Ŋwà’ne Jâŋ 14:26 - Nouveau Testament en Ngienboum

²⁶ Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 14:26 Referans Kwoze

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Ŋwà’ne Jâŋ 14:16

Mèŋ n dêen ńké sẅíŋte Tá wɔ̀ɔn, à náa wetsɔ̌ Ntàg Nzèm né pi, á gẅie pi lâ pɔ̌ zɔ ge cʉ́’ʉ gwɔ́ fʉ̀’ ntsèm.

1 Jâŋ 2:27

ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.

Ŋwà’ne Jâŋ 16:7

Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.

1 Jâŋ 2:20

ńgʉa ná pi, mbà Kristo ka náa Zẅìge Ndʉalʉ̌a né pi. Áa mmó gie á gÿo pi métsèm zsé nò nénʉ́.

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

Ŋwà’ne Jâŋ 2:22

Áa yɛ̌ tá à la gÿo ńzíme nà legwé, *ngàŋa kwò yé kímte ngie à la gɔɔn yɔɔn nò, ńdeen ńké ńzẅíŋ, ńgíŋe ńzẅíŋe gie ŋwà’ne Ssé la gɔɔn ná yé.

Megàŋ ntúm 13:2

Pɔ́ gÿo ne *ńkwoŋo kwoŋ ńnéŋe nzyè, ésẅíŋte Ssé. A Zẅìge Ndʉalʉ̌a gɔɔn né pɔ́b ngie: Pi faga Panebâse pɔ́ Sɔ̂l, ńnyé wɔ́b, pɔ́ fa’a fà’ gie mèŋ n ka tsɔ́’ɔ wɔ́b ńtí yɛ̌.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

1 Jâŋ 5:7

é lɔgɔ ńgwɔ́ menò méntá mie é la’te wégè nò ná Yěsô.

Titus 3:5

á gÿo pege tsẅɛ́. Pege těen ńtsẅɛ́ɛ á gwɔ́ pɔ́ ngie pege gÿǒ menò mie é tyé ndʉŋ ndʉŋ wɔ́, pege tsẅɛ́ɛ á gwɔ́ pɔ́ ngie à tsɔ́ɔn mezìŋe mégè. À la sɔgɔ wégè, ńdɔg ńgÿo mé zyé wégè lezyé se sẅé, à Zẅìge Ndʉalʉ̌a náa le gwɔ́ we sẅé né pege.

Lukase 24:49

Pi zsé ngie mèŋ n ge tó túmo mmó gie Tá wɔ̀ɔn la ka’a lénáa mbwo pi. Pi ké ńzẅí’te pɔ́ tÿǒsoŋ tà ńkúu fʉ̀’ gie metʉ̀ Ssé é ge fó tyǒ lepwó ésẅɛ̌’ kúu ná pi.

Jẅide 1:20

Tá ńgʉa ná pi, mbà meshǔ pɔ́ɔn pe tʉ̀ nzẅìŋ, pi kẅi’i ńtʉte tʉte, ńne ńkú’te mmó gie pi la záb ntʉ́m gẅi mǒ. Yɛ̌ zɔ̌ cÿó gie gẅi leńnéŋe tyé mǒ. Pi tóŋo Zẅìge Ndʉalʉ̌a, à lɔg metʉ̀ mé ńkẅéte gẅí lésẅíŋte Ssé.

Heber 9:8

A Zẅìge Ndʉalʉ̌a lɔ́ɔn ńdɔgɔ pú’u, ńnyɛɛ ngie wɔɔn ndùŋ mvfò ntàb lɔɔn ńké ńdá’ ńnyé ńgwɔ́ pɔ́ wó, mbà mánzsè létɔ́g tà ńkúu ná kwà’ jʉ’ gie e Ssé ee wó, à tè tsɔ́’ɔ wɔ́.

Heber 3:7

Áa mmó gie á gÿo a Zẅìge Ndʉalʉ̌a gɔɔn ngie: Pi lɔɔn ńjú’ ngyè Ssé lyɛ̌’ɔɔn

1 Tesalonika 4:8

Pú’u la, nyìŋ gẅie à ju’ú yɔɔn nò ńdʉ’, à tě ńdʉ’ʉ pɔ́ nyìŋ mesoŋ wɔ́, à lʉ’ʉ pɔ́ Ssé gẅie à la náa zẅìge ndʉalʉ̌a yé mbwo pi.

1 Korento 12:3

Áa yɛ̌ tá mèŋ n ne ńkwoŋo ngie pi zsé ngie: A Zẅìge Ssé zɔ̌ lɔɔn ńtsóte nyìŋ légɔɔn nò, mbà ńgwɔ́ ngàŋ á le néŋ ndòon twó Yěsô wɔ́. A Zẅìge Ndʉalʉ̌a lɔɔn ḿbiŋ tè ne ńtsóte nyìŋ légɔɔn nò wɔ́, mbà ńgwɔ́ ngàŋ á le gɔɔn ngie Yěsô aa Cʉ̀apʉ̀a wɔ́.

2 Piɛ 1:21

Á nue kɔ̀ɔkɔ́ɔ gie pà *ntsẅì nkʉ̀ Ssé lǎ tsẅi, pɔ́ laa gwaa tsẅi, a fóo pɔ́ nà legyè nyìŋ mesoŋ wɔ́. Pɔ́ gwaa gɔɔn nò gie Ssé ne ńkwoŋo ngie pɔ́ gɔɔn, à Zẅìge Ndʉalʉ̌a zɔ̌ tsóte wɔ́b tá pɔ́ gɔɔn.

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Roma 15:16

ńdɔgɔ wɔ̀ɔn ńgÿo nyìŋ gẅie à ge ne fa’a fà’ Yěsô Kristo á nùɔ pʉ̀a pie é té pà Yuda wɔ́. À la tsɔ́’ɔ wɔ̀ɔn légwɔ́ gie n ge cʉ́’ʉ tsẅii pɔ́ nkʉ̀ mbòŋo mbwo pɔ́b, Zẅìge Ndʉalʉ̌a lɔgɔ wɔ́b ńgÿo pʉ̀a Ssé, mèŋ n náa wɔ́b mbwo Ssé, pɔ́ gwɔ́ pá’ shúm pwɔ́’ sie é poŋ Ssé.

Lukase 1:41

Lisape jú’u tsyɛ̀’te Malîɛ, múɔ ŋele lepfòm yé, à Zẅìge Ndʉalʉ̌a sẅɛ́’ ńkúu ná yé.

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Heber 2:4

E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.

2 Timote 1:14

A Zẅìge Ssé gie áa ná pege kẅéte gú. Ɔ̀ le zẅíŋ nyìŋ gʉa ná nò mbòŋo gie mé la cʉ́me mbwo gù ńkúbe tsɔ́ mmó wɔ́.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Megàŋ ntúm 11:16

N deen ńké ńkímte shwóŋè Cʉ̀apʉ̀a pá’ à la gɔɔn ngie: Jâŋ la nu’ pʉ̀a ntse, tá ńgʉa ná pi, mbà Ssé ge gÿo ńnéŋe gẅi mbwo Zẅìge Ndʉalʉ̌a.

Megàŋ ntúm 1:8

!Pi zsé pɔ́ ndà’ ngie à Zẅìge Ssé ge gÿo tóo ná pi, é náa gẅi metʉ̀. Pi lɔg ńku’u léshwóŋó kɔ̀ɔkɔ́ɔ gie pi zsé nà mèŋ! E zyé Yerósalem éshwóŋ shwóŋ maga Jẅidea. E piŋ fó Samalîɛ, éshwóŋ shwóŋ kúu jʉ’ gie tsetsá’ zsote wó.

Ŋwà’ne Jâŋ 20:22

Ńgɔɔn pú’u, éfÿɔ́g fÿɔ́g ncwò ye ná pɔ́b, ńgɔɔn ngie: Pi kẅé Zẅìge Ndʉalʉ̌a.

Ŋwà’ne Jâŋ 6:45

Mé la ŋwe’e tsɛ̀ɛ ŋwà’ne pà *ntsẅì nkʉ̀ Ssé ngie: «E Ssé lê twó yé ge lá’ zí’i nò yé mbwo mânyìŋ tsèm». Nyìŋ lɔɔn ńjú’u nò gie à fóo mbwo Tá, ńzẅíŋe mmó gie à zí’i pʉ̀a, mbà wɛ̌ nyìŋ ge tó tsɛ́ɛ wɔ̀ɔn.

Malékuse 13:11

Mé lɔɔn ńgÿo ńgwɔ́ tà ńgwoon gẅí, ńgee ńŋǎg pi, tà pi pú’ mbùm gí ngie pi ge tóo wó é gɔɔn ngie kɔ́ wɔ́, pi gʉa gí gʉa. E Ssé ge kúu jʉ’ó fʉ̀’ó, é ńnéŋe nò ncwò pi, pi gɔɔn. Mèŋ n gɔɔn pá’ɔɔn, mélà’mie, pi ge gʉa tà kúu jʉ’ó, pi zɔ̌ le gíŋe ńgɔɔn nò wɔ́. Azẅìge Ssé zɔ cʉ́’ ńgɔɔn nò nà gí jʉ’.

Matio 1:20

ńnyé ńkwaŋa kwaŋ, ńdyé njÿòon ńgyá *cÿɔ́’ Ssé tóŋo yé, ńgɔɔn né yé ngie: Yesyɛ̂b, gu gẅie ɔɔ na ngẅɛ fuɔ Ndavíd, kẅé nzwě gù Malîɛ ńnéŋe ndá té pɔ́g, mélà’mie aa shwoŋ pɛ́’ɛ, mbà Zẅìge Ndʉalʉ̌a zɔ̌ gÿǒ.

Heber 10:15

Ammó gie a Zẅìge Ndʉalʉ̌a gíŋe ńne shwóŋó wégè ngie áa nò. Á vɔg ńgɔɔn ngie:

Ŋwà’ne Jâŋ 12:16

*Ngàŋa kwò Yěsô gyá yɔɔn nò, pɔ́ té gwóon ńdwo ńjú’ wɔ́. Yěsô gÿo ńgwɔ́ tà ńkúu tsɛ̀ɛ legú’ we á tÿǒ lepwó, tá pɔ́ leen ńké ńkímte ngie mé la tʉ́ njÿó ńŋwe’e yɛ̌ nò ńtí yé, ńgíŋ ńkímte ngie alá’ la gÿo ná yé pɔ́ pá’ mé la ŋwe’e.

Malékuse 12:36

Mèŋ n ne ńzsé ngie: A Zẅìge Ssé la tsóte fùɔ Ndavíd, kwà’ yé lê twó mbùm yé gɔɔn nò ńtí *Nzà’nkÿo ngie: «Cʉ̀apʉ̀a Ssé gɔ̌ɔn mbwo wɔ̀ɔn Ndè ngie: Tóo ńnéŋe nà gwoŋó pwó yɔ́ɔn ye tʉ̀, tà à lá’ ńkú fʉ̀’ gie mèŋ sẅǐŋ megàŋ mbù pú mbwo gù, tà ɔ̀ tÿɔ́g mekwò mú twó pɔ́b»

Ŋwà’ne Ngyà jʉ’ 2:11

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Nyìŋ gẅie à lÿɔ̌’ ncù tà ńcʉa nò tepòŋ, lekwě nà mbɔ́ɔntè yépʉ́a à tè lá’ kíbe yé wɔ́.

Efeso 1:13

Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

2 Korento 6:6

Peg ne ńdɔgɔ weg mà ńnyɛɛ ngie peg ee pafa’a fà’ Ssé. Peg gẅiin ntʉ́m Ndʉalʉ̌a, mbɔɔ zse nò gie á fóo mbwo Ssé, ńgÿo kwɔ́gɔ nnɛ́. Peg gẅiin pɔ́ pòŋo ntʉ́m nzèm pʉ̀a mesoŋ, ńzẅí’te yég kɔ́ wɔ́ pɔ́ mbwo Zẅìge Ndʉalʉ̌a, ńgẅiin nkwòŋe gie è tè nkwòŋ menÿɔ́g wɔ́,

Megàŋ ntúm 20:35

Mèŋ n kɔ̌ɔn ne ńnyɛɛ gẅi fʉ̀’ ntsèm ntí gie á ne ńzɛ́te ngie mé fa’ pú’u, ńzsé ngie mé ge kẅéte pàtè mmó. Á poŋo lékímte nò gie kwà’ Cʉ̀apʉ̀a Yěsô la gɔɔn ngie: Lenǎ mmó à gẅiin fù’ ńcʉa lékẅé.

Megàŋ ntúm 15:8

E Ssé gẅie à zsé ntʉ́m mânyìŋ ntsèm, la nyɛ ngie à zẅǐŋ ngie pɔ́ ée pʉ̀a pé, ńtúmo Zẅìge yé mbwo pɔ́b yɔ́b. Pɔ́ ndʉŋ ndʉŋ pá’ à la túmo mbwó pege.

Megàŋ ntúm 7:51

Etien la pú ḿbíte tà á ku’, á gɔɔn mbwo pàŋag ntsaŋ ngie: Pi tʉʉ twó tɛ’. Ntʉ́m gẅi pâ nkwaŋá nò gẅi gwɔ́ we pʉ̀a pie pɔ́ té Ssé zsé. Pi giŋé ńdʉ’ʉ nò gie Zẅìge Ssé zɔ̌ gɔ̌ɔn, ńdɔgɔ ńgÿo pɔ́ pá’ pàmangʉa njʉ’ pí.

Megàŋ ntúm 1:4

Pâ pɔ́ fó lyɛ̌’ ńne ḿbúte ḿpfɛ́ɛ mmó, á tsẅi né pɔ̌b ngie, tà pɔ́ fó Yerósalem ńgʉa ngʉ̀a shʉ̀shʉ̀a. Pɔ́ ke ńnéŋe pɔ́ wó, ńzẅí’te mmó gie Tá la ka’a lénáa mbwó pɔ́b.

Megàŋ ntúm 1:2

ńgʉa ńkúu na lyɛ̌’ gie à la kwɔ́’ né tÿǒ lépwó. À la gwɔ́ kwɔ́’, ńcʉa na Zẅìge Ndʉalʉ̌a, ńtsẅii mmó gie ngàŋ ntúm gie à la tsɔ́’ ge cʉ́’ʉ ně gÿo.

Ŋwà’ne Jâŋ 7:39

A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.

Lukase 3:22

A Zẅìge Ndʉalʉ̌a sẅɛ́’, ńgwá’a kapʉŋ la, ńtyé ná ye, ngyè fóo tÿǒ lepwó ngie: Ɔ̀ɔ míŋ wɔ̀ɔn, mèŋ n kwoŋó gú tɛ’, ɔɔ wɔ̀ɔn lekág.

Lukase 1:67

À Zẅìge Ndʉalʉ̌a pú ńjÿó tá we Sakarîɛ, á gɔɔn nò pá’ *ntsẅì nkʉ̀ Ssé lá, ngie:

Lukase 1:35

*Cÿɔ́’ Ssé tsɔ́’ɔ mbwo yé ngie: À Zẅìge Ndʉalʉ̌a ge sẅɛ́’ kúu ná gù, e Ssé gẅie à pi’i kɔ̀ɔkɔ́ɔ lɔg metʉ̀ mé ńkábte gú tà yɔɔn nò pumte. À cʉa pú’u, tá mé gÿo ńtóŋo múɔ gẅie ɔ̀ ge zyé le Ndʉalʉ̌a, é gíŋe tóŋo yé le Míŋ Ssé.

Lukase 1:15

À ge lá’ gwɔ́ mbwo Ssé é gwɔ́ nyìŋ tɛ’. À piŋ těen ńdá’a ńnúu melù’ wɔ́, tà mbɔɔ kɔ̀ɔkɔ́ɔ gie ńgwɔ́ nyìŋ nú ḿbʉ́a. À ge lá’ zɔɔn gwɔ kẅɛɛ lepfòm má we, mbà Zẅìge Ndʉalʉ̌a léen ńjÿó yé

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Megàŋ ntúm 28:25

Pɔ́ cʉ́’ʉ légʉa, pɔ́ té gíŋe shwóŋó ńjú’e wɔ́. Pɔl cʉ́’ ńgɔɔn né pɔ́b pɔ́ ngie: A Zẅìge Ssé lɔ́ɔn ńgɔɔn shwóŋó nò. Á la lɔg ncwò *ntsẅì nkʉ̀ Ssé Esǎya ńgɔɔn né metá pi ngie:

Megàŋ ntúm 16:6

Pɔl pâ Silas ké ne ńgwá ńgiŋe giŋ, à Zẅìge Ssé gÿo ńtɔ́’ɔ wɔ́b légʉa tsɛ̀ɛ pàga ngwòŋ Azia éshwóŋó nò Ssé, Pɔ́ lêen ńké ńcʉ́’ ńzyɛ́’ɛ tsɛ̀ɛ pàga ngwòŋ Filigia pɔ́ ye Galatia zyɛ̌’,

Megàŋ ntúm 15:28

Peg zɔ̌ɔn ńgwâ zába yɔɔn nò, à Zẅìge Ndʉalʉ̌a gíŋe ńzáb yé ngie tà mé kẅi’i pì’ mbwo pi. Tá’, á ke ne ńzɛ́te ngie pi nyɛte ńkú’te mɔɔn mbʉ̌ mie peg gee ngɔ̌ɔn lɔɔn kwà’ mboŋó.

Megàŋ ntúm 13:4

A Zẅìge Ndʉalʉ̌a túmo Panebâse pɔ́ Sɔ̂l pú’u, pɔ́ gʉa lê Selesi. Efó wó ńkúu kanú’ légʉa lê Shʉ̀pele, é gwɔ́ ngwòŋ gẅie ntse la kéle ńnéŋe sòŋ.

Megàŋ ntúm 7:55

A Zẅìge Ssé jÿó Etien. Á pʉ’ʉ twó yé ńdíe tÿǒ lepwó, ńgyá legú’ Ssé, ńgíŋe ńgyá Yěsô, á tyé nà gwǒŋo pwó Ssé ye tʉ̀.

Megàŋ ntúm 5:3

Piɛ leen ńké ńzɛ́te yé ngie: Ananias, mélà’a kɔ́ ɔ̀ zẅǐŋ Sátà jÿó gú tà ɔ̀ fʉte zẅìge Ssé? Mélà’a kɔ́ ɔ̀ sẅǐŋ nká’ gù, ńkú’te tsɔ́ gwǒŋo nkáb?

Lukase 2:25

Á gwɔ́ fʉ̀’ó, tsɔ̌ nyìŋ gwɔ́ Yerósalem, lezíŋ sé gwɔ́ le Simeon, á gwɔ́ nyìŋ, ńkú’te *lepʉ̌ Ssé ḿbiŋ ńjú’ ncwò wé. Mbà aa ńzɔ́gɔ ńzẅí’te nyìŋ gẅie à ge lá’ tó, pà Israel lɔgɔ yé ńtʉ, à Zẅìge Ndʉalʉ̌a gwɔ́ ntʉ́m yé.

Matio 1:18

Wɔɔn aa pá’ á la cʉa pú’u, tá mé zyé Yěsô Kristo. Má wé Malîɛ la gwaa gwɔ́, mbà Yesyɛ̂b kaŋá yé, tà mé zẅíŋ ngie à zɔ́’ɔ yé, tá á nyé té gʉa tà ńkúu mbʉ̀a yé, mé gyá á gwɔ́ shwoŋ, mbà Zẅìge Ndʉalʉ̌a zɔ̌ gÿǒ

Ŋwà’ne Jâŋ 1:33

Kwà’ mèŋ n da zɔɔn tè ne ńzsé yé wɔ́, tá Ssé gẅie à la túmo wɔ̀ɔn ńgie mèŋ n gʉa ńnu’ pʉ̀a ntse, yé zɔ̌ gɔɔn né mèŋ ngie: Ɔ̀ ge gÿo gyá zẅìge Ssé tó ńnéŋe ná nyìŋ. Àa yé gẅie à ge ná pʉ̀a mbwo zẅìge Ssé.

Ŋwà’ne Jâŋ 14:25

Mèŋ shwóŋó gẅi mɔɔn menò á fʉ̀’ gie pege nyě ńgwɔ́ lɔɔn.