Yěsô tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, pi lɔɔn ńzáb ntʉ́m nà Ssé, tà pi tè mʉ́’te, mbà pi ge ku’u légÿo mmó gie mèŋ n gÿǒ nà tÿǒ mbÿě ngem lɔɔn. Mbà à lɔɔn ńgwɔ́ pi gɔɔn né lekwɛ́ sɛ̂ ngie: Fó jʉ’ɛ ńgʉa ńtyé tsɛ̀ɛ ntse té pàa! É jú’ ncwò gẅí
Pʉ̀a pie pɔ́ zẅiŋé nò yɔ́ɔn, ge lá’ gÿo menò mmɔɔn mmɔɔn: pɔ́ ge lá’ lɔg lezíŋ sɔ́ɔn jwoŋ *messé tepòŋ mie é pue pʉ̀a, pɔ́ ge lá’ shwóŋó meshwóŋè mie pɔ́ laa zí’i,
Pʉ̀a tà ńgyɔ́ɔn pie *messé tepòŋ la ne ḿbue wɔ́b la ne ńzeŋe. *Messé tepòŋ gwaa ně fóo ná pɔ́b kẅɛɛ ńga’te lê tʉ̀. Megàŋa kwʉ́’te lâ pàpwɔ́’te mekwò tà ńgyɔ́ɔn la ne ńzeŋe yɔ́b.
Mé la gɔ̀’te nò yɔ́b gɔ́’te tà mé lɔg mekǔ lâ mematá ńkaa meguɔ nùŋe wɔ́b mengʉ̀ŋe nzsé légwɔ́ gie Piɛ à ge gwaa cʉa, jʉjʉ́ŋ wé tè téme nà tsɔ̌ wɔ́, à teme nà tsɔ̌.
Tá mèŋ n ké ne shwóŋó gẅi pá’ɔɔn pɔ́ nò nénʉ́, ngie áa nò mbòŋo mbwo pi ngie n gʉa. Á nue mèŋ n dɔɔn tè gʉa, mbà Ntàg Nzèm gẅi tè tó tsɛ́ɛ gẅi wɔ́. Tá mèŋ n ke ńgwɔ́ tà ńgʉa, mbà mèŋ n ge tó túmo yé ná né pi.
E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.
A lɔ̌ɔn ńgɔɔn pú’u, ńgɔɔn Zẅìge Ssé gie pʉ̀a pie é záb ntʉ́m ná yé lɔ́ɔn ge kẅé. Á gwaa gwɔ́, a Zẅìge Ssé ŋwɛ́ nyé té tó, á nue Yěsô la nyé tè kǔ tsɛ̀ɛ legú’ we.
ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.
Pi jǔ’ pá’ mèŋ n gɔ̌ɔn ngie: Mèŋ n ge gʉa tá gíŋe piŋ nzèm gyá gẅí. Pi é kě ńgwɔ́ pé’e ńne ńkwoŋo wɔ̀ɔn, mbà pi kág kǎg pá’ mèŋ n gee né lejʉ́ŋ Tá, á nue Tá à fǎŋ ńcʉa wɔ̀ɔn.
Á fó mǒ e Ssé náa máamáa metʉ̀ né megàŋ ntúm Yěsô, pɔ́ lɔg ńkẅi’i sá’a ná ntí gie pʉ̀a ge ju’ e zsé ngie e Ssé ka zíme Cʉ̀apʉ̀a Yěsô nà legwé. E Ssé ne ńnéŋe mbʉ́lè nà pʉ̀a Yěsô metsèm pá’ɔɔn tɛ’.
Á mma’ lejÿɔ́g, ńgyá tÿǒ mbÿě ngem, meffo mé ne sẅéte, á gʉa letsìŋe ngie kà à ge gyá ntɔ́ɔn mǒ wɔ́, ńkúu jʉ’ó, ńgyá é gwɔ́ pɔ́ ndà’ meffo. Á zɔɔn ńgwaa gwɔ́ á té fʉ̀’ gie mbÿě ngém áa ńzéme wɔ́.