Ŋwà’ne Jâŋ 13:14 - Nouveau Testament en Ngienboum

¹⁴ Á lɔɔn ńgwɔ́ gie mèŋ Ndè, ńgwɔ́ Tsítsà, mèŋ sɔ̌g mekwò mí, mbà á zɛ́te ngie pi gí, pi ne sɔgɔ mekwò mí pi né pi.

Ŋwà’ne Jâŋ 13:14 Referans Kwoze

1 Piɛ 5:5

Á gʉa ná pi gí pûɔ shùm, pi ná nnɛ́ ssé mvfò pàkẅé mvfò tsɛ̀ɛ cú’tè, ńgʉa ná pʉ̀a metsèm, tà pi ne ńgÿo tsɔ́ mmó, nyìŋ gẅi kwaŋ ngie à cʉa wetsɔ̌. Á nue ŋwà’ne Ssé gɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

Megàŋ ntúm 20:35

Mèŋ n kɔ̌ɔn ne ńnyɛɛ gẅi fʉ̀’ ntsèm ntí gie á ne ńzɛ́te ngie mé fa’ pú’u, ńzsé ngie mé ge kẅéte pàtè mmó. Á poŋo lékímte nò gie kwà’ Cʉ̀apʉ̀a Yěsô la gɔɔn ngie: Lenǎ mmó à gẅiin fù’ ńcʉa lékẅé.

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.

Roma 12:16

Pi gẅiin tà’ ncwò tsetsɛ̀ɛ pi, tà pi tsɔ́ɔn pɔ́ mencwò fà’ melÿò, pi zẅíŋe légÿo mefà’ mie é ku’ ku’, tà pi kwaŋ ngie pi zsé nò.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.

1 Korento 8:13

Áa yɛ̌ tá ńgwɔ́ gie n dɔɔn ńjÿó mmó léjÿó, le gwɔ́ gẅie mèŋ n jÿǒ gÿo fɛ́ wɔ̀ɔn gwe ssé, mbà á cʉ́’ gie mèŋ n ké ńgÿo fɛ́ wɔ̀ɔn gwe pɔ́ ssé, n de lá’ ńgíŋe ḿpfɛ́ mbab wɔ́.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

2 Korento 10:1

Mèŋ Pɔl, mèŋ n ge lɔg pá’ Yěsô Kristo pʉ́le tɛ’ ńgíŋ ńgwɔ́ ngàŋa pòŋo ntʉ́m, éshwóŋó gẅi tà’a nò. Aa kwà’ mèŋ pɔl wá gẅie mé gɔɔn ngie mèŋ n ge fʉ̀’ gie mèŋ n gee tsetsɛ̀ɛ pi, ń nẅéen nẅéen, ńké ńgwɔ́ fʉ̀’ gie mèŋ n gee ngʉ̀a shʉ̀shʉ̀a, ńgɔɔn nò mbwo pi tsɛ̀ɛ ŋwà’ne té pɔ́g la.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

Ŋwà’ne Jâŋ 11:2

Wɔɔn Malîɛ gwɔ́ gẅie a lǎ’ ńdɔgɔ laméndɔɔn, ńzɔ́’ɔ Ndè tà á kû’, á gíŋe ńdɔg menòŋo twó mé ńtsí’i mekwò mé la. Nǎzalo gwe gùɔ pá’ɔɔn,

1 Korento 12:3

Áa yɛ̌ tá mèŋ n ne ńkwoŋo ngie pi zsé ngie: A Zẅìge Ssé zɔ̌ lɔɔn ńtsóte nyìŋ légɔɔn nò, mbà ńgwɔ́ ngàŋ á le néŋ ndòon twó Yěsô wɔ́. A Zẅìge Ndʉalʉ̌a lɔɔn ḿbiŋ tè ne ńtsóte nyìŋ légɔɔn nò wɔ́, mbà ńgwɔ́ ngàŋ á le gɔɔn ngie Yěsô aa Cʉ̀apʉ̀a wɔ́.

Filipo 2:11

Á piŋ ne ńzɛ́te ngie mbàa wɔ̌wɔ́ɔ sá’ ngie Yěsô Kristo aa Cʉ̀apʉ̀a. Mé ge gɔ́ɔn pú’u, é lɔg ná mekù’ á mbwo Ssé Tá.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.