Biblia Todo Logo
Bib sou entènèt

- Piblisite -




Ŋwà’ne Jâŋ 13:3 - Nouveau Testament en Ngienboum

3 Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Gade chapit la Kopi




Ŋwà’ne Jâŋ 13:3
22 Referans Kwoze  

E Ssé Tá kwoŋo Míŋ we, mbà à léen ńnéŋ shúm ntsèm á nà lɔ̌ɔn pwó Míŋ we.


Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé


Á kéen ńgwɔ́ nà yégè kème njÿó yɔɔn gie á cʉ́’ ńgwɔ́ pɔ́ ye lɔg ńzsote, á gɔɔn nò né pege, ńgwɔ gɔɔn, ńcʉa pɔ́ ná Míŋ we. Á gwɔ́ yé gẅie à la cʉa ná yé, ńnyɛte njÿó ntsèm, ḿbiŋ ńgíŋ ńzába yé pá’ kɔ̀ɔkɔ́ɔ ge lá’ gwɔ́ pɔ́ yé.


Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.


Yěsô gɔɔn né pɔ́b ngie: E Ssé kě pé’e ńgwɔ́ tá gẅi, mbà pi kwoŋo wɔ̀ɔn. Mèŋ n da zɔɔn fó pɔ́ mbwo Ssé ńtó. N gwaa gwɔ́ jʉ’ɔɔn yé zɔ̌ tsẅi. Mèŋ n zɔ la tè záb ngie mèŋ n ge tó wɔ́, yé zɔ la túmo wɔ̀ɔn.


Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.


Á zɔ́ɔn ńgwɔ́ tsɛ̀ɛ ŋwà’ne Ssé, e Ssé gɔɔn ngie: «Yé Léen ḿbú ńdɔgɔ kɔ̀ɔkɔ́ɔ wɔ́ ńgÿo ntÿɔgɔ́ mekwò Kristo». E Ssé gɔɔn pú’u, pá’ɔɔn, á té ńdɔgɔ ńgwɔ́ ngie yé Ssé ge lá’ gwɔ́ nà mbwo Kristo wɔ́, á nue e Ssé zɔ zɔɔn ńnáa metʉ̀ né Kristo tá á lɔgɔ sá’a kɔ̀ɔkɔ́ɔ.


Pú’u la, ngwòŋ ngẅɛ ndá Israel, pi gẅiin lekwà’ ńzsé mboŋó ngie, Yěsô gẅie pi ka kime yé nà tyǒ nkǐ la, àa yé gẅie e Ssé ka lɔgɔ yé ńgÿo Ndè, ńgíŋe ńdɔgɔ yé ńgÿo *Nzà’nkÿo.


Á la cʉ́’ pɔ́ pá’ njÿó ge lʉ́a mé jÿó línɔ́ɔn *Páskà, Yěsô ne ńzsé ngie ayé fʉ̀’ kǔ’ pá’ à ge fó tsɛ̀ɛ yɔɔn njÿó é gʉa kẅɛ́te Tá we. Pá’ yé Yěsô lɔ̌ɔn ńkwoŋo pʉ̀a pie ée tsɛ̀ɛ njÿó ńgwɔ́ pé la, á kẅi’i ńkwoŋo wɔ́b tà ńcʉ́me.


Á gwaa gwɔ́ Yěsô ne ńgɔɔn mbwo lá’ ngie pege ge gíŋe ná’a ńnéŋe, n gʉa ńtsɛ́ɛ nyìŋ gẅie à la túmo wɔ̀ɔn.


Mèŋ n kě ne ńzsé yé. Mèŋ fóo pɔ́ ne lejʉ́ŋ yé, mbà yé zɔ ka tumó wɔ̀ɔn.


Nyìŋ laa zɔɔn ńkwɔ́’ɔ tÿǒ lepwó wɔ́, ndà’ *Míŋ Nyìŋ gẅie à la fó wó sẅɛ́’.


Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.


Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.


Yěsô tsɔ́’ɔ mbwo pɔ́b ngie: Mèŋ n tsɛ ne ńgɔɔn nò gie mèŋ n zsé nà twó mbùm yɔ́ɔn tá’, anò gie mèŋ n gɔɔn ké ńgwɔ́ nénʉ́, á nue mèŋ n ne ńzsé jʉ’ gie mèŋ n ka fó wó, ńgíŋe ńne ńzsé jʉ’ gie mèŋ n gee nê wó. Tá’ ńgʉa ná pi, mbà pi tě ne ńzsé jʉ’ gie mèŋ fóo nê wó wɔ́, ḿbiŋ ńké tě ne ńzsé jʉ’ gie mèŋ n gee né wó wɔ́.


Swiv nou:

Piblisite


Piblisite