ntí gie à kwǒŋ. À lɔg pɔ́ tà’a tsǎ’ ḿbwóon sɔ́’ gẅie nzẅìŋ ée mǒ, ńgíŋ ńdɔg pɔ́ yɛ̌ ḿbwóon gẅie nzẅìŋ ku’ ku’.

Ŋwà’ne Jâg 3:18

Pʉ̀a pie pɔ́ lɔgɔ pɔ́ mbʉ́lè ńnéŋe tsetsɛ̀ɛ pʉ̀a mesoŋ, pɔ́ ne ḿbye mmó lê mbʉ́lè. Mentɔ̌ɔn mie pɔ́ káb á gwɔ́ léńnéŋe pá’ Ssé ne ńkwoŋo.

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.

Titus 1:5

Mèŋ n ka nyé gù Kelɛt légwɔ́ gie ɔ̀ ge cʉ́’ mege táŋte menò mie mèŋ n ka nyě, é piŋ záb pà kẅé mvfò tsɛ̀ɛ mecú’tè pʉ̀a Kristo mie ée tsɛ̀ɛ metÿǒsoŋ, é cʉ́’ʉ lézáb, é záb pɔ́ pá’ mèŋ n ka tsẅi né gù.

Kolosia 1:6

Nkʉ̀ Mbòŋo ne saa jʉ’ tsɛ̀ɛ njÿó té vʉ’ʉ tsɔ́, ńgwɔ́ pá’ tÿǒ gie á ne ńzéme ntɔ̌ɔn, ńgíŋe ne ńgú’u la, ée tsetsɛ̀ɛ pi, ńgíŋe ńne ńgee ne mvfò pɔ́ pú’u, tà fó ndùŋ mvfò lyɛ̌’ gie pi la jú’ mé zye lékím pá’ e Ssé lɔgɔ menò mbòŋo mé ńcÿó gʉm pʉ̀a, pi kéen ńgyá yɛ̌ nò, ayɛ̌ nò gwɔ́ gie áa nénʉ́.

Roma 1:5

E Ssé la cʉa pɔ́ nà yé Kristo ńcÿó gem yɔ́ɔn, ńdɔgɔ wɔɔn ńgÿo ngàŋ ntúm Yěsô Kristo légwɔ́ gie mèŋ n ge gʉa shwóŋó nò Ssé, tsɛ̀ɛ mengwòŋ ntsèm. Epʉ̀a záb ntʉ́m nà yé, ńjú’ ncwò wé, à cʉa pú’u, pɔ́ ná mekù’ mbwo Yěsô Kristo.

Megàŋ ntúm 10:41

À ka tè nyɛɛ mbwo lá’a ntsèm wɔ́, à ka nyɛ pɔ́ mbwo peg pàjÿó ńgyá pie Ssé la vɔg ńtsɔ́’. À ka zimé nà legwé pú’u, pega pɔ́ jÿó shúm ḿbiŋ ńnú.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Roma 1:13

Mefɛ́ pɔ́ɔn, pi zsé mboŋó ngie n dǎ táŋ tɛ’ létó ńgyá gẅi tá shÿó ké tè kẅɛ tà ńkú lyɛ̌’ɔɔn. N daa pú’u ńtsɔ́ɔn létó fa’a tsetsɛ̀ɛ pi tà pi jÿó gí pì pá’ n ka fa’a tsɛ̀ɛ tsɔ́ mengwòŋ pɔ́ jÿó pì.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Matio 7:7

Pi lúɔ, e Ssé ge náa mbwó pi. Pi fa’, e Ssé ge gÿo pi gyá. Pi kwá’te ncwò ndá, à ge tsɔ́’ ńná né pi.

Ŋwà’ne Jâŋ 15:5

Letsiŋé tÿó aa mèŋ, mbwó tÿǒ gwɔ́ gẅí. Nyìŋ gẅie à la nnɛ́ ná mèŋ, mèŋ n da nnɛ́ ná yé yɔ́ɔn, aa nyìŋ gẅie aa ńgÿo shúm mbòŋo tɛ’. Á nue pege lɔɔn tè gwɔ́, pi le tsɔ́ mmó gÿo.