Ŋwà’ne Jâŋ 13:15 - Nouveau Testament en Ngienboum

¹⁵ Mèŋ n nyɛɛ gẅi fʉ̀’ légwɔ́ gie pi gí pi ge gÿo pá’ pi gyǎ mèŋ n gÿo.

Ŋwà’ne Jâŋ 13:15 Referans Kwoze

Matio 11:29

Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

1 Jâŋ 2:6

Nyìŋ lɔɔn ńgɔɔn ngie: Peg Ssé léen ńtemte, á zɛ́te ngie ngÿǒ menò mé gwɔ́ pá’ me Yěsô Kristo laa pú’u.

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Roma 15:5

Mèŋ ne ńdúɔ mbwo Ssé ngie yé gẅie à kẅiŋte wégè, ńgÿo ngie tà pege kʉ́a, á gÿo pi gẅiin tà’ nkwaŋá tsetsɛ̀ɛ pi, á lɔgɔ pú’u, ńgwɔ́ mmó gie Yěsô Kristo la zí’i gẅí.

1 Piɛ 5:3

Tà pi lɔg metʉ̀ sá’ pʉ̀a pie Ssé la cʉ́me mbwo pi, pi giŋ pɔ́ nà mbú gie pɔ́ ge pí fʉ̀’ ná pi.